Treningar 2016
02.01.2016: Godt nyttår og velkommen til trening igjen!!!
Vi starta det nye året med eit «smell» då heile 17 stk. var på plass ved Runes Garage kl. 17:00. Her er namna: Anders, Asbjørn, Dag, Erik-Kristian, Johnny, Jon V, Kjell N, Kjell S, Magne, Leif, Ola H, Ola V, Roald, Rune, Svein-Arne, Turid og Aase-Britt. Vi legg merke til, og gledar oss over, at Erik-Kristian Steinset er tilbake. Sist han var med oss er nesten eit år sidan!
Treninga: Etter å ha vore ute med skade i nesten 3 månadar var sjefstrenar Johnny på plass igjen. Han må ta det forsiktig, og det kan vere greitt for alle å starte med ei økt som er forholdsvis skånsom mot beina: Motbakke-intervall. Dermed vart det oppvarming til Flatabø og 300m-motbakken der. Denne vart sprungen 5 gonger. Det gjekk fort i teten der OlaV viser styrke og fortsatt framgang. Erik-Kristian gjorde eit hederleg forsøk på å halde følgje, og det klarte han nesten. Kjell N var sikker på 3.plass med Johnny bak. På siste draget var dei like, og då var både Leif og Magne nær. Elles kom alle igjennom utan mèn.
Ver og føre: Det er flott for løparar for tida. Ca. 3 grader vind frå aust og tørre fine vegar!
——————
09.01.16:
Kulden har lagt seg over Jølster og det kan vere «tungt» å komme seg ut for å trene. Dette gjaldt ikkje desse 11: Anders, Asbjørn, ErlingB, Kjell N, Kjell S, Magne, Ola H, Roald, Rune, Svein V og Aase-Britt.
Treninga: Ass. sjefstrenar måtte nok ein gong leie gjengen, og det klarte han fint. Ei klassisk «Rune-økt» vart det: 4 x 1000m på Bakkeslåttene med start og mål ved Jølvassbu Camping. Kjell N var sikker og åleine i tet med Magne på ein god andreplass. Ei god økt vart det sjølv om det som vanleg er tungt oppatt til mål.
Ver og føre. Klarver, stille og kaldt (8-10 minusgrader) var det vel der gjengen heldt seg.
——————
16.01.2016:
I dag skjedde det noko som aldri har skjedd før i vår historie: Vi fekk besøk av 4 damer som ville trene med oss! Yes, dette var følgjande spreke fruentimmer i sin beste alder: Svanhild Tennebø, Camilla Sørensen, Heidi Gravdal og Hanne Kjos. I tillegg var desse på plass: Anders, Erling B, Kjell N, Kjell S, Magne, Ola H, Roald, Rune og Svein Å. Dermed var vi 13 stk.
Treninga: Det var kaldt i dag så Rune hadde tenkt ut følgjande økt: Etter ein oppvarmingstur ned på kloppa på Bakkeslåttene og tilbake til Vassenden Skule, vart det her sprunge 4 x 4 min drag. Start ved skulen – langs gangvegen opptil kyrkjevegen og tilbake. Alle snudde når Kjell N var der for han var først heile vegen. Det blir rapportert om at fleire av damene opererte langt framme i feltet og at mange av karane tok litt ekstra i! Kjekt dette, og vi håpar dette vert ein vane.
Ver og føre: Føret er flott, snø rett nok, men med 12-13 minusgrader er det ikkje noko problem.
————-
23.01.2016:
Denne laurdagen var det 11 stk. som møtte: Anders, Asbjørn, Dag, Kjell S, Magne, Leif, Ola H, Roald, Rune, Svein Å og Aase-Britt. Yes, det var dei og så var ein i gang med:
Etter ei roleg oppvarmingsrunde ned på Einehojen, med stigningsløp oppatt til Bøafeltet, var det klart til ei klassisk gubbeøkt: 5 x 500m på gangvegen opp til Jølster Hotell. I dagens flokk var det Magne som tok seg av teten. Dei som låg nærast var vel Asbjørn, Leif og Aase-Britt. På siste draget fekk dei som hadde lege lengst bak eit forsprang på 25 sekund. Då synte Dag at han ikkje hadde noko der bak å gjere!
Ver og føre: Det blir rapportert om ok føre då det var eit lett sluddlag som fraus såpass at det gav feste.
