Treningar 2010
02.01.2010:
Godt år til alle! Eitt nytt år ligg føre, og sidan alternativet er så mykje dårlegare, må vi berre halde det gåande. I dag var det «bikkjekaldt» med likevel var det 14 stk. som møtte. Vi nemner i alfabetisk rekkefølge: Anders, Asbjørn, Gry, Jan, Johnny, Kjell N, Magne, Oddvin, Ola V, Roald, Rune, Svein-Arne, Svein Å og Aase-Britt. Ja, ein må berre skryte av «avd. Indre Jølst» som stiller 7 stk – Mycket bra!
Treninga: I dag var ikkje dagen å sette pers – verken sånn eller sånn. Det var langintervall 4x1000m som vart økta. Nokre fann ut at dette var for kaldt og for heimatt før hovedøkta. Planen for dei som var med var å halde igjen, men ikkje alle klarte det. Johnny, Jan og Kjell låg samla i tet og tidene låg mellom 3.55 og 4.00. Pausen var ca. 2min. Etter denne dosen var alle gode og varme, og tykte at dette gjorde berre godt.
Ver og føre: Ca. 14 kaldegrader og vindstille. Snødekke, men godt å springe likevel.
————————–
09.01.2010:
Det er kaldt på 4.veka, men nokre av oss held ut. I dag var vi under snittet, men likevel bra at 10 stk. møter: Dag, Gry, Ivar, Johnny, Kjell N, Magne, Oddvin, Roald, Rune og Svein-Arne.
Treninga: Inspirert av «Tour de ski» hadde sjefstrenaren klekt ut ei ny økt i dag: Start i Hammarsvikja var det først 3x500m intervall tilbake til Helmen. Så var det «monsterbakken» i Gjesdalen (Val de Gjesdala) som vart delt i 2 etappar. Dette gjekk fint, men som venta var det tungt nok. Litt kaldt synes enkelte som stod av etter dei 3 første, men 7 stk. kom til topps. Det var Ivar som var først heile vegen med Johnny like bak, inntil den siste der Magne som vanleg synte styrke og overtok 2.plassen. Gry var med heile vegen rundt og hevdar seg godt.
Ver og føre: Ca. 13 minus og vindstille. Godt føre og opp Gjesdalen hadde dei til og med grusa vegen for oss. Som det var sagt undervegs: «Vi er heldige som kan vere ute sånne dagar»….
———————-
16.01.2010:
Oppmøtet er tilbake «på sporet». 16 stk. i dag. Her er dei heldige: Anders, Arne Håheim (*)Asbjørn, Dag, Erling, Gry, Kjell N, Leif, Magne, Oddvin, Roald, Rune, Svein B, Svein-Arne, Svein Å og Aase-Britt. Eit namn som nokre lurer på kanskje, men nei, Arne (svigerson til Erling) har vore med oss før og veit kva vi held på med (!!??)
Treninga: Etter ein oppvarmingsrunde ut på Einehogjen og innatt til Gjesthalla, var det bakkeintervall som venta allmuen. 6x300m frå Gjesdalsbrua og oppom skulen var økta. Reidar, som har vore lite å sjå i haust/vinter, gjekk rett i tet og var først faktisk på begge dei 2 første. Men, så hadde Kjell summa seg og tok over. På siste drag gnistra Leif og ikkje minst Dag til og følgde han heilt opp. Dag først! Flott!
Ver og føre: Det er så godt som mildver etter det vi har vore med på siste vekene. Ca. 0 grader men ein sur austavind.
——————-
23.01.2010:
Vi blir fleire! Yes, i dag kom både sjefen i Jølster IL, Magnus og ikkje minst Jølster sin kanskje beste løpar gjennom tidene: Kjell Steinset. Dermed er tidenens eldste gubbetrimmar på plass med sine snart 74år!!! Velkommmen til dokke begge! Her er namna: Anders, Asbjørn, Erling, Gry, Ivar-A, Jan, Kjell S, Leif, Magne, Magnus, Oddvin, Ola H, Ola V, Roald, Rune, Svein-Arne og Sverre (på skeiser). (Den er ny).
Treninga: Inne på sørsida vart økta gjennomført. Og økta var 6x500m intervall. Pausetid veit eg ikkje, men sidan Rune var sjef, var den heilt sikkert kort som søren… Ivar var først, men vidare bakover seier rapportøren ingen ting om. Eg vil tru at Jan var langt framme..Kanskje Magne på siste draget??
Ver og føre: I Jølster i dag var det ca. 4 minus-grader og forholdsvis vindstille. Ein fin vinterdag.
————–
30.01.2010:
Tung vinter til trass: Frammøtet er glimrande. Igjen 17 stk. på plass: Anders, Asbjørn, Dag, Erling, Gry, Ivar-A, Johnny, Kjell N, Kjell S, Magne, Oddvin, Ola H, Roald, Rune, Svein-Arne, Svein Å og Aase-Britt.
Treninga: Det har snøa i heile dag. Lett tørr snø, gjev dårleg feste for løparar. Vi fann likevel eit brukbart område på gangvegen i Vassenden Sentrum. 5x500m opp til hotellet/asylmottaket. Ivar var 30-40m føre nr. 2 på dei to første, men så starta Kjell N. opphentinga, og var ganske nær på dei 2 siste. Magne og Johnny delte på 3 og 4 plassen. Lenger bak pustar Dag og Asbjørn dei nemnde i nakken. Det er bra.
Ver og føre: ca. 3 minusgrader og opphaldsver. Glippeføre var det, men brukbart å springe trass alt.
