Banetrening 2020
02.01.2020:
Då var vi inne i nytt 10-år med alle utfordringar det kan gje oss. I dag var det 7 stk. på plass som hadde bestemt seg for å ta ein ny sesong. Det var: GeirN, GeirØ, Harald, Johnny, Jon-Kristoffer, Kjell og Torbjørn. Etter å ha utveksla objektiv informasjon om eigen vektauke og elendig form, var alle klar til dyst 🙂
No har vi definitivt flytta til motbakken i Hundvebakkegjelet. Den er minst like tung og like lang som i fjor. Det er januar, og det betyr 5 intervallar. Som før er distansen ca. 700m. Med ungdommen Jon-Kristoffer på plass var «harejobben» i boks. Men, det synte seg fort at det var ingen hjelp å få: Han sprang lett frå alle! Eit stykke bak kom GeirN og Torbjørn. GeirØ var godt med på dei 2 første, men fall så bakover mot neste pulje der Kjell og Johnny opererte. Jon-kr. hadde ein fin serie: 2.44-2.41-2.46-.2.51-2.48. Torbjørn hadde tider mellom 3.12 og 3.17 med GeirN nokre sekund føre.
Tungt var det, men vi veit vi treng det! No er vi i gang og godt er det.
Ver og føre: Heile 7+ grader i dag med regn og vindkast frå alle kantar.
—————————–
09.01.2020:
Ja, no svingar det verkeleg her: Rekordframmøte i dag med 11 stk (!!!) til stades, og endå er det fleire på gang. Hyggeleg at Åge var tilbake etter langt fråvær. Dei nye i dag var far og son Hegrenes (Ola og Vegard) + Osmund Hjelle (Gubbetrimmar frå Jølster). Her er namna på alle: GeirN, Harald, Jens Ole, Johnny, Kjell, Ola, Osmund, Torbjørn, Vegard, Vidar og Åge.
Det var ny økt i gjelet som venta. Og som sist var det 5 drag opp bakken til bommen. Ungdommen (Vegard) åpna frisk, men papsen, Ola, er sprek og baud på motstand. Etterkvart kom Geir i siget og sanneleg var han først på nr. 4 og 5. Tidene i tet var omtrent sånn: 2.47-2.51-2.53-2.50-2.50. Torbjørn hadde ein god serie mellom 3.00 og 3.08. Elles var Jens Ole opp til bommen, men dei andre stoppa litt før.
Ver og føre: Max-forhold når vi snakkar om januar. Rundt 0 grader, vindstille og isfri veg. Kjekt!!!
——————————-
16.01.2020:
Du verden! Kor skal dette ende? Nytt rekordframmøte i dag, og endå manglar fleire av «dei faste» 🙂 Familien Hegrenes mønstra nesten halvparten, og i dag var det gledeleg gjensyn med både Arhur og Norvald. Så kom døtrene til Ola: Henriette og Kristina (??). Her er namna alle: Arthur, GeirN, Harald, Henriette, Jens Ole, Johnny, Kristina, Ola, Norvald, Torbjørn, Vidar og Åge
Trenaren hadde i dag spekulert ut ei ny økt. Vi var framleis i Gjelet, men i dag var distansen omtrent den halve (370m). Denne sprang vi 10 gonger. Dette føregjekk i øvste delen av bakken, der det ikkje er biltrafikk. Ola sette standarden og var først opp på dei 7 første. Tidene låg mellom 1.37 og 1.40. Men, så kom Geir sterkt og tok over teten og pressa sluttida ned i 1.32 på den siste. Torbjørn og Jens Ole sloss om 3.plassen, men Kristina baud dei på kamp og låg godt framme heile vegen. Ei fin økt som fall i smak såg det ut til.
Ver og føre: Kan ikkje bli betre i januar. Ca. 6+grader, vindstille og lett regn.
——————————
23.01.2020.
Vi trudde toppen var nådd, men neidå.. I dag var vi 15 stk (!!!). Nye løpar er Reidar Eide, Breiming med gode persar på mellomdistansar i sin ungdom. Velkommen til deg. Elles var Jørund Hammersvik tilbake også. Alle namna: Arthur, GeirN, Harald, Henriette, Jens Ole, Johnny, Jørund, Kjell, Kristina, Ola, Norvald, Reidar, Vegard, Vidar og Åge.
I dag var vi tilbake til den «klassiske» distansen: Opp til bommen. 5 intervallar var økta. Det skilte seg fort ut til klynge i tet med Vegard, Ola og Geir. Etter at dei to første var i tet i starten, kom Geir i siget og var først på dei 2 siste. Tidene i tet låg mellom 2.51 og 2.56. Ok det i sur motvinden.
Ver og føre: Som vanleg i år: ca 5 + grader, regn og vind. LIkevel bra for løparar.
——————————
30.01.2020:
I dag mangla vi jentene, men likevel var 13 stk. på plass. Det er bra! Her er namna: Arthur, Harald, Jens Ole, Johnny, Jørund, Ola, Osmund, Norvald, Reidar, Torbjørn, Vegard, Vidar og Åge.
Dagens økt var den same som sist. Ola og Vegard tok teten, men både Jørund og Osmund følgde tett på. Ola var først på dei tre første, så var det Vegard og på siste draget var det Jørund som var først. VI merkar også at Jens-Ole no er nær og verkar å vere «på stigande»… Tidene i tet låg mellom 2.47 og 2.52. Den siste var den raskaste.