————-
30.01.2016:
Siste laurdag i januar gitt. Etter at stormen «Tor» hadde vore på besøk, var det i dag snøfall og heller vanskeleg føre. Likevel – Flott frammøte med heile 17 stk. på plass. Så kan vi også ynskje velkommen ein ny gubbetrimmar: Runar Berg! Han er son til Erling og dermed er det 2 generasjonar også i den familien med. Her er namna: Anders, Camilla, Dag, Erling B, Hanne, Heidi, Kjell N, Kjell S, Leif, Ola H, Roald, Runar, Rune, Svein V, Svein Å, Turid og Aase-Britt. Den observante lesar vil sjå at her er 5 damer med. Det trur eg må vere rekord!
Treninga: Ikkje godt å finne ein god plass å vere, men bakken frå Jølvassbu og opp til Øvrebø Hytter fekk duge. 5 drag her vart det. Kjell N var som venta den tøffaste her og var først heile vegen. Litt bak her Leif og Aase-Britt. Det vert også rapportert om at Dag synte bra takter og at Heidi, etter ein forsiktig start, kom lenger og lenger framover. Det er bra!
Ver og føre: Snøføre, elles ok.
—————
06.02.2016:
Igjen strålande frammøte då igjen 17 stk. var på plass! Skal tru om vi held på å få oss ein ny vår?? Nok ein gong har vi ein ny «gubbe» på plass. Han heiter Christian Nestor, kjem frå Sør-Amerika, og har funne seg ei jølstrajente! Det synte seg snart at karen spring styggeleg fort! Velkommen til deg!!! Her er namna på alle: Anders, Asbjørn, Camilla, Christian, Dag, Erling B, Hanne, Heidi, Jan, Kjell N, Kjell S, Leif, Roald, Siw H, Svanhild, Svein Å og Aase-Britt. Vi legg merke til at dame-andelen no er 6 stk!
Treninga: Som vanleg var (gamle) sjefstrenaren fråværande og i dag var også Rune delvis og ikkje kunne delta. Dermed måtte Anders til pers. Det løyste han greitt med å ta ei typisk «Rune-økt»: 4 x 1000m med vending. Til slutt sprang alle ein 500m. Dette føregjekk i området ved Gjesdal Skule. Christian overraska alle med å ta teten og såg seg aldri meir tilbake. Kjell N og Jan gjorde tapre forsøk på å følgje, men det vart nokre meter fram. Det er flott for alle og noko å strekke seg etter! Kva som skjedde vidare bakover i feltet har vi ikkje fått så mykje info om, men det ligg vel til rette for at der er f.eks. Leif, Asbjørn og kanskje nokre av damene??
Ver og føre: Litt vått, men bra feste!
———————
13.02.2016:
På ein frisk og fin vinterdag møtte 12 stk. til treninga. Familien Vågane var sterkt representert med 4 stk (!) og spesielt kjekt var det å sjå Åsmund på plass! Her er namna: Anders, Dag, Jon V, Kjell S, Magne, Leif, Ola H, Ola V, Roald, Rune, Svein-Arne og Åsmund.
Treninga: Denne gongen ei økt med meir fart enn før i år: 7x300m med ca. 1 min pause. Dette føregjekk på grusvegen på Bakkeslåttene. Åsmund og Ola sette opp eit (for dei andre gubbane) styggfort tempo og var ganske så suverene i tet. Av resten var Leif og etterkvart Magne lengst framme. Litt uvant for beina dette, men det såg ut til at alle om velberga igjennom.
Ver og føre: Klarver – lite vind og ca. 8 kaldegrader. Friskt men greitt!
———————-
20.02.2016:
Det går opp og ned med frammøtet. I dag var det kun 6 som møtte. Truleg er vinterferien ei årsak her. Dei som var her var: Anders, Heidi, Kjell S, Leif, Roald og Aase-Britt.
Treninga: Ettersom både sjefs- og ass. sjefstrenar var vekk, måtte den som stod øverst på frammøte-lista ta føringa. Det var Leif! For første gong i så måte. Han tok gjengen med seg utover sørsida av Jølstra. Frå brua ved Hallvard Flatabø sprang dei vest til krysset opp til Bjørkelia (ca. 570m). Etter ein kort pause same veg tilbake. Dette vart gjort 4 gonger. Så var siste draget innover til neste bru (ca 400m). Trenar var først heile vegen med Heidi som ei god nr.2.
Ver og føre: Tja, her er referenten litt usikker. Det var truleg snøføre og ca. 0 grader.
—————–
27.02.2016:
Ja, i dag svinga det verkeleg av Gubbetrimmen! Ikkje berre var vi 20 stk, men vi kan og ønske velkommen 2 nye «gubbar». Dei er Ingvild Støfringstøl og Silje Dvergsdal. I tillegg kom Henning Hellebust, som så vidt var innom ein tur for 4 år sidan. Vi satsar på at det no vert fast rutine, ikkje berre for han, men også alle andre som var her. Her er namna: Asbjørn, Camilla, Dag, Erling B, Hanne, Heidi, Henning, Ingvild, Kjell N, Kjell S, Jan, Johnny, Magne, Leif, Ola H, Roald, Runar, Silje, Svanhild og Turid. Legg merke til at her er 7 damer på plass! Yess, dette er bra!