—————————-
06.02.2010:
Framleis godt frammøte. I dag var vi 14 stk: Anders, Dag, Gry, Jan, Kjell S, Leif, Oddvin, Ola H, Roald, Rune, Svein-Arne, Svein Å, Turid (ski) og Aase-Britt. Endeleg er Turid tilbake etter lang tids fråvær. Sjølv om ho kom på ski er frammøtet godkjent!
Treninga: Etter ein oppvarmingsrunde ut på Lergrovbakken og innatt til Gjesthalla, hadde ass. sjefstrenar planlagt at det skulle springast 6 motbakkedrag frå Gjesdalsbrua og oppover. Etter det ryktet seier var Jan først på alle draga. Nyhende: Det var Dag som hadde kommandoen og telde ned til «0». I dag var trenaren ekstra populær då det var så kort veg heimatt!
Ver og føre: Lett skya ca. -5 grader og fine forhold.
———————————–
13.10.2010:
Igjen stillte 14 stk. til øka… Dermed sånn omtrent på snittet. Det som er imponerande er at halvparten av desse kom frå Indre Jølst. Her er namna: Anders, Dag, Erling, Gry, Johnny, Kjell S, Magne, Oddvin, Ola H, Roald, Rune, Svein-Arne, Svein Å. og Aase-Britt.
Treninga: Vi køyde ein kopi av «Tour-de-Ski» økta. Først 3x500m intervall – så 2 intervallar opp Indre Gjesdalsvegen. Imponerande nok om alle seg opp i dag. D et er bra.
Ver og føre: Ein flott vinterdal i Jølster. 7-8 minusgrader og vindstille. I dag var det lyst under heile økta… Nok ein bevis på at vi går mot… ja, lysare tider!
————————
20.02.2010:
Ja, det nærmar seg vår, utan at det er så mange teikn på det. Nok ein fin vinterdag i Jølster idag. Dagens økt vart besøkt av heile 16 stk. , deriblant ein debutant hos oss: Alex Peveri. Storløpar med jølsterrekord på 400m for få år tilbake, gledde oss med sitt frammøte. Her er namna på alle som var til stades: Alex, Anders, Asbjørn, Dag, Erling, Gry, Ivar-A, Jan, Johnny, Kjell S, Leif, Oddvin, Roald, Rune, Svein-Arne og Aase-Britt.
Treninga: Vi tok oss utover bakkeslåttene der vi etter litt prat og eit drag skulle springe 500m intervallar. Forslaget frå sjeftrenar var 6 stk, men det vart gledeleg nok nedstemt av ein oppstemt Svein-Arne som ikkje ville ha seks, men sju!!! Ingen mukka, og så var vi i gang. Som venta var Alex sjef, men Ivar gjorde gode forsøk på å halde følgje. Deretter kom vi andre…. Alle kom vel igjennom og alle kom heimatt.
Ver og føre: Ca. 7 kaldegrader og vindstille. Godt vinterføre og heilt ok å springe ute..
——————–
28.02.2010:
Nok ein gong eit frammøte vi kan vere nøgde med: 15 stk. var på plass når stigningsløpet vart sett i gong av Erling. Her er namna: Anders, Asbjørn, Dag, Erling, Ivar-A, Johnny, Kjell N, Kjell S, Leif, Magne, Oddvin, Roald, Rune, Svein og Svein-Arne.
Treninga: Litt sur austavind gjorde at vi trekte oss ned på Bakkeslåttene der det var litt lunare. Etter ein lett jogg ut til Halvard Flatabø var økta slik: 1000m-800m-600m-400m-200m. Første draget i motbakke og motvind var tøft, men det kom seg etterkvart. Ivar var først heile vegen. På dei 3 første var Kjell N nærmast, på dei 2 siste var Johnny nærmast.
Ver og føre: Ca. 4 minus og lett vind frå aust. Heldigvis hadde Jølster Kommune strødd før vi kom (takk til dei), så festet var ok det. Men, vi lengtar etter grus og asfalt under skoa.
————————
06.03.2010:
Etter vekevis med kulde og vinter, ser det endeleg ut som veret har snudd.. Frammøtet var også i dag godt: 15 stk. på plass: Anders, Asbjørn, Erling, Gry, Ivar-A, Jan, Kjell S, Leif, Magne, Oddvin, Reidar, Roald, Rune, Svein Å og Svein-Arne.
Treninga: … føregjekk i dag innover sørsida. Det vart sprunge 6x500m intervall. 2 innover og resten (nesten heilt) heimatt. Som venta var rekkefølga i tet Ivar, Jan og Magne.
Ver og føre: Litt småglatt var det, men temperaturen var «berre» 0 grader. Lett yr/snø og vindstille.
——————–
13.03.2010:
I dag var treninga flytta til Skei i høve feiringa av Ola sin 60-årsdag. Akkurat det kan ein lese meir om andre stader her på forumet. Det var strålande frammøte i dag og: Heile 17 stk. på plass utanfor Skei Hotell: Alex, Anders, Asbjørn, Dag, Erling, Gry, Jan, Johnny, Kjell S, Magne, Oddvin, Ola H, Roald, Rune, Svein-Arne, Sverre og Aase-Britt.
Treninga: Etter ei oppvarmingsrunde rundt i byggefelta på Skei, fann vi oss ein flott arena og springe intervallar. Det var langs Fyglavatnet. Her var økta 5 x 750m intervallar. Pausar ca. 1,5min. Dvs det var kun Alex som sprang 750m. Vi andre sprang kortare. Johnny hadde 2.plassen stort sett heile vegen med Jan og Magne i hælane. Gruppa delte seg der dei såkalla «sprinterane» hadde litt kortare drag. Uansett det var ei god økt!