Ver og føre: Same temperatur som siste vekene og i dag slapp vi også vinden, så då var det perfekt.
—————————
06.02.2020:
Rapport kjem seinare
————————–
13.02.2020:
Litt færre enn vi har vore siste vekene, men det kan nok snøfallet siste dagane vere ei årsak til. Her er dei 6 som var på plass: Harald, Jens Ole, Johnny, Ola, Osmund og Torbjørn.
For første gong i vinter var det glatt i løypa. Det synte igjen på tidene som datt ca. 10 sek. Som venta var det Ola som var sjef. Han var først på dei 4 første, så måtte han stikke heim for å smørje ski og køyre døtrene til Langeland. På det 5. draget var Jens Ole først og på siste kom Osmund for fullt og vann. Torbjørn var godt framme, medan Johnny og Harald låg eit stykke bak. Tidene i tet var slik: 3.04-3.03-3.03-3.01-3.09-3.08.
Ver og føre: Lett skya og fint. Ca 0 grader, men ganske glatt.
————————–
20.02.2020:
Vinteren kjem ikkje og vi nyt godt av dette med godt feste i motbakkane. I det sure veret i dag møtte 7 stk. opp. Det var Arthur, Henriette, Jens Ole, Johnny, Kristina, Osmund og Torbjørn.
I dag var det reprise på intervallserien med korte drag. Dvs. siste delen av bakken opp til Haugum. Vi snakkar om ca. 370m. Ola la ut i friskt tempo og var først på alle med unntak av to. På siste kom Osmund som vanlag og vann, men også Kristina var tøff i dag og klare å vinne eit av draga! Ei dame først på våre økter – det er «historisk» ! Bakover i køen såg ein at Jens Ole bit frå seg. Også Torbjørn var med heilt opp. Farten var større enn sist og tidene låg mellom 1.36-1.39, men på dei to siste vart det 1.34 og 1.33.
Ver og føre: Ein sur dag med tungt regnver. Likevel: Når ein først er i gang går det bra så lenge festet er godt og det ikkje bles for mykje.
—————————–
27.02.2020:
Nokre hadde valgt skitur, 3 andre ladar opp til helgas Veteran-NM i Bergen. Men, likevel var 5 stk. på plass til økta i dag. Det var desse: Geir, Ola, Osmund, Vegard og Aage.
I dag var vi tilbake til lange drag opp bakken. 6x700m var det.I dag var Geir i støtet og var først opp bakken frå første drag. Der var han heilt til siste, då Osmund kom med sin vanlege sluttspurt. Vegard og Ola veksla på å ligge på 2. og 3.plass. Tidene i tet var desse: 2.59-2.57-2.54-2.56-2.55-2.44 (!).
Ver og føre: Flott ver – godt feste! Supre forhold for løparar.
——————————–
05.03.2020:
Rapport kjem seinare.
——————————–
12.03.2020:
Korona-bølja er over oss, men seks av oss meinte likevel at det beste er å trene. Desse var: Arthur, Geir, Jens Ole, Johnny, Kristina og Vegard.
Planen var eigentleg å komme seg på stadion i dag, men mars er lunefull og kasta snø på oss. Dermed vart Gjelet redninga nok ein gong. Vi er no oppe i 7 drag, iallefall for 3 av gjengen. Vegard drog som venta av gårde, men Geir åt seg inn på sakte men sikkert og var i tet på nr. 4-5 og 6. Tidene i tet var: 3.00-3.02-2.58-2.58-2.55-2.50-2.48. Jens-Ole var nr.3 heile vegen og låg på tider mellom 3.03-3.08. Kristina er sprek og låg langt framme, medan Arhur og Johnny delte på å ligge sist.
Ver og føre: Ca. 3+ grader lett regn og vindstille. Litt snøslaps heilt oppe, elles gode forhold.
——————————
26.03.2020:
Etter ei vekes «korona-fri» klarte vi ikkje halde oss vekke lenger. Ut vi for, og bort på Førde Stadion det bar! Der var fleire som hadde same ærend. Her er namna: Geir, Emma, Harald, Johnny, Jørund, Magne-Geir og Torbjørn. Ein merkar seg to nye namn her: Emma er døtra til Jørund og 16 år. Likevel «parkerte» ho fleire av karane! Magne Geir Verlo er ein gamal storløpar frå 70- og 80 talet med solide persar på mellomdistansane. Velkomne begge!
Med virus-situasjonen i minne prøvde vi å halde korrekt avstand. Ikkje for det – dette ordna seg fort på ein naturleg måte, då det vart skikkeleg strekk i feltet. Økta var slik: 2000-1500-1000-500m. Pausar (2,5-2-1,5min). Jørund og Emma tok ut og fekk luke med ein gong. Etterkvart seig Geir og Torbjørn framover og tok plass 2 og 3. JØrund var først på 2.draget også, men så tok Geir over. Det var desse 3 i teten, men før nemnde Emma stort sett var nr.4. Tidene i tet: 7.25-5.33-3.37-1.42. Det var ein solid start på banesesongen.
Ver og føre: Brått ein strålande dag for løp. Vindstille, Ca. 7 grader og lett-skya! Supert!