Treninga: Sjefstrenar Johnny var omsider tilbake etter eit langt skadeavbrot. Han har i lag med Kjell N og Kjell S tenkt seg på veteran-NM om 14 dagar, så han nytta då høvet å putte inn ei økt som passar for sånne: 4 x 500m (3 min pause). Dette føregjekk på og ved «Stampesletta», og vart ein skikkeleg uvant meny for alle. Johnny åpna friskt og tok, i lag med Kjell N, teten. Slik var det heile vegen, men på siste draget «skreik» leggane etter kvile så då var Kjell åleine i tet. Men, Jan var nær heile vegen og på siste draget torde Henning å vise at han var her og. Tidene på førstemann var 1.37-1.43-1.44-1.45. Det må vere godkjent! Lenger bakover var det god innsats, og som sagt: Det er uvant kost dette. Men, vi skal gjennom meir sånt utover våren, så det er berre å glede seg.
Ver og føre: Første gong i år utan refleksvest er kjekt. Så var det 1 +grad og fint føre på sørsida, så då kan vi ikkje klage.
————————-
05.03.2016:
Ja, det går mot vår gitt! Førre gong kunne vi legge igjen refleksvestane heime, og i dag skein sola når vi møttast. Ein solid gjeng var på plass i dag og. 14 stk. er godkjent. Nemnast må at Anja Solheimsnes var på besøk, over eit år sidan førre gong. Dermed var namna: Anja, Asbjørn, Erling B, Heidi, Henning, Johnny, Jon Kristoffer, KjellN, KjellS, Magne, Leif, Rune, Silje og Svein Å. Eit alderspenn på 67år mellom eldste- og yngstemann er spesielt!
Treninga: Det var berr asfalt og gode greier, så ein tok kursen innover langs vatnet. Etter ein oppvarmingsrunde via Vassbakkane var det tilbake til motbakken i Gjesdalsvegen Aust. 5 bakkeintervallar på 350-450m venta her. Far og son Navelsaker tok teten med Johnny og Henning halsande bak. Det gjekk tungt for fleire, men vi legg merke til at både Heidi og Anja låg langt framme og pressa fleire av karane til å ta i meir enn dei hadde tenkt. Når alle var komne til topps i Gjesdalen, var det ikkje så mykje igjen.
Ver og føre: Det var lettskya og fint ver. Vegen var berr, men det starta å fryse på, så det vart litt glipp på slutten.
——————-
12.03.2016:
Medan 3 av oss var på Veteran-NM innandørs, tok 9 andre ansvar og gjennomførte ei god økt på heimebane. Desse var: Anders, Asbjørn, Dag, Erling B, Henning, Magne, Leif, Rune og Aase-Britt.
I dag var det nok ein gong Leif som var sjef. Han tok med seg folket ut på Bakkeslåttene der det vart beordra intervallar. 4 x 800m. Henning tok teten og åpna hardt. Magne og Leif var nærast. Og dei kom nærare etterkvart.
Ver og føre: Tøya på vegen og våren er i anmarsj! Kjekt!
——————–
19.03.2016:
På ein litt grå og våt dag møtte 11 stk. til treninga. Desse var: Anders, Asbjørn, Dag, ErlingB, Johnny, KjellN, KjellS, Magne, Leif, Roald og Rune.
Sjefstrenaren er tilbake og gjekk rett i inn rolla si med ei solid økt. Nok ein gong var det grusvegen på Bakkeslåttene som var arèna. Slik var økta: 2×500 + 2×400 + 2 x300 – 2x200m. (Pausar frå 2-1min). Johnny og Kjell N gjekk i tet med det same. Johnny var nokre få meter føre, men Kjell hang på og på siste draget var dei like (slitne)…. Magne hadde hand om 3.plassen med Leif i hælane. Farten var god og som det skal vere – aukande fart etter som lengda vart kortare. Det vert elles rapportert om god fart vidare bakover. Kjekt å ha så skånsomt underlag for ømtålege leggar.
Ver og føre: Overskya, nesten vindstille og lett yr. Det var heile 5 + grader. Det er snart vår!!!
—————————
26.03.2016:
Det er påskeafta, kyrkjeklokken kimar – og vi trenar! Og vi i dag var 7 stk: Asbjørn, Jan, Dag, Kjell N, Leif, Roald og Rune.