Ver og føre: Ca. 0 grader, vindstille og berr veg. Flott å springe her.
———————–
20.03.2010:
For 4.gong i år møtte 17 stk. til treninga. Dette er rekord, og snittet i år er «all-time-high»!!! Her er namna: Anders, Asbjørn, Dag, Finn, Gry, Ivar-A, Jan, Johnny, Kjell N, Kjell S, Leif, Magne, Oddvin, Ola H, Reidar, Svein-Arne og Aase-Britt. Erling er på treningsleir i syden og Svein er på safari i Afrika, men kor var Nilsvegens store sønner??
Treninga: Det er kun 5 veker til første stafett og 6 veker til vi skal vise oss fram på Breim. Med dette som bakgrunn snudde no sjefstrenaren treninga med tanke på toppform då. I dag køyrde vi ei god økt som var fast standard i dei dagar Gubbetrimmen starta opp (1978-79) – nemleg 4 x 500m. Med 400m gangpause tilbake vart det ca. 5 min. Ivar var først på alle, men hadde både Kjell N. og Johnny i hælane. Farten var god til å vere første økt av denne sorten: 1.27-1.28-1.28-1.28 på Ivar. Skryt til alle i gruppa for tøff innstilling og gode tider. Men, berre vent, dette skal bli betre!
Ver og føre: Berr asfalt, vindstille og ca. 2 + grader. Verkeleg flott å endeleg kjenne «fast grunn» under beina.
——————————-
27.03.2010:
Konkurransesesongen er i gang og vi hadde i dag 3 gubbetrimmarar med på Sørstranda Rundt på Rygg i Gloppen. Det var Ivar, Jan og Gry. Om enn så hardt det kan vere, så er reglane klare: Dette tel ikkje som frammøte på treninga! Dei som var her i dag var: Anders, Johnny, Kjell N, Kjell S, Leif, Magne, Oddvin, Ola H, Roald og Svein-Arne. Det var 10 stk det. Ja, så har vi Dag. Han hadde trena før oss andre og hadde sett sitt kryss på lista. Dette er i grenseland kva frammøte gjeld. Men, treninga gjennomførte han, og det er trass alt det viktigaste… eller??
Treninga: Som sist var det tempointervallar. I dag var det 3x600m. Pausane var frå 5-7min. Kjell og Johnny var like i tet på desse tidene: 1.53, 1.55-1.49. Magne var åleine på 3.plass, Leif på 4, men så var det litt ymse. Bra innsats av alle, sjølv om Svein-Arne dessverre slit med strekk-skaden sin og måtte gje seg tidleg.
Ver og føre: Meir vår i lufta gitt. Ca. 6 grader lett austavind ogoverskya. Flott å trene ute!
———————–
03.04.2010:
«Jeg velger meg april…» var det ein stor diktar som ein gong sa, og i dag var det flott å vere ute. Ein anar at våren nærmar seg. Veldig godt frammøte til å vere påskeafta då heile 14 stk. møtte. Her er namna: Anders, Anja, Asbjørn, Dag, Ivar, Johnny, Magne, Magnus, Leif, Oddvin, Roald, Rune, Svein-Arne og Turid. Veldig kjekt at Turid er tilbake etter 6mnd fråver! Håpar vi no har deg her kvar laudag! Så vil ein sjå eit nytt namn: Anja. Det er ei av døtrene til sjefstrenaren og hevda at ho kun var her for å trene for seg sjølv. Men, når klokka er 17:00 og befinn seg ved Garasje Grønfur, er ein med!
Treninga: Gjengen tok seg vestover til Bakkeslåttene, der det er høveleg underlag for oss. Sjefstrenaren vil ha fart i gamle skrottar… Det er ei utfordring! I dag var det 5x300m tempointervall (3min pause). Det vart bra fart på mange. Johnny var først på alle, og hadde nokolunde selskap av Ivar på dei 3 første. Magne var ein god nr.3, men bak der var både Dag og Oddvin kvasse, og la litt ekstra i fråsparket. Elles så er vi mange som kjenner diverse småstrekkar og ømme sener, og det uroar sjefstrenaren.
Ver og føre: Ca. 7 grader og sol. Det einaste som ikkje var max. var ein litt sur austavind.
————————-
10.04.2010:
I dag var det ein fantastisk dag i Jølster. Sol og vindstille. Våren er kommen! På treninga møtte det 16 stk: Desse var: Anders, Asbjørn, Dag, Erling, Frida, Gry, Kjell Ø, Jan, Johnny, Magne, Leif, Oddvin, Roald, Rune, Svein Å og Turid. Eit anna vårteikn er at Frida og Kjell er på plass. Velkomne!
Treninga: Stafettsesongen nærmar seg, og her må farten aukast. I dag var det testløp/standpunkt løp. Ikkje berre eitt – men to! Først 800m, så etter 10min 500m. For opptil fleire gjekk siste løpet forholdsvis betre enn første. Vi treng nok ei kraftig oppvarming for å yte vårt beste. For tider sjå under knappen «testløp».
Ver og føre: Som før sagt. Ein flott dag. Sol, lett bris frå aust og ca. 8 grader.
———————–
17.04.2010:
Eit kraftig tilbakeslag når det gjeld veret, men ikkje frammøtet. Det er veldig bra: 18 stk. og her er namna: Anders, Asbjørn, Dag, Erlend, Erling, Finn, Gry, Ivar, Kjell N, Kjell S, Johnny, Magne, Leif, Roald, Rune, Svein Arne, Svein B og Turid. Erlend sesongdebuterer på laurdagstreninga. Velkommen! Så vil ein nytte høvet å gratulere dei gubbetrimmarane som var med på KM Terrengløp i går. Frida, Gry, Kjell Ø og Kjell N vart alle krinsmeistrar. Ivar var nr. 3 i sin klasse. Veldig bra!