——————————–
02.04.2020:
Det blir trena og på Førde Stadion var vi i dag 7 stk i tillegg til andre løparar. Desse 7 var: Emma, Geir, Harald, Jens-Ole, Jørund, Magne-Geir og Torbjørn.
Dagens økt vart ein «klassikar»- 5x1000m med start kvart 5. min. Jørund tok teten og der vart han værande. Men Geir var nær og ved sida av iallefall på eit av draga. Tidene i tet låg på 3.42-3.44. Torbjørn låg jamnt på 3.50 medan Emma imponerer igjen med tider rundt 4.00. Jens-Ole, Magne-Geir og Harald kom deretter.
———————————
16.04.2020:
Etter ein påskeferie med mykje dårleg ver var det kjekt å vere på stadion uten å bli våt. I dag var desse 5 på plass: Geir, Jens-Ole, Johnny, Magne-Geir og Torbjørn.
I dag prøvde vi (for enkelte) ei sprintøkt. 8x500m. Som vanleg start kvart 5.min. «Sprintaren» Johnny tok teten på omtrent alle drag, men vart etterkvart innhenta av fleire og fleire. Jens-Ole var frisk og først på dei 4 første draga, deretter hadde Geir fått fyr på maskina og var først på resten. Tidene i tet: 1.55-1.51-1.51-1.50-1.49-1.47-1.47-1.45. Det gjorde godt å få litt fart på kroppen, og vi ser fram til endå meir av dette.
Ver og føre: Litt vind frå vest. Ca. +5 grader og overskya.
———————————
23.04.2020:
Tilbake på stadion i nydeleg vårver. Også i dag var tal frammøtte nesten innanfor korona-reglane. Det var desse 6: Arthur, Harald, Jens-Ole, Johnny, Magne-Geir og Torbjørn.
Ei ny økt vart presentert av «sjefstrenaren»: 3×500 (Pause 90sek) + 4x400m (Pause 60sek) + 5x300m (Pause 45sek). Det synte seg at dette var hardare enn det kunne sjå ut til, men det har vi som kjent berre godt av! I dag var Harald hissig i starten og tok teten med Johnny hakk i hel. Etterkvart kom Jens-Ole og Torbjørn fram, og det var vel Torbjørn som var først på dei fleste. Men, på siste draget var Harald der igjen og vann. Tidene i tet: 1.51-1.49-1.47-1.24-1.22-1.22-1.22-61-61-61-60-58. Det var ei god økt der ein fekk smake litt på syra, iallefall for enkelte.
Ver og føre: Kan nesten ikkje bli betre i april. Ca. 14 grader, lett vind frå vest og sol!
———————————-
30.04.2020:
Siste dagen i april og 7 av oss vart frista til å ta seg ei baneøkt. Det var desse: Geir, Harald, Jens-Ole, Johnny, Magne-Geir, Ola og Torbjørn.
Ei litt uvanleg økt for maraton-folket i gjengen, men likevel: sjefstrenaren meinte at alle i dag hadde godt av 12x300m intervallar. Med 100m gangpause tok det ca. 1,5min mellom draga. Ola, som eigentleg er langdistanse-mann, var i teten frå første drag, og der vart han stort sett verande, sjølv om både Geir og Torbjørn var oppe eit par gonger. Etter åpning på 59 låg tidene i snitt på 56 sjølv om ein såg 54-talet på eit par drag. Men, på siste såg ein at det var krefter igjen og då vart vinnartida 52!
Ei grei økt der både sprintarane og langlauparane kan kjempe i lag.
Ver og føre: Ca. 12 grader og bra vind frå øst. Flott å vere på bana!
———————————–
07.05.2020:
Då var det mai og frammøtet er stigande. I dag var vi 2×5 stk. Altså innan for FHI sine anbefalingar 🙂 I dag dukka Magne Faleide opp og slengde seg med. Vi får tru han fortset! Så var det kjekt å ha Vidar tilbake etter lang tids skadetrøbbel. Då var det desse: Arthur, Emma, Geir, Johnny, Jørund, Magne, Magne-Geir, Ola, Torbjørn og Vidar.
Sjefstrenar mumlar om at vi skal ha ein 3000m-test snart. For å venje seg seg til farten vart det lagt opp til trening for det: Først 8min i den farten du trur du klarar 3000m i. Deretter 4min i litt større fart og til slutt 2 min i endå-endå større fart. 2 min pause mellom draga. Det vart sett fart med ein gong og Jørund tok teten med Ola i hælane. Geir og Torbjørn danna eit par og så følge Emma fint om og distanserte dei andre karane. Jørund sprang 2200m på 8min. Geir og Torbjørn ca. 2100m og Emma 2000m. På 4min draget kom førstemann (Geir og Jørund) ca. 1140m avgarde. Torbjørn var like bak. På siste 2 min draget gjekk det bra unna då dei beste sprang 600m.
Så får vi sjå om dette virkar som tenkt – at det går lettare på langturane framover.
Ver og føre: Ca. 10 grader og overskya. Litt vind, men ok å springe.
————————————
14.05.2020:
Vi er langt ute i mai, men våren let vente seg. Men, frammøtet er strålande. I dag var vi heile 12 stk 🙂 Det var desse: Arthur, Emma, Geir, Jens-Ole, Johnny, Jørund, Magne, Magne-Geir, Ola, Torbjørn, Vegard og Vidar.