Etter det som blir fortalt vart det sprunge 4 x1000m i ein «Rune-variant» (500m fram og tilbake). Dette føregjekk frå Vassenden Skule til Jølvassbu og tilbake. Når ein ser på startlista vart nok det ein tøff duell i teten mellom Jan og Kjell. Vidare bakover seier ryktet ingen ting, men skal vi tippe Leif på 3.plass?
Ver og føre: Det er berr veg og fin å springe. Gråver som elles denne påska.
————————-
02.04.2016:
Så var april her og ein kan sjå fleire vårteikn! Eit av dei er at Kjell Øygard kjem på springetrening! Det skjedde i dag! Elles så kom Elias Slåtten i dag. Det er alltid kjekt å få ungdommar med, sånn at vi ser kor god vi var ein gong (!!??). Kjekt at det var heile 14 stk på plass i dag: Anders, Asbjørn, Elias, Finn, ErlingB, Heidi, Johnny, KjellØ, Magne, Leif, Roald, Rune, Svanhild og Turid.
Treninga: Det var utover på Bakkeslåttene og den flotte grusvegen vi har der. Økta var slik: 1000-800-600-400-200m. (Pause frå 3-1 min). På første draget sette Elias opp eit drepande tempo og fekk etterkvart mange meter på resten. KjellØ og Johnny kom på dei neste plassane. Leif imponerte også med tøff førsteetappe. Etterkvart stabiliserte dette seg, med Elias først heile vegen. Ser vi til damene, så ligg Svanhild og Heidi godt framme i feltet og legg bak seg opptil fleire karar. Ei solid økt som gjorde godt!
Ver og føre: 6-7 +grader og vindstille. Så flott var det at mange måtte legge frå seg ytterjakka under økta!
———————–
09.04.2016:
Ein skjebnedag for 76år sidan, men det var det sikkert ikkje så mange som tenkte på denne flotte vårdagen. I allefall var det 15 stk. til start: Anders, Asbjørn, Dag, ErlingB, Gyrid, Jon Kristoffer, Kjell N, Kjell Ø, Magne, Leif, Roald, Runar, Rune, Siw og Svanhild. Kjekt å sjå Gyrid på plass!
Rune tok ansvar og sende dei utover til Bakkeslåttene nok ein gong. Her sprang ein 5 x 400m. Kjell Ø var i tet i lag med Kjell N, men Gyrid var også der og markerte seg! Usikker på korleis stillingen var lenger bak, men skal vi tru at Jon Kristoffer var der?
Ver og føre: Ein flott vårdag med solskinn og 10 grader. Berre lekkert!
—————————–
16.04.2016:
Ein fin dag vart det sjølv om det ikkje var like varmt som sist. I dag var vi 13 stk. Det var desse: Anders, Asbjørn, Dag, Erling D, Jan, Johnny, Jon Kristoffer, Kjell N, Kjell S, Kjell Ø, Leif, Rune og Siw.
Treninga: Det nærmar seg stafett-sesong og i den samanheng ville sjefstrenar få gjengen opp i litt større fart enn vanleg (??). I området rundt Stampesletta vart det sprunge 6×300. (2 min pause). Kjell Ø var første heile vegen, men Kjell N pressa han på alle draga. Jan og Johnny kom deretter. Også Jon Kr. var med langt framme i starten. Farten låg på ca. 56 sek , men den siste gjekk på 54. Alltid ein fare med leggstrekk slike økter, men alle kom seg velberga igjennom.
Ver og føre: ca. 5 grader og sol. Flott!
———————-
23.04.2016:
Til dagens dont møtte 10 stk. Øvste delen av avkryssingslista var tungt representert – noko som syner at det ikkje er tilfeldig kor folk er plassert der! 🙂 Her er namna: Anders, Asbjørn, Dag, Johnny, Kjell N, Kjell S, Magne, Leif, Rune og Siw.
Treninga: På Bakkeslåttene er det fint å vere. Her har vi vår «eiga» grusbane. Etter eit par drag i stigning var økta slik: 6 x 300m (2 min pause). Johnny og Kjell var først på dei 2 første. Så roa førstnemnde ned (Oldestafett i morgon), og då var det Magne som var nærast Kjell. Elles er Leif solid og nær teten – spesielt på siste draget. Lenger bakover vart det tett mellom «båtane».
Ver og føre: Ein kjølig dag – ca 2 grader, men fint ver. Fint å vere med!
———————
30.04.2016:
Roald seier at til betre ver – til dårlegare frammøte. Denne siste dagen i april var det fint ver, så 10 frammøte må vel vere greitt. Her er namna: Anders, Asbjørn,Erling B, Henning, Johnny, Kjell S, Leif, Magne, Roald og Aase-Britt.