Sjefstrenaren har nokre veker no forsøkt å få fart i gamle skrottar, og det kan sjå ut som det virkar. Dei fleste spring fortare enn før i år, og ein ser tendensar til konkurranseform. Det er bra, for no startar sesongen snart. Neste søndag er det Oldenstafett. I dag var det nok ei økt med fart. 2 x 500m + 1 x 300m. Pausane var gode, og det trengs når mjølkesyra melder seg. Første drag tok Johnny med Kjell og Ivar like bak. Så var Ivar så vidt først på dei to neste. Tidene var 1.26-1.25-0.47. Det er fortare enn sist både i tet og for fleire andre i gjengen.
Ver og føre: Ein sur dag med ca. 0 grader og sludd og regn. Akkurat når vi var i sving, var det faktisk opplett. Dermed var det egentleg heilt greitt å vere ute.
————————————-
24.04.2010:
Vi skal liksom vere midt i våren, men det ser ikkje sånn ut med veret. Men det skremmer ikkje oss – vi trenar. Desse møtte i dag: Anders, Asbjørn, Dag, Erlend, Gry, Ivar, Kjell N, Jan, Johnny, Magne, Roald, Rune, Svein Arne, Sverre og Turid. (15 stk)
Treninga: Vi tok kursen til Golfvegen og har hadde vi ei god økt: 9 x 1min intervall. Pausar 1,5-2min. Det gjekk fort unna og fleire ville vere først. Ivar hadde flest førsteplassar, men både Johnny og Magne tok sine «stikk»…
Ver og føre: Kun 3 grader og litt sur vestavind. Men, som vanleg er det heilt greitt når ein berre kjem i gang.
——————-
01.05.2010:
Ein raud dag i kalendaren i dag, men trening vart det lell. Det var vitterleg 15 stk. på plass i dag, men eg manglar ein her… Kven er det? Anders, Asbjørn, Dag, Erling, Kjell N. Johnny, Leif, Magne, Roald, Rune, Svein Arne, Sverre, Turid og Aase-Britt.
Treninga: Veldig mange av gjengen skal springe Breimstafett i morgon. Derfor vart det ei lett økt i dag. Det likte folket og spesielt Erling skrytte av dette opplegget. Først 1 x 300m i nesten full fart. Deretter 1 x200m i flytfart (!!??). Om alle følte at dei «flaut» er heller uklart, men det er for såvidt ikkje så nøye…
Ver og føre: Litt sur nordavind, men opphald og tildels sol. Temp kun 5 grader.
——————————–
08.05.2010:
Ein stor dag i Gubbetrimmens historie. Holmenkollstafett med eit stort innslag av gubbar på Superveteranlaget. Men først må det rapporterast at sjølv om mange er i Oslo`s gater, er det likevel ein kjerne som held liv i det lokale oppmøtet. I dag var desse på plass: Anders (sykkel), Erling, Gry, Leif, Svein-Arne, Svein Å
Treninga: Gjengen forflytta seg ut på Bakkeslåttene og der ligg det alltid ein grei motbakke og ventar. Frå Hallvard Flatabø og oppå høgda er det 300m og dette vart sprunge 6 gonger. Underteikna har ikkje høyrt noko om stillingen i feltet, men eg vil tru at Gry truleg har lege langt framme.
Ver og føre: Ikkje godt å seie…
Holmenkollstafetten: Følgande frå Gubbetrimmen tok del på superveteranlaget (etappe i parantes): Johnny (1), Finn (2), Dag (3) Kjell Ø (4), Kjell N (8), Roald (9), Oddvin (11), Magne (14), Asbjørn (15). Det vart heile 9 stk. det. Som venta var dei same karane i tet seinare på kveld også utan at det skal utbroderast meir her. Nok ei triveleg helg i Oslo. Dette held gjer vi neste år også….
——————————
15.05.2010:
Tilbake til kvardagen etter at stafett-sesongen no er over. Men, kvardagar skal ein ikkje forakte, og i dag var det faktisk sommertemperaturar. Dermed la desse avgarde – i T-skjorte: Anders, Dag, Erling, Gry, Johnny, Kjell S, Kjell N, Leif, Magne, Roald, Rune og Svein-Arne.
Treninga: Golfvegen er liksom «vår» veg. I dag delte vi runden i 3x2min og håpte på at førstemann skulle komme heilt rundt. Det gjekk nesten, då det mangla ca. 50m. Førstemann var som venta Kjell N. Med etappetider i superklassen forrige helg, er sjølvtillit og form upåklageleg. På først draget miste Leif bremsene ned prestebakken, og var plutseleg heilt framme på andre plass. Så var det slutt for han og ting fall liksom på plass då Johnny og Magne fann plassane sine som 2 og 3. Pluss i margen til Leif for tøff åpning! Lenger bak imponerer Gry med å sette gubbe etter gubbe på plass. Ho er no like bak «red group», og der framme blir ein ikkje yngre med åra så…..
Ver og føre: Den første dagen med sommartemperaturar. Ca. 18 grader lett vind og opphald. Flott serru…..
———————
22.05.2010:
Ein regnvåt mai ettermiddag møtte desse gubbane til trening: Anders, Asbjørn, Dag, Erlend, Erling, Gry, Kjell S, Oddvin, Roald, Rune, Svein-Arne Svein Å, Sverre og Aase-Britt. Dvs. akkurat når treninga pågjekk vart det opplett.