Ei klassisk baneøkt i dag: 8x500m (start kvart 3.min) Vi hadde den same økta 16.april, og som de ser gjekk det fortare i dag. Det var Jørund og Ola som tok teten. Jens-Ole var oppe og tøffa seg på 2.draget. Ola var først på det fjerde draget, men, frå nr. 5 og ut var det Vegard som var «sjef». Tidene i tet: 1.45-1.44-1.44-1.40-1.39-1.40-1.40-1.36. VI ser at fleire følgjer nær på, der Ola, Jørund, Geir, Emma og Torbjørn ligg. Og ikkje minst Emma som imponerer stort med tøff haldning og solid kapasitet. Ho låg på tider mellom 1.45 og 1.50.
Ver og føre: Ca. 5 grader litt vind, men elles flott å springe.
————————————–
20.05.2020:
Endeleg og så velfortent: Våren er kommen! Sjølv om flytta økta ein dag kom 7 stk på treninga: Desse var: Arthur, Emma, Geir, Jens-Ole, Johnny, Jørund og Magne-Geir.
For å «markere» nye tider hadde sjefstrenaren bestemt denne økta: 20x200m intervall med 45 sek. pause. Det skulle vere ei tøff økt, og det vart det. Det var Johnny som tok teten på dei 3-4 første draga, og var elles godt framme lenge. Men, det var vel Jørund som hadde flest «førsteplassar», før Geir kom voldsomt på dei 2-3 siste. Tidene: Ein starta med 36, og så låg ein mykje godt på 37 heile vegen. På dei 2 siste var Geir ned på 36 og 33 (!!). Elles var både Jens-Ole og Emma nær dei før nemnde herrer. Gode greier!
Ver og føre: Ca. 14 grader, sol og vind frå nordøst. Ein flott dag på stadion.
——————————————
28.05.2020:
Vi held på og frammøtet er stabilt. I dag kom ein gamal storlaupar til treninga: Kjell Øygard. Velkommen til han! Så er det kjekt at Vidar er tilbake etter nok eit skadeavbrot. Her er namna på dei 9 som var på plass: Arthur, Emma, Geir, Jens-Ole, Johnny, Kjell, Magne-Geir, Torbjørn og Vidar.
Førre vekes økt sat godt i kroppen for fleire, men i dag var ein klar til ei anna type økt: 5-4-3-2-1 runder Pausar 2-2-2-1,5min. Torbjørn har etterkvart fått ein solid grunnform på plass, og det synte igjen på første draget der han var først. Bak jakta Geir og deretter Kjell. På neste intervall kom Geir opp, og han hadde hand om førsteplassen fram til siste, då Magne-Geir synte gamle takter og var først. Tidene i tet var: 7.30-6.00-4.30-2.54-75. Må igjen skryte over Emma som held forbausande godt følgje med gruppa bak dei 3 før nemnde.
Ver og føre: Ca. 15 grader, sol og lett vind frå aust. Verkeleg flott å vere laupar i dag.
——————————————
04.06.2020:
Ja, no svingar det her! 12 stk. møtte på trening, veret var perfekt og stemninga god. Ein ny gubbe dukka opp i dag: Odd Rognebakke heiter han, og synte seg fort å tilhøyre ein plass langt framme i feltet. Her er namna på dei som var her i dag: Emma, Geir, Harald, Jens-Ole, Johnny, Jørund, KjellØ, Magne-Geir, Ola, Odd, Torbjørn og Vegard.
Trenaren introdusere ein økt som passar best for mellomdistanseløparar: 6x500m tempointervall med 3 min pausar. Det betyr at farten vart skrudd opp i høve til tidlegare. Det var sprintaren Harald som vann første draget. Så kom Ola på neste, for så å overlate teten til junior (Vegard). Mellom dei fremste elles låg Ola, Odd, KjellØ, og for ikkje å gløyme Emma som hadde sølvplassen fleire gonger! Tidene i tet: 1.36-1.34-1.36-1.35-1.35-1.31. Ei uvant økt for mange, men som ein har godt av.
Ver og føre: Eit ord: Perfekt! Lettskya, vindstille og ca. 16 grader.
——————————————-
11.06.2020:
Då var sommaren her, og da «so heise»…. 10 stk møtte opp til dagens dont: Arthur, Emma, Geir, Harald, Jens-Ole, Johnny, KjellØ, Magne-Geir, Torbjørn og Vidar.
Det blir ein omvendt pyramide i dag – iallefall for nokre: 1000-800-600-400-200-400-600-800-1000. Pausar 2min og 1,5 min. Det gjekk fort med det same. Torbjørn og Kjell la seg i front, med Emma halsande like bak (!!). Jens-Ole kom ettervart sigande opp, og på dei kortaste draga var både Harald, Magne-Geir og Johnny der. Dei siste draga fullførte desse: Geir, Jens-Ole, Torbjørn og Vidar. Tidene i tet var omtrent sånn: 3.36-2.47-2.03-76-33-80-2.10-3.00-3.51. Ei sugande økt vart det.
Ver og føre: Det er dette vi har snakka om i sure vinterdagar: 27 grader, sol og nesten vindstille. Sjefstrenaren såg eit termometer i sola som synte 39 grader (!!!).