Treninga: I dag sprang vi ei økt vi aldri før har sprunge! Etter oppvarming vestover til Halvard Flatabø var det 5 x ca. 400m intervallar med både unna-, motbakke og flatt. Dette føregjekk på grusvegen vestover mot golfvegen – fram og tilbake. Leif, Magne og Johnny skal i morgon forsvare Jølster si ære på Breimstafetten (superveteran), så dei prøvde å ta det rolegare enn vanleg. Dermed var Henning i tet på alle draga. Roald klufta godt på og var heilt der framme han og. Elles kom alle vel igjennom økta.
Ver og føre: Ca. 10 grader, sol og lett vind frå aust. Flott altso!!!
——————-
07.05.2016:
I dag går «vårens vakreste eventyr» – Holmenkollstafetten – av stabelen. Vi hadde 2 gubbar med der: Kjell N og Johnny. Begge var headhunta inn på Gloppen sitt V55-lag. Heime tok andre seg av resten. I dag var frammøtet heller dårleg med 7 stk. på plass. Det var desse: Anders, Kjell S, Magne, Leif, Roald og Heidi. I tillegg kom Aksel Nilsen på besøk. Han har vore her ein gong før, kjem frå Nordland, men er på besøk på Jølster denne helga. Heidi kom seint, og fann oss ikkje før vi var ferdig, men trena fekk ho likevel.
Treninga: Det såg lenge ut til at Roald skulle få sin debut som trenar. Men, klokka 17:01 kom Leif, og dermed vart det «kamp» om vervet. Løysings-orienterte som vi er vart det gjort sånn at Roald sitt opplegg vart følgt, men pausar og startkommando vart Leif sitt ansvar! Opplegget til Roald var 5 motbakkedrag frå Bakkelåttevegen og opp til lysløypa. Det er vel ca. 300m kvart drag. Det vert ikkje rapportert om kven som låg først i feltet, men Magne og Leif er vel dei mest aktuelle??
Ver og føre: Ein fin vårdag med ca. 15 grader i lufta og lettskya!
——————————
14.05.2016:
På ein heller kald maidag, der Roald stilte i med lue og vottar, møtte 8 stk. til treninga: Anders, Heidi, Johnny, Jon-Kristoffer, Kjell N, Kjell S, OlaH og Roald. Godt å sjå Ola tilbake etter lang tids trøbbel med skade og sjukdom 🙂
Treninga: Årets første «golfrunde» var gjennomført i dag. Rart at det ikkje har skjedd før forresten. I dag såg vi eit generasjonsskifte i levande live. Jon-Kristoffer har lege langt fram i fleire år no, men aldri vore «sjef». Men, i dag skjedde det:Han var først på alle draga. Det synes vi andre er heilt ok! Økta var slik: 1-2-3-2-1min intervall med like lange pausar. Her var god fart så vi kom ca. 30m forbi ferristen på desse 9 minutta. Johnny og KjellN hang på «haren» det beste dei klarte, medan Roald hadde hand om fjerdeplassen.
Ver og føre: Det var småsur nordavind og lettskya. Greit løpsver når ein først var i gang!
——————————
21.05.2016:
Då var vi igjen over 10 stk. – nærmare bestemt 11 på plass. Desse var: Asbjørn, ErlingB, Heidi, Johnny, Kjell S, Magne, Leif, OlaH, Roald, Rune og Svanhild.
Treninga: I dag vart kursen sett austover – inn langs Jølstravatnet. Her skulle det springast langintervallar sa sjefstrenar Johnny, og slik vart det. Desse var slik: 2000-1500-1000-500m. Pause 3-2,5-2-1 min. Johnny drog avgarde i tet på dei 2 første, men Magne var ikkje langt bak. Leif var ein sikker nr.3 på alle draga. Midt i 3.draget fekk Johnny lårstrekk, og dermed er han gangar igjen … Magne tok då teten på dei 2 siste draga. Tidene i tet: 8.29-6.12-4.07-1.52. Elles hadde også Svanhild trøbbel med ein fot, og måtte avbryte.
Ver og føre: Ein flott vårdag med 13 grader og lettskya. Litt vind frå aust merkast på første draget.
—————————
28.05.2016:
8 var på plass i dag. Ikkje all verden, men godt for desse: Asbjørn, Johnny, KjellS, Magne, Leif, Roald, Rune og Aase-Britt.
Treninga: Utatt på golfvegen. Har sprang vi 4 x 3 min intervall med 2 min pause. Det var Magne som var sjef i dag og først på alle draga. Eit stykke bak kom Leif og så vi andre. Vi kome akkurat innatt på brua mellom Flatabø og Jostein ØVrebø.
Ver og føre: Ca. 12 grader og lett vind frå vest. Kjendest litt surt ut etter mange solrike dagar.