Det var ass. sjefstrenar Rune som var sjef i dag. Tilbake på gamle tomter rundt Golfvegen vart det sprunge 2 min drag. Etter det ein forstår heile 5 stk. Utan at referenten er sikker, vel eg tru at Roald og Gry låg langt framme.
Ver og føre: ca. 10 grader og gråver. Ok å trene i dag og.
——————–
29.05.2010:
No er sommaren kommen og då er det flott å trene. I dag var verken sjef strenar eller assisten til stades, så då måtte Svein Arne til pers. Først frammøtet: Anders, Asbjørn, Erling, Gry, Ivar-A, Kjell N, Kjell S, Magne, Leif, Oddvin, Ola H; Roald, Svein-Arne og Turid.
Treninga: 3.trenaren tok grep med det same og kommanderte ei svin-hard økt i motbakkane med Bjørkelia: 6 x 2min. (Spørs om her kjem benkeforslag på neste årsmøte om ny 3.trenar??). Ivar var først og Kjell N var nr.2 på alle draga, men kampen om 3.plassen var interessant. Asbjørn, Magne, Leif og Gry (!!!) skifta om denne. Gry er no blitt så tøff i motbakkane at nokon og ein kvar får problemer. Flott!
Ver og føre: Som sagt ein flott dag der temperaturen låg nærmare 20 grader.
——————————
05.06.2010:
Nok ein fin sommardag, og opptil fleire stilte i shorts. Her er namna på dei som var her: Anders, Dag, Gry, Johnny, Kjell N, Magne, Leif, Oddvin, Roald, Rune, Svein-Arne Svein Å, og Turid. Med andre ord: Ein god gjeng! Det kan elles rapporterast om at Ivar Andrè har sprunge ein flott 1/2 maraton på Beitostølen. Tida var 1.21.29!
Treninga: Med tanke på at fleire gubbar har tenkt å delta på Jølster Maraton i sommar må det leggast inn nokre økter med mange repetisjonar og kortare pausar. I dag starta ein opp med 6x500m. Start kvart 3.min. Kjell N var aldri trua i teten og dokumenterer solid form. Nokre meter bak kom Johnny med Magne hakk i hel. Lenger bak var det kjekt å sjå at både Gry og Roald ville vere med i «det gode lag»… Dette gjorde godt!
Ver og føre: Sol, vind frå vest og ca. 18 grader. Flott dag!
——————————–
12.06.2010:
Det er litt tøft dette… Sjølv om fleire «faste» var vekke, stiller altså Gubbetrimmen 17 stk. på trening nok ein gong. Dette er den siste hardøkta dette halvåret. Neste laurdag er det som kjent sommaravslutning. Her er dei som møtte i dag: Anders, Asbjørn, Dag, Erlend, Erling, Gry, Ivar A, Jan, Kjell N. Leif, Magne, Oddvin, Ola H, Roald, Rune, Svein Arne, Svein Å,
Treninga: Rune var sjef i dag og då vart som vanleg køyr. 12x200m på Bakkeslåttene med start kvart 1.30. Det gjekk kvast både i tet og lenger bak i feltet, noko det faktum at det var lite prat mellom draga var eit bevis på. Ivar og Kjell låg som venta fremst, men både Leif og Magne yppa seg. På siste draget hadde Erlend fått fyr på turboen og tok sigeren der.
Ver og føre: Litt tilbakefall kva temp og ver angår. Det var ca. 10 grader og overskya. Men, som vanleg brydde vi ikkje oss om dette.
——————————-
19.06.2010:
Ja, så var første halvår over, og som vanleg vart dette markert med grilling på Juklestad Brygge. Først litt om kven som var her i dag: Dag, Erling, Jan, Johnny, Kjell N. Leif, Magne, Oddvin, Roald, Rune, Svein Å, Sverre og Aase-Britt. Det var 13 stk. det. Men, så dukka det opp fleire gode folk til den sosiale delen: Svein Boge, Turid og sjef Jølster IL Magnus gleda oss med sitt nærvær. Etter vår reknemåte var vi altså 16 stk. i dag.
Gubbetrimmen har lagt bak seg sitt beste halvår nokon sinne. Når ein seier beste, så er det oppmøte vi snakkar om. Snittet er utrulege 14,83 pers. på treningane. Det er ny rekord! Vi har gjennomført 25 økter under varierande ver- og føretilhøve. Kaldaste dagen var 2.januar (-14gr) og varmaste var 29.mai (+20grr).
Treninga: Som vanleg vart det ei lett økt i dag. Vi sprange lysløypa ut til Bjørkelia, snudde og for innatt. Alle kom tilbake! Der venta grillmeister Roald med varm grill og stolar til alle.
Ver og føre: Ca. 14 grader, men ein sur nordaust tvinga oss vekk frå brygga og i ly bak naustet.
Til slutt: Vi fortset treningane onsdag 19:30 og måndag 16:15 i Førde.
TAKK FOR EIT GODT SEMESTER! VEL MØTT TIL HAUSTEN!
———————————————————-
21.08.2010:
Vi er i gong igjen! Rett nok er dagens økt rekna for «prøveoppstart» men dog. Veldig mange hadde i dag diverse gjeremål og reisemål i aust og vest. Såleis var «kun» 4 stk. på plass ved garasjen i dag: Asbjørn, Johnny, Oddvin og Svein Arne.
Treninga: Det har vore vanleg å starte hausten i motbakken ved Halvar Flatabø. Sånn vart det i dag også. 5 x 300m med jogg tilbake. Sjefstrenaren var først på alle, men Asbjørn såg ut til ikkje å ha lege på latsida i sommar, då han var kun 20-30m bak. Oddvin opna tøft og måtte legge seg litt bak etterkvart. Sveiin Arne venta til siste draget før han fekk start på motoren. Då følgde han Johnny til det var 50m igjen.