——————————————
18.06.2020:
I det same strålande sommarveret møtte mange opp til terminens standpunktprøve. Desse var: Arthur, Emma, Geir, Harald, Jens-Ole, Johnny, KjellØ, Magne-Geir, Odd, og Vidar.
3000m testløp var økta. Sjølv om det var varmt kom alle unntatt Johnny (hamstring) seg igjennom. Alt frå start av var det Odd, Kjell og Emma (!) som stakk avgarde. Og slik var det heit inn. Her er resultata: Odd: 10.50, Kjell: 11.04, Emma: 11.19, Geir: 11.28, Jens-Ole: 11.50, Arthur: 12:30, Vidar: 13.01, Magne-Geir: 13.20, Harald:15.08. Så er planen at vi gjer det same ut på hausten igjen.
Ver og føre: Ja, det er som sist. Full sommar!
———————————————–
25.06.2020:
Nok ei økt i sommarvarmen. I dag litt færre frammøtte enn sist, men det var iallafall desse: Emma, Harald, Johnny, Jørund, KJell og Vidar.
Trenaren annonserte «ønskereprise», men då var Kjell kjapt frampå og foreslo ei ny økt: 10x400m (1 min pause). Farten på denne økta skal ligge på 3000-5000m fart. Det var familien Hammersvik som hadde teten heile vegen. Jørund først, men så tok Emma over og var først heilt til dei 2 siste, som papsen vann. Tidene i tet var 1.26-1.22-1.22-1.21-1.21-1.22-1.23-1.22-1.23-1.18. Kjell var nr. 3 heile vegen med jamne løp på 1.25. Dei tre siste plassane delte dei andre på.
Ver og føre: Som sist og gongen før der igjen. Suverent!
———————————————-
02.07.2020:
Jaudå vi held på, og ingen ferie å få. I dag var vi heile 11 stk. på plass. Vi også ynskjer velkommen ein ny kar: Oddbjørn Myklebust. Det synte seg å vere ein lettføtt og godt trent kar. Dermed var vi desse: Arthur, Emma, Geir, Harald, Johnny, Jørund, KjellØ, Magne-Geir, Oddbjørn,m Torbjørn og Vidar. Arthur forsvant fort etter å ha fått problem med beina.
Økta var slik: 200-400-600-800-1000-800-600-400-200m (Pausar 1-1,5-2). Det var mange som vann dei ulike draga. Harald vann første og siste draget. Elles var både Emma, Oddgjørn, Jørund, Geir og KjellØ i tet. Det gjekk bra unna i teten og slik var omtrent tidene: 35-83-2.07-2.47-3.29-2.48-2.05-76-32. Ei god økt!
Ver og føre: Etter ein lang sommar var det litt småsurt i dag. Ca. 12 grader lett regn og litt vind. Men det tåler vil.
—————————————————-
20.08.2020:
Etter ein god sommarferie var vi tilbake på Førde Stadion til nytt semenster. Dvs. her har vore «tjuvtrena» då opptil fleire i gjengen har vore her siste torsdagane og samle kondis og form! Det var strålande frammøte med 12 stk. på plass. Det var desse: Emma, Harald, Jens Ole, Johnny, Jørund, KjellN, KjellØ, Odd, Oddbjørn, Oddbjørn, Vegard og Vidar.
Dagens meny vart presentert av Johnny: 2×1000-2×800-2×600-2×400-2×200 (Pausar 2-2-1,5-1,5-1-1 min). Det gjekk unna frå start av og muleg i hardaste laget. Det var Jørund som tok teten på dei 2 første med ein god gjeng i hælane: Odd, Oddbjørn, Emma og KjellØ. Så var det meir vatn mellom båtane lenger bakover. Oddbjørn tok ein siger, men så hadde ungdommen Vegard fått opp varmen og tok over på resten av draga. Odd og KjellØ var dei som heldt best følgje. På dei 2 siste kom sprintaren Harald til sin rett og vann begge. Tidene i tet var omtrent sånn: 3.32-3.30-2.43-2.45-2.01-1.59-72-74-35-33. Ei tøff økt!
Ver og føre: Perfekt! Ca. 22 grader lettskya og omtrent vindstille.
————————————————–
27.08.2020:
Rapport kjem seinare.
————————————————-
03.09.2020:
Frammøtet er framleis upåklageleg. I dag kom det endå ein gamal «storløpar» og ville vere med. Det var Reidar Losnegard. Han har ei fortid som habil landvegsløpar, og passar aldersmessig namnet på gjengen. Her er namna på alle: Emma, Harald, Jens Ole, Johnny, Jørund, KjellN, KjellØ, Reidar og Vidar.
Økta var slik: 2 seriar med 6x400m. Pausar 1min og 3 min seriepause. Det blei fort ein gjeng i tet som bestod av desse: Emma, Jørund og KjellØ, men både Jens-Ole og etterkvart Torbjørn var oppe og hevda seg der. Tidene låg mellom 1.21-1.23, men på siste draget synte Emma alle ryggen og drog til med eit drag på 1.15(!)
Alle fekk sin dose og vel så det, så då er vi nøgde!
Ver og føre: Gråver, vindstille og ca. 14 grader. Veldig greitt ver for vår aktivitet.