******************************************************
20.08.2016:
Då er hausten 2016`første gubbeøkt gjennomført. I dag var det 8 stk. som møtte. Her er namna på dei heldige: Asbjørn, Jan, Jon-Kristoffer, Kjell N, Magne (sykkel), Ola, Roald og Siv.
I dag fekk Roald gleda av å leie det heile. Etter som ordet går gjorde han det på ein framifrå måte! Treninga gjekk føre seg i lysløypa aust for Bjørkelia. Her var det bakkeløp sånn ca. 200m. Kor mange gonger ein sprang opp der er ukjent, men det vert rapportert at Jan og Jon-Kr. var først. Då er nok ting som dei brukar å vere!
Ver og føre: Vi har fått sommar omsider. I dag var det omtrent 20 grader og lettskya. Då er det kjekt å vere ute.
——————-
27.08.2016:
Det er fjelltur-helg for mange, noko frammøtet bar preg av. Det var kun 4 som var på plass ved garasjen i dag: Asbjørn, Fredrik, Jan og Johnny.
Treninga: Vi tok turen innover sørsida til området Stampesletta. Her vart det gjennomført ei god intervalløkt som var slik: 200-300-400-500-400-300-200m. Pausar 1-2,5 min. Det var Johnny som var i tet heile vegen. I starten var Jan tett på, men etter litt vart han også lenger bak. Asbjørn og Fredrik hadde gode duellar, og junior er no hard å halde bak seg. Tidene i tet: 35-57-78-1.41-78-56-35. Det er godkjent om ein skal seie det sjølv 🙂
Ver og føre: Det har vore ein heller våt dag, men akkurat når vi var ute var det opphald til det stod igjen 10min av økta. Temperatur på ca. 13 grader.
————————–
03.09.2016:
Då rundar vi inni september med ein våt og grå laurdag. Då er det flott å kunne få seg ei god treningsøkt. Dette var det 6 stk. som fann ut. Det var Asbjørn, Fredrik, Jan, KjellS, Ola og Roald.
Treninga: Det var 7 dobbelt norgesrekordhaldar og tidlegare dobbel europameister Kjell S som var sjef for treninga i dag. Han tok gjengen med ut på Bakkeslåttene og motbakken ved Hallvard Flatabø. Den sprang ein 5 gonger. Det var far og son Sunde som tok føringa. Korleis det vidare utvikla seg så referenten ikkje noko om, men eg vil tru at iallefall Jan ikkje var trua.
Ver og føre: Det var regn ca. 13 grader. Altså vanleg sommarver!
—————————-
10.09.2016:
Litt betre frammøte enn sist då 8 stk. møtte. Det var desse: Asbjørn, ErlingD, Heidi, Kjell N, Roald, Rune og Aase-Britt. Vi merkar oss og gledar oss over at Erling er på plass igjen. Det er ei stund sidan sist!
Treninga: Ei god «Rune-økt» vart det, då det vart sprunge 1000m der ein snudde halvvegs. Referenten er ikkje sikker på antalet, ei heller kven som var først, men skal vi tippe 4 stk. og Kjell N ??
————————–
17.09.2016:
Ingen fellestrening i dag, då ein arrangerte «Trekktrasèen Opp».
—————————
24.09.2016:
Framleis stigande tendens då 11 stk. var på plass: Asbjørn, Camilla, Dag, Erling B, Erling D, Heidi, Jon Kristoffer Kjell N, Leif, Ola H og Roald.
Då var også Dag og Leif på plass igjen etter sommarferien som seg hør og bør!
Med Leif som sjef tok ein seg utover langs Jølstra til Bakkeslåttene. Her vart gjennomført ei god økt med intervallar av typen 600m. Det vart sprunge 5 drag og Navelsaker 1 og 2 var truleg først i feltet.
———————–
01.10.2016:
Tida går for og vi har oktober her. Igjen var frammøtet betre enn sist og desse 13 fekk kryss på lista. Og lista måtte utvidast nedst i kanten då 3 nye gubbar dukka opp: Gry Høgset, Øystein Høyvik og Osmund Hjelle. Gry har vore med oss for nokre år tilbake dei to andre debuterer hos oss. Velkommen skal de vere! Her er namna på alle: Dag, Erling B, Erling D, Gry, Jon Kristoffer, Heidi, Kjell N, Kjell S, Leif, Osmund, Roald, Øystein og Aase-Britt.
Igjen var Leif sjef. Denne gongen var det løypa rundt Golfvegen som var arena. Her sprang ein 6 x 2 min intervallar. Etter at Kjell N og Jon-Kr. tok teten kom debutanten Osmund voldsomt på slutten og slo knock-out på dei andre. Jau, her må det trenast for å halde følgje!