Ver og føre: Ca. 15 grader lett regn og vind frå vest. Ok å trene, men vi har bak oss nokre dagar som har vore endå betre.
———————————
28.08.2010:
Så er vi endeleg i gong med nytt semester. Dei fleste er på plass, sjølv om vi veit at fleire er på veg. I dag kunne vi notere 12 stk. Her er namna: Anders, Erling, Gry, Ivar, Johnny, Kjell N, Oddvin, Ola H, Roald, Rune, Svein Arne og Aase-Britt.
Treninga: Vi klinka like godt til med ei forholdsvis tøff økt. Ingen tid å miste skal vi få opp formen. Økta, som føregjekk på Bakkeslåttene, var sånn: 2×200 + 2×300 + 2×400 + 2×300 + 2x200m. God fart i tet der det vart veksla om å vere først. Johnny starta, men så kom Kjell og så Ivar som var sjef på siste halvdel. Bakanfor desse ser vi Gry og Roald.
Ver og føre: Litt surt i dag. 10 grader og regn. Men pytt, pytt – vi er glade for at vi kan få lov å halde på med dette.
————————
10.09.2010:
Det er vel sånn at denne dagen ikkje kjem til å telje med…. Kvifor det? Jau, i dag vart Trekktrasèen Opp arrangert, og her har vi både opphav og faddarar i våre rekker. Meldinga er til folket: Enten er du med som deltakar eller så er du funksjonær. Det var fleire gubbar som var deltakar og her er deira tider: Gry (9.03)!!!, Kjell Ø (9.22), Ola V (9.53), Johnny(10.28), Frida(10.39), Reidar(11.25).
————————-
18.09.2010:
Endå er vi ikkje på godt gamalt nivå når det gjeld frammøtet. Mykje skjer rundt om og det vert vel oktober før vi har full styrke. Ein sjelden gjest, Finn, var innom. Det var kjekt. Her er namna: Anders, Finn, Leif, Oddvin, Reidar, Roald, Rune, Svein Arne og Turid. Så kom Johnny litt etterpå og kryssa av, så dermed var vi 10 stk.
Treninga: Etter oppvarming utover Bakkeslåttene og 2 stigningsløp, var ein klar til økta. 1 minutts drag rundt Golfvegen. Frå bakketoppen, rundt og tilbake vart gjennomført i løpet av 9 drag. Som venta var Finn først, men han hadde full hyre med å halde ein opplagt Reidar bak seg! Kanskje har Reidar lege i treninsleir sidan vi har sett så lite til han??
Så kan det nemnast at Johnny køyrde eit anna opplegg: 3000m hurtig langtur på 12.45.
Ver og føre: Huff det er haust. Regn og kun 9 grader… Men, som vanleg ikkje noko problem når vi først er komne ut.
———————————
25.09.2010:
Det er ikkje oppmøtetal etter «gamal standard», men som Roald seier: «Vi er ikkje fulltallige før vi kjem i oktober!» Idag var ein 7 stk. Det var: Anders, Asbjørn, Dag, Erling, Ivar, Leif og Oddvin.
Ved H.Flatabø vart det sprunge 6 drag à 300m. Ivar var som venta først, men bak han vart det kjempa om 2.plassen. Asbjørn og Oddvin var involvert, men på siste draget kom Leif for fullt og hadde omtrent teke igjen Ivar også.
Ver og føre: Ein fantastisk haustdag i Jølster. Austavind, sol og ca. 14 grader. Flotte greier…
————————
02.10.2010:
Vi er runda inn i oktober og frammøtet er endeleg på veg framover. I dag var 13 stk. men endå er det mange faste som manglar… Her er dei som var her i dag: Anders, Asbjørn, Erling, Ivar, Jan, Johnny, Kjell Ø, Leif, Oddvin, Roald, Rune, Svein-Arne og Aase-Britt.
Treninga: Vi held oss på grusen. Golfvegen rundt vart delt opp slik: 1-2-3-2-1min (Pause som draga). Ivar var først, med Johnny ganske så nær på dei fleste. Jan var også der framme, og etterkvart kom også Kjell, som hadde tenkt å ta det med ro pga ein skral legg. 5. og 6.plassen var det Leif og Asbjørn som kjempa om. Ei god økt!
Ver og føre: Forholdsvis mildt (11 grader) og austavind. Lett regn.
——————
09.10.10:
Igjen viser frammøtelista 13 stk. Rett nok trena ikkje alle i lag, men alle møtte kl.17.00, så då så. Her er namna: Anders, Dag, Erling, Johnny, Leif, Magne, Oddvin, Ola H, Roald, Rune, Svein-Arne, Sverre (sykkel) og Aase-Britt.
Treninga: Rune tok somvanleg ansvar og var sjef. 12 x 200m på Bakkeslåttene vart bestemt og sånn vart det. Magne, som har vore lenge vekke på andre øvingar, tok teten og der vart han liggande. Johnny som trena for seg sjølv 1 time før sprang 5 x 1000m, men det var det ingen som såg.
Ver og føre: Ein flott haustdag i Jølster. Ca. 10 grader og sol.
———————————
16.10.2010:
Nok ein flott haustdag og i dag var 12 stk. på plass for å samle god form. Desse var: Anders, Dag, Erling, Gry, Ivar, Magne, Leif, Ola V, Rune, Svein Arne, Turid og Aase-Britt.