————————————————-
10.09.2020:
Vi held på og gjengen er framleis stor. I dag var det 10 stk.her: Jens Ole, Johnny, Jørund, KjellN, KjellØ, Magne-Geir, Reidar, Odd, Torbjørn og Vidar.
Det blei sånn at det blei spunge ein 3000m-test, iallefall for nokre. Og her smelte Jørund til med 10.37 (!!) som er 2 sek. betre enn gjeldane krinsrekord i V55-klassen. Odd var 4-5 sek etter, så her var det godt nivå. Så gjekk det ca. 1 min for neste gjeng kom inn: Jens-Ole, KjellØ og Torbjørn var rett under 12min. Så kom Vidar med pene 12.12 på sitt løp. Reidar fullførte også på ca. 13.13. Johnny og KjellN tok ein kortare variant. Men Torjørn, Kjellø og Jens-Ole hadde ikkje fått nok, så etter 2-3 min tok dei ein ny 3000m som gjekk minst like fort som første. Sterkt!
Ver og føre: Ganske ok. ca. 11 grader, lett regn og lett vind frå sørvest.
———————————————–
17.09.2020:
På ein flott haustdag møtte 10 stk. til dagens økt. Det var desse: Arthur, Emma, Jens Ole, Johnny, Jørund, KJellØ, Magne-Geir, Ola, Reidar og Vidar.
Ei litt annaleis økt enn tidlegare i haust: Tempo-intervall. Her er det større fart enn vanleg og lengre pausar. 6x500m med 2min gang mellom kvart drag. Det vart fort ein gjeng som danna ei tetgruppe. Her var Ola, Jørund, KjellØ og Emma. Også Johnny og til på siste draget Magne-Geir yppa seg på enkelte drag. Tidene i tet: 1.37(Jørund), 1.39(Jørund), 1.36(Ola), 1.39(KjellØ), 1.39(Ola), 1.33(Jørund). Den satt!
Ver og føre: Ca. 17 grader, lett vind og flotte forhold.
————————————————–
24.09.2020:
Ein småsur haustdag var det, men frammøtet er likevel godkjent. Her er dagens gjeng: Emma, Jens Ole, Johnny, Jørund, KJellØ, Magne-Geir, Odd og Reidar.
Pyramideøkt i dag: 200-400-600-800-1000-800-600-400-200. (Pausar 1-1,5-1,5-2-2-1,5-1,5-1,5). I dag var Jørund «stor sjef». Han var i periodar forholdsvis langt før neste, sjølv om Odd var veldig nær på dei 3 siste. Tidene var sterke, og eg lurer på om det har vore sprunge fortare på denne serien her hos oss før: 37-80-2.07-2.49-3.31-2.46-2.02-76-34. Også Emma var tøff og hadde hand om 2.plass på dei 4-5 første draga. I dei bakre rekker operer Johnny, Magne-Geir og Reidar. Men, på siste draget såg vi litt av gamle takter frå Magne-Geir der han omtrent var først!
Ver og føre: Ca. 10 grader og vind frå nordøst. Litt småsurt, men når vi først var i gang gjekk det greitt.
————————————————–
01.10.2020:
Då var vi komne til oktober, men det såg ikkje sånn ut på ver og temperatur. Nok om det inntil vidare. I dag var 7 stk. på plass til økta. Det var desse: Arthur, Jens Ole, Johnny, KjellN, Magne-Geir, Ola og Torbjørn.
I dette flotte veret fekk vi lyst til ei «sommarøkt» dvs. fart: 2×500 – 3×400 – 4×300 – 5x200m. Pausar var 100m gang (1,5 – 2 min). Det var Ola som var først på alle så nær siste. I rygg på han låg først Johnny. Så kom Torbjørn opp, og etterkvart var både Arthur og Magne-Geir innom. På siste draget var Johnny først. Tidene i tet: 1.46-1.44-81-82-81-56-57-56-56-35-36-36-35-35. Kjekk økt og som vanleg synes vi det gjorde godt. Og det beste av alt: Ingen vart skada.
Ver og føre: 16-17 grader og vind frå sør-øst. Skikkeleg etter-sommar!
—————————————–
08.10.2020:
Nok ei god økt kan settast i banken til bruk i tyngre tider (??). Sjølv om det er haustferietid var 6 stk. på plass på Førde Stadion. Det var: Arthur, Johnny, KjellØ, Magne-Geir, Ola og Torbjørn.
Ei ny økt vart introdusert av sjefstrenaren: Det skulle springast litt fortare enn farten ein brukar på 1000m intervall. Men, det skulle stoppast etter 400m, der ein fekk ein kort pause på 30 sek, så var det ny 400m. 12 stk. vart gjennomført slik. I dag var ingen tvil kven som var sjef: Jørund starta med 85 og etter å ha krabba nedover til 81, smelte han til med 76 på siste runda! Ola følgde godt på i starten, men fekk litt legg-trøbbel og måtte gire ned. KjellØ var ein god nr.3, men på slutten kom Torbjørn opp på 2.plassen. Tippar på at vi prøver denne økta seinare i haust, og gjerne med fleire intervallar.
Ver og føre: Overskya 12 grader og vindstille. Supert!