Ver og føre: Etter ei veke med høljeregn snudde veret og det var fint når ein trena. Ca. 12 grader og flott!
08.10.2016:
Ein fantastisk flott haustdag i Jølster – noko som sikkert gjorde at talet frammøtte ikkje var det høgste. Vi var 8 stk.: Anders, Erling D, Johnny, KJell S, Leif, Ola, Roald og Aase-Britt.
Vassende-brua er stengt så det vart nytt opplegg for fleire med parkering ved Elvetun og jogg til frammøte-plassen.
Treninga: Vi tok vegen utover langs sørsida av Jølstra – idag med større biltrafikk der enn vanleg. Ei ny økt vart annonsert av sjefstrenaren som fann det høveleg å sjå innom gjengen i dag (!!): Vi starta ved Halvard Flatabø og sprange 2min intervall vestover opp til bana i Bjørkelia og vidare innover lysløypa til Heimeyrkeskulen. Det måtte 6 drag til der Johnny låg først heile vegen. Ikkje så veldig langt bak kom Leif og Asse-Britt, deretter Roald og Anders. Det vart ei grei økt der vi avslutta med 4 drag på kunstgrasbana.
Ver og føre: Sol, vindstille og ca. 8 grader. Veldig flott!
——–
15.10.2016:
Det annonsert årsmøtet i Flåm «havarèrte» grunna dårleg oppmøte (!!!). Det var ei dårleg helg med omsyn til anna aktivitet (Haustferie, Jazz på Jølst etc), så vi var kun desse «gubbane» i Lærdal og Flåm: Dag(ca. 65.00 Mosjon), Erling B(60.07), Johnny(47.58), Magne(46.62 Klassevinnar!) og Aase-Britt(50.22). Resultata står i parantes. Elles var det god innsats frå dei andre jølstringane også med heile 4 klassesigrar! Eivind Øygard tok ein sterk 2.plass med 30.33 – den neste beste tida nokon gong!
Om det var trening her heime, er ukjent for referenten pr. no.
—————
22.10.2016:
Endeleg eit frammøte som liknar oss: 14 stk. Og då mangla vi masse damer, så her er potensiale… Her er namna: Anders, Asbjørn, Dag, Erling B, Fredrik, Jan, Kjell N, Kjell S, Magne, Leif, Ola H, Roald, Rune og Aase-Britt.
Treninga: Det var ei god gamal «Rune-økt». Etter ein oppvarmingsrunde nedover Bakkeslåttene vart det sprunge ca. 1000m intervall 4 gonger. Med start oppe på bakken ved Jølsvassbu, sprang ein nedover ca. 500m. Når førstemann snudde, snudde dei andre også, og kom sånn omtrent likt tilbake. Det var Jan og Kjell N som var nr.1 og 2 vert rapport.
Ver og føre: Det fantastiske haustveret vil ingen ende ta. Låg sol, vindstille og ca. 5 grader. Lekkert!
—————
Det har vore litt skralt med oppdateringane siste vekene men her følgjer ei kort oversikt:
—————-
29.10.2016:
Desse møtte: Alex, Anders, Asbjørn, Dag, Heidi, Jan, Magne, Leif, Ola H, Roald, Rune og Simen. 12 stk. og 2 nye gubbar her i dag: Alexander Peveri og junior Simen Sunde!
12 x 200m på Bakkeslåttene var økta og Rune var trenar.
—————
5.11.2016:
Desse møtte: Anders, Erling, Gyrid, Heidi, KjellN, KjellØ, Jan, Jon-Kristoffer,Leif, Roald og Øystein Høyvik (Ny!). Det blir 12 stk.
4x1000m (500m fram og tilbake) var økta og Leif var trenar.
—————
12.11.2016:
Desse møtte: Asbjørn, Dag, ErlingD, Heidi, Jan, Kjell Olav, KjellN, KjellS, Magne. Leif, Roald og Rune. 12 stk. i dag og.
5 bakkeløp frå Jølvassbu til Øvrebø Hytter. Rune var trenar.
—————-
19.11.2016:
Strålande frammøte i dag: 16 stk. på plass, og mellom desse finn vi ein ny «gubbe»: Hildegunn Kårstad Støfring. Velkomen til deg! Så er referenten litt i tvil om Øystein Støfring har vore med før?? Han var her iallefall i dag! Så var ein kar som var med i fjor tilbake: Kristian Nestor. Her er namna: Alex, Anders, Asbjørn, ErlingK, Fredrik, Hildegunn, KjellN, KjellS, Kristian,Jan, Jon-Kristoffer, Leif, OlaH, Roald, Rune og Øystein.