Treninga: Sjefstrenaren glimrar med sitt fråvær, men han har ein svært så habil assistent i Rune. Difor vart økta planlagt og gjennomført på beste måte. I dag var økta 4 x 4 min. Aase-Britt var «referanse»….. Det fungerte slik at alle møttest der ho kom på 4 minutt. Eit smart trekk! Pausane vart då 2-2,5 min. Løypa gjekk rundt Golfvegen og tilbake. Ivar var først på alle draga som venta, men bak der hadde Magne og Gry eit skikkeleg nappetak. Ola, som det er lenge sidan har vore med, åpna knallhardt og var nr. 2 på første draget. Han var også langt framme på det andre, men så tok kreftene slutt, men han skal ha for tøff satsing.
Ver og føre: Som sagt sol og flott. Vindstille og ca. 5 grader.
——————————–
23.07.2010:
Vinteren er på besøk. Det likar vi vel egentleg ikkje?? Uansett i dag var det 10 stk. på plass ved Grønfur Garasje. Først av alt er det glede å ynskje ein ny gubbetrimmar velkommen. Ingen ringare enn Kjell Olav Førde!!! Jølsterrekordhaldar på 110m og 200m hekk, spyd og ikkje minst 10-kamp! Her er namna: Anders, Dag, Jan, Kjell-Olav, Leif, Magne, Oddvin, Reidar, Roald og Svein-Arne. Det kan elles nemnast at Aase-Britt, Svein Å, og Johnny hadde si økt i Sognehallen under kommando av sjølvaste Vebjørn Rodal!
Treninga: Då både sjefstrenaren og assistenen var vekke tok som seg hør og bør assisterande assistent-trenar Svein-Arne seg av økta. Han kommanderte faktisk 3 x 1000m intervall, endå vi veit at han ikkje likar lange intervallar. Det var Jan og Magne som stort sett var fremst etter det vi har forstått. Farten låg i underkant av 4 minutt.
Ver og føre: Snø og småglatt, men det gjekk stort sett bra. Det var sol og ca. 3 minusgrader.
———————
30.10.2010:
Pen auke i antal i dag då 14 stk. var på plass: Fleire som ikkje ein har sett på ei stund kom, og det er bra. Her er namna: Anders, Asbjørn, Dag, Ivar, Jan, Johnny, Kjell N, Magne, Oddvin, Reidar, Roald, Rune, Svein-Arne og Svein Å.
Treninga: Siste økta i dagslys og for ein flott dag det var. Årets siste runde rundt Golfvegen var berre kjekk. Det var pyramide i dag: 1-2-3-2-1 min drag med pausar som var like lange. Johnny tok bråkjekt første drag, men så kom Ivar og Kjell sigande som venta. Ivar heldt unna heile vegen sjølv om både Jan, Kjell og på siste draget igjen Johnny pressa hardt. Vi må ha sprunge fort for vi kom 50-60m forbi startpunktet på desse 9 minutta! Bak dei 4 nemnde var det Magne, Asbjørn, Roald og Reidar som fann sine plassar. Ei god økt.
Ver og føre: Etter å ha regna «apekattar» i fleire dagar vart det veldig fint akkurat då vi var ute. Ca. 8 grader og vindstille. Flott!
———————-
05.11.2010:
Endeleg så er vi på plass med frammøtet!!! 17 stk. møtte opp til treninga i dag, og det er rekord for denne hausten og sjølvsagt øye svært. Her er namna: Anders, Asbjørn, Dag, Finn, Gry, Ivar, Jan, Kjell N, Kjell-Olav, Leif, Magne, Oddvin, Reidar, Roald, Rune, Svein-Arne, Svein Å og Aase-Britt.
Treninga: I dag var Rune igjen sjef, noko han har vore mange gonger i haust.. Økta var 14x200m intervall og staden var grusvegen på Bakkeslåttene. Det vart ei frisk affære der Ivar og Kjell N hadde ein tøff duell i teten. Like bak desse hadde Magne og Jan eit nappetak. På siste draget overraska Kjell Olav alle med ein skikkeleg kanonspurt som ingen andre klarte å følgje.
Ver og føre: Ca. 2 grader vindstille og greitt ver.
———————–
13.11.2010:
Igjen brukbart frammøte då vi var 14 stk. på plass: Anders, Asbjørn, Erling, Dag, Erlend, Jan, Johnny, Leif, Magne, Ola, Roald, Rune, Svein-Arne og Turid.
Treninga: I dag var det intervall av ein litt ny type: 8x500m med 1 min pause høyres hardt ut, men planen var å springe litt seinare enn vanleg og slik at ein faktisk kunne klart både ein og to til… Det klarte dei fleste greitt, sjølv om det var nokre som ikkje hadde lyst på ein til… Det var trioen Jan, Johnny og Magne som hadde teten. Tidene låg frå 1.50-1.57 og snittet på 1.54. Dei andre som også nådde fram til start kvar gong ver Asbjørn, Roald og Leif. Dei andre var lenger bak og det er no faktisk sånn at den såkalla gruppe-2 ikkje finns lenger!!! Kva har skjedd?? Ei sak for årsmøtet??
Ver og føre: Ein flott dag til å vere november. Ca. 2 + grader, vinstille og lett skya.
——————————–
20.11.2010:
Ein god gjeng stod igjen klar ved Garasje Grønfur kl. 17:00 denne fine vinterdagen. Heile 16 stk. var det her og vi har gleda av å ha med ein debutant: Severin Knutson Halland. Han er kun 11år og dermed har vi to 11-åringar med denne dagen. Sjelden har vi vore så unge som i dag – sånn på snittet! Her er namna: Dag, Erling, Kjell N, Kjell-Olav, Leif, Magne, Oddvin, Ola H, Ola V, Roald, Rune, Severin, Svein-Arne, Svein Å og Turid. (Eg har gløymt ein – kven er det??)