—————————————–
15.10.2020:
I dag var verken sjefstrenar eller ass. sjefstrenar på plass, men det stoppar ikkje denne gjengen. For her tek ein sjølvsagt ansvar og ordnar dette. I dag var desse på plass: Odd, Kjell N, J.O.Å. Ola H. Arthur H. Magne G.V. og Harald.
Ei god økt vart gjennomført. Den var slik: 200-400-600-800-1000-1000-800-600-400-200. Pause 1 min.
Odd heldt eit stødig tempo gjennom økta og sytte for større fart på del2. Ola var kvassast i startan men «fekk det litt» på 2. tusenmeter og Odd vart førande ut økta. Hyggeleg med Kjell N. si formauke, etter ein litt «mjukare» treningsperiode. Magne G. og Harald kjem alltid mot slutten på «deira»vdistansar og Arthur, med litt asmaplager i kulda, er jamn og fornuftig og står økta på ein god måte. Og Jens Ole imponerer med god form trass i deltaking på «Fløyen Opp» kvelden før.
——————————————
22.10.2020:
Nok ei fin økt på Førde Stadion sjølv om vi er komne langt ut på hausten. I dag kom 9 stk: Arthur, Jens Ole, Jørund, KjellN, KjellØ, Magne-Geir, Odd, Ola og Reidar.
Ein ny serie i dag: 8x600m med 1 min pause. Jørund, Odd og KjellØ drog kvart sitt drag på dei 7 første. Fart ca. 2.10. Desse danna tetgruppa med Jens Ole ganske nær. På siste draget drog det seg til og farten auka der KjellØ vart først med ca. 1.57(!). Det blir rapportert om god stemning i gjengen.
Ver og føre: Ok ver med overskya og ca. 5 +grader. Vi håpar vi får det slik i mange veker framover.
——————————————-
29.10.2020:
Vi kan nok ein gong slå fast av Gubbetrimmens avd. i FØrde er ved god helse. 10 stk på plass i dag: Arthur, Jens Ole, Harald, Johnny, KjellN, KjellØ, Magne-Geir, Ola, Reidar og Torbjørn.
Dagens økt har vi gjennomført før, seinast 28.mai) og var slik: 5-4-3-2-1 runder. Pausane var 2 min. Ein starta rolegare enn før, og Torbjørn var førstemann over mål på 8.10. Ola og KJellØ følgde på. På neste drag kom Ola opp og vann. Så kom KJellØ og Jens-Ole. Så tok KjellØ over og vann dei 2 neste. På siste draget kom han som har best pers på 400m i feltet (Magne_Geir). Kjem tilbake med tidene på alle draga, men hugsar at siste gjekk på 73.
Litt «rusk i maskineriet» for fleire. Torbjørn fekk trøbbel med ryggen og Johnny med leggen. Får tru det er ikkje varer lenge.
Ver og føre: Det haustast, men likevel hadde vi gode forhold på bana i dag. ca. 5 grader lettskya og vindstille.
————————————————
05.11.2020:
Rapport kjem snart.
———————————————–
12.11.2020:
Då kan vi rapportere om rekordframmøte denne hausten: 14 stk. Det syner at vår gruppe har livets rett og vel så det. Desse var her: Arthur, Jens Ole, Harald, Johnny, KjellØ, Kristina (Hegrenes) Magne (Solheimsnes), Magne-Geir, Odd, Ola, Reidar, Torbjørn og Vegard (Hegrenes). Som de ser var det 3 som vi ikkje har sett på ei stund.. Kjekt at dei no er på plass. Det skal seiast av Magne-Geir som seint og etter at hovedøkta var ferdig, etter å ha stått i bilkolonne i Fjærland/Jølster.
Dagens økt var 10x500m med start kvart 3.min. Sjølv planen var at farten skulle vere «kontrollert», var det ikkje lenge før gjekk like fort som vanleg. Som vanleg var Ola den hissigaste i starten med Odd, Vegard og Kristina i hælane. Odd var i tet på 2.draget, så var Ola oppe igjen, og sanneleg smelte Kristina til og vann 4.draget. Så kom Vegard opp, og var først på resten. Tidene i tet: 1.48-1.47-1.47-1.43-1.42-1.42-1.43-1.41-1.40-1.38.
Bakover i feltet spring KjellØ kontrollert og jobbar seg framover sakte men sikkert. Det same gjorde Torbjørn, men så på 5.draget lugga rygg-prolapsen, så dermed måtte han stå av. Elles har Reidar fått opp dampen og ligg lenger framme enn vanleg.
Ver og føre: Supert er det korte svaret. Ca. 13 grader, lettskya og nesten vindstille.
————————————————–
19.11.2020:
Plutseleg kom vinteren og det var «brutalt» med snapseføre og sludd. Likevel kom 8 stk. til økta. Det var Arthur, Harald, Jens Ole, Johnny, KjellØ, Magne-Geir, Ola og Vidar. Godt så sjå Vidar tilbake etter 2 mnd skade- og «ferieavbrot».
I dag var Førde Stadion «kvit» så dermed var vi tilbake i Hundvebakkegjelet. Den bakken både kjenner og fryktar vi. I dag vart det sprunge 4 gonger opp til bommen. Ola var først heile vegen og etter ein forholdsvis roleg start på 3.08, gjekk resten på 2.55-2.57-2.53. Det er sterkt med tanke på føret. KjellØ hadde andreplassen heile tida, men det var eit godt stykke fram til Ola på dei 3 siste. Vi merkar oss elles at Magne-Geir er i siget og flytta seg fram til 3.plassen på siste draget. Tja, det var vel eigentleg godt å vere i gang igjen…
Ver og føre: Ca. 0 grader. Sludd og regn var det. Greit feste på første del, men på siste delen var det slaps og litt sleipt.