Treninga: Ei etter måten tung økt var det i dag: Den var slik: 2×300 – 2×400 – 2×500 – 2×400 – 2x300m. Pausane var korte- ca. 1 min. Johnny og Kjell N var dei som hadde teten heile vegen. Kjell Olav var stort sett nr. 3 med Magne bak der igjen. Som sist var alle som nådde fram til start rekna for å vere i «red group» og det var mange i kveld. Resten var «dar bak».
Ver og føre: ca. -2 grader og vindstille. Litt småglatt var det, men alle heldt seg på beina…
———————————
27.11.2010:
Ein isande kald vinterkveld var det, men likevel møtte 11 stk. til dyst i kveld. Anja gleda oss med eit besøk igjen.. Her er namna: Anja, Asbjørn, Dag, Ivar, Johnny, Leif, Oddvin, Roald, Rune, Svein Arne og Turid.
Treninga: For å prøve å søke ly for den sure austavinden tok vi kursen nedover gangvegen i Vassenden Sentrum. Her vart det dermed Gubbesjå… 5 x 500m frå Bøafeltet til Hotellet har vi sprunge før, og i dag var det både litt småglatt og som sagt motvind. Men, vi klagar ikkje. Ivar var først med Johnny 20-30m bak. Deretter var det lenge laaaangt bak til neste gubbe. Etterkvart tok Asbjørn ansvar og danna «gruppe-2». På siste draget fekk alle minus Ivar og Johnny 15 sek. forsprang. Det virka flott – for no sprang alle fortare enn nokon gong. Ivar var først igjen, men Dag og Asbjørn greidde å halde Johnny bak seg.
Ver og føre: Ca- 7 kalde + sur austavind. Elles lett skya ver.
———————-
04.12.2010:
Ei god kveld for oss då heile 14 stk. møtte til den første treninga i desember. Kjekt å sjå Kjell Steinset tilbake etter langt skadeavbrot. Han går inn i sitt 75-år, men er fortsatt like lett på foten. Imponerande! Her er namna: Asbjørn, Erling, Johnny, Kjell N, Kjell S. Leif, Magne, Oddvin, Ola H, Rune, Svein-Arne, Svein Å, Turid og Aase-Britt.
Treninga: Det var småglatt på vegane så stor fart var uaktuelt. Dermed var det klart for ein «klassikar» – Gjesdalsvegen Øst. Her sparng vi først 5x350m nederst, for deretter å ta fatt på den den tunge 450m bakken til topps. Kjell N var som venta førstemann, detter la folk seg pent på plass: Johnny nr.2, Magne som oftast på 3.plass, deretter Asbjørn og Leif. På siste draget var det derimot masse «rot» då alle dei nemnde var føre Johnny….
Ver og føre: Lett snødrev, og «kun» 4 kaldegrader…
——————————
11.12.2010:
Årets siste hardøkt (kanskje…) og for ei økt! Først må eg fortelje om ei svært gledeleg hending: Åsmund er tilbake! Yes, etter langt fråvær var han igjen på plass hos oss. Det tykjer vi er VELDIG FLOTT! Vi hugsar Åsmund som ein tøffing på intervalløktene for eit par år sidan, og ser alt no at vi skal få slite med å halde han framover… Lat meg få presentere dei som gjennomførte økta i dag: Asbjørn, Erling, Gry, Ivar, Johnny, Kjell N, Magne, Oddvin, Ola V, Roald, Rune, Severin, Svein-Arne, Svein Å, Aase-Britt og Åsmund. Det er 16 stk. det.
Treninga: Ein tradisjon vi har hatt i mange år er å springe 20 x 200m like før jul. Eg er litt usikker på når vi starta med dette, men eg trur vi har gjennomført dette kvart år sidan tidleg på 90-talet. Det var eit skikkeleg «griseføre» i dag med snøslaps og lett regn. Men, vi let oss ikkje stoppe. Vi klarte økta også i år. Vi fann ei strekke som var sånn nokokunde bra ved Vassbakkane. Her sprang vi nettopp 20 stk. 200m. Pausane var ca 1min. Der framme i tet var som venta Ivar, Kjell og Johnny, men vi såg fort ein anna kar også – Åsmund! Det var omtrent som sist vi såg han – heilt i teten. Med såpass spinkelt treningsgrunnlag som han har, var dette sterkt. Sjølv om han fall litt bak midt i økta, kom han tilbake med ei kjempeavslutning der ingen klarte å følgje han. Tøft! Like bak desse nemnde herrar låg Magne – litt for seg sjølv – med ein heil flokk i hælane.
Ver og føre: Det er plutseleg blitt mildver etter 1 månad med kulde. I dag var det rundt 0 grader og heller vanskeleg underlag. Men vi kom oss igjennom.
————————
18.12.2010:
Årets siste fellestrening kom så tidleg som muleg akkurat i år. Uansett – juleavslutning skulle det bli og dei som ville vere med på dette var: Anders (gangar), Asbjørn, Erling, Holger (juleløpar), Johnny, Kjell N, Magne, Leif, Oddvin, Roald, Rune, Svein Å, Sverre, Turid og Aase-Britt. Til bords fekk vi også med oss nyopererte Dag og nabo Kåre Svidal.
Treninga: Som vanleg ei lettare økt i dag. Vi jogga inn i Kjelsneset, deretter var det fri fart heimatt. Nokre klarte sjølvsagt ikkje å halde igjen, så det var Magne, Kjell og Johnny som var først tilbake.
Ver og føre: Det var småglatt og sur vind frå aust. Temeraturen var sånn ca. 5 minus.
Med det ynskjer sjefstrenaren alle ei god jul og eit godt nytt treningsår!