———————————————–
26.11.2020:
Etter litt vinter-tendensar førre veke var vi tilbake til flotte forhold på Førde Stadion. Og frammmøtet er også prima med 10 stk. på plass. Reidar Eide dukka også opp i dag… Velkommen tilbake. Forresten den i feltet her som har nest-best pers på 1500m (!). Her er namna på alle: Arthur, Harald, Jens-Ole, Johnny, KjellN, KjellØ, Kristina, Magne-Geir, Ola og Reidar.
Ei (nesten) klassisk økt i dag: 5-4-3-2-1 runder. Pause 2min. Enkelt og greit..eller?? Uansett: Som vanleg tok Ola ansvar og drog opp farten på første draget. Han fekk fort følgje av Kristina, Kjell og Jens-Ole. På neste drag måtte Kristina roe ned, medan dei 3 andre held følgje. Og farten den steig. Så tok Kjell over og fekk luke på nr.3 og 4. Ola hadde hand om 2.plassen med luke bak til Jens-Ole. På siste draget snudde alt seg då Harald sette alle på plass, og synte kven som er sprintaren i feltet. Ser vi på det vi kan kalle «gruppe-2» (4.plass og utover) var det først Arthur, så Johnny og etterkvart Magne-Geir som låg først der. Tidene i tet omtrent sånn: 8.11 – 6.15 – 4.35 – 2.56 – 76.
Ja, det er rart med det: Sånne tak gjer alltid god etterpå, så også i dag.
Ver og føre: Til å vere denne datoen kan vi nesten ikkje få det betre: 4 grader, vindstille og lettskya.
————————————————
03.12.2020:
Vi skriv desember men likevel er det flott på stadion. I dag møtte 9 stk opo: Harald, Jens-Ole, Johnny, Kristina, Magne, Magne-Geir, Odd, Ola og Reidar.
Ei fartsøkt i dag: 10x400m (1 min pause). Som vanleg var Ola den raskaste ut, med Odd i hælane. Odd tok over på dei 3-4 siste, men Ola var med heile vegen. Bak desse låg som regel Jens-Ole, Torbjørn og Johnny. Første drag gjekk på 84, men etterkvart låg ein stabilt på ca. 82. Siste gjekk på 77. Ei kjekk økt dette, sjølv om det røyner på…
Ver og føre: Vind frå aust, overskya og ca. 5 grader. Veldig bra dette!
———————————————-
10.12.2020:
Vi driv på, og vi driv godt! Oppmøtet er supert, i dag med 10 stk. på plass: Arthur, Jens-Ole, Johnny, Kristina, Magne, Magne-Geir, Odd, Ola, Reidar og Torbjørn.
Ei ny intervall-variant i dag. Pyramide slik: 1 runde, 2 runder, 3,4,3.2.1 runder. Pausar var 1,5 min i starten og 2 min etter 3 og 4 rundene. Det starta forholdsvis roleg, men farten tok seg opp utover i økta. Som «alltid» var Ola den friskaste i starten, men Odd låg i «jaktposisjon» bak, og etter 3 runderen var han i tet. Vidare bakover var i starte Torbjørn og deretter Jens-Ola, men Kristina om etterkvart og låg oppe på topp-3 på nokre av draga på slutten. Mannen i feltet med best pers på 400m – Magne-Geir var den beste på siste draget. Tidene i tet var omtrent sånn: 91-3.05-4.34-6.06-4.28-2.52-79. Som vanleg var livet mykje lysare etterpå og det vanka skryt til sjefstrenaren for økta!
Ver og føre: Supert! Ca. 5 grader litt vind frå aust og lettskya!
———————————————
17.12.2020:
Då er vi framme med årets siste baneøkt, og for ein sesong det har vore! Vi har fått med oss nye folk og vi har vore fleire enn nokon gong før. I dag var frammøtet litt «spinkelt» då berre 6 stk. møtte. Desse var: Harald, Jens-Ole, Johnny, Magne, Magne-Geir og Torbjørn.
I dag kopierte vi økta frå 3.sept. Dvs 2x6x400m. 1min pause – 3 min seriepause. Då «storløparane» mangla, var det litt usikkerheit om kven som ville ta ansvar. Det synte seg fort at Torbjørn ordna det, men Jens-Ole var i hælane og på sida heile tida. Johnny var stort sett på 3.plass 10-20m bak inntil leggen «rauk» på 10.draget. Tidene i tet var omtrent sånn: 90-89-87-86-85-83 + 87-86-84-84-83-81. Dermed er ein god haust-sesong over der vi har vore velsigna med supert løpsver. Etter jul blir det Hundvebakkegjelet som blir arenaen. Oppstart blir torsdag 7.januar. Vi møtes på stadion som no før vi joggar vidare.
Ver og føre: Utuleg bra løpsver. Ca. 7 grader, litt vind frå aust og lettskya. Ganske spesielt å springe intervall på bane og høyre julemusikk i det fjerne! God jul og godt nyttår!