Treninga: I dag var det bakkeintervallar frå Jølvassbu til Øvrebø Hytter. 5 drag på ca. 350m. Med Alex i feltet slapp dei andre å springe så langt. Referenten er usikker på korleis den vidare rekkefølgja var, men vi vil tru at Øystein, Kristian og Jan var langt framme.
—————-
26.11.2016:
Endå betre frammøte i dag, då 17 stk. var på plass. Det er rekord i haust! Vi kan ynskje velkommen ein skikkeleg gubbe i dag, og då tenker eg på alderen: Knut Skurtveit! Dermed inkluderer vår organsisasjon både lensmann og prest! Her er namna: Alex, Anders, Dag, ErlingK, Fredrik, Jan, Jon-Kristoffer, KjellN, KjellS, Knut, Magne, Leif, Roald, Rune, Siw, Øystein og Aase-Britt.
Treninga: I dag var det 1000m intervallar. 4 stk. frå skulen forbi Jølsvassbu og tilbake til skulen. Alex var først og vi tippar at Øystein tok seg av 2.plassen. Vidare bakover vil vi tru at alle fann seg ein høveleg plass og ein høveleg rygg å ligge bak!
—————-
03.12.2016:
Etter to treningar med 16 og 17 stk. på plass, fall frammøtet ned på 10 i dag. Sjefstrenaren var tilbake etter 7 veker med skadeproblemer, og det var iallefall kjekt for han! Her er namna: Anders, Asbjørn, Fredrik, Jan, Johnny, Kjell S, Leif, Roald, Rune og Aase-Britt.
Treninga: Litt vanskeleg føre i dag, men på gangvegen var det fint! Frå Bøafeltet til Hotellet er det 500m i svak stigning. Denne vart sprungen 5 gonger med joggepause tilbake. Rekkefølgja var Jan, Johnny og Fredrik på dei tre første plassane. Jan hadde desse tidene: 1.51-1.52-1.52-1.53-1.46. Det var flott å kunne få fast «grunn» under skoa og på ein måte få opp god fart!
Ver og føre: Lett regn, vindstille og ca. 2+grader.
——————————
10.12.2016:
Då var det tid for «juletentamen». I alle år har neste siste økt før jul bestått av 20x200m intervall. Ei hard økt, og ein kan lure på kor lenge vi kan halde på med dette? Men det gjekk bra i år og og alle kom seg igjennom. Og alle var mange – heile 17 stk. Det var desse: Anders, Asbjørn, Dag, ErlingB, Johnny, Jon-Kristoffer, Jostein, KjellN, KjellS, Magne, Leif, OlaH, Roald, Rune, Siw, Øystein og Aase-Britt.
Etter ein oppvarmingsrunde ned på Einehogjen samla ein seg ved Bøafeltet. På gangvegen her var det lys og gode forhold for intervallar. Stort sett var det ein litt småforkjøla Øystein som var først med Johnny på andreplass. Vidare låg Jon-Kristoffer og KjellN tett på. Plassane deretter var det Magne og Leif som tok seg av med Aase-Britt, Asbjørn og Jostein like etter. God innsats av alle og alle kom seg like heile heimatt. Ei god økt som vi kan smake på langt utover kvelden!
Ver og føre: Sjelden bra tilhøve for løparar for tida. Lett regn, vindstille og heile 5 varmegrader er ok for oss!
Til slutt: Minner om innbetaling av årskontigent til gubbekontoen. Kr. 100,- pr. år pr. løpar til kontonr: 3705.12.83423.
———————
17.12.2016:
Årets siste gubbetrim-økt, iallefall i fellesregi. Det var dags for den vanlege juletradisjonen vår med langbord i garasjen til Roald med god mat og drikke og ditto allsong. Sjølv om denne økta ikkje tel på avkryssingslista tek vi likevel med namna på dei som møtte: Asbjørn, Dag, Erling, Finn, Kjell, Johnny, Kjell N, Kjell S, Magne, Leif, Roald, Rune, Siw og Sverre. Som vanleg kom også Holger Aasen innom for å helse på!.
Nokre av premieringane:
Fleste frammmøte: Leif.
Terminens trenar: Leif.
Årets comeback: Erling.
Mest sakna: Sverre.
Så er det verd å stoppe opp med det faktum at vår eldstemann KjellS runder 80 år nyttårsafta! Han fekk ein liten tale av Johnny og eit gåvekort på kr. 1000,- frå gubbane. Vi er stolte og kry over å ha ein sånn legende i våre rekker!
Så må nemnast den prima gode rakfisken vi fekk også i år. I år var det Finn som var ansvarleg og det var «bestått» med god margin!
Til slutt litt statistikk over snitt-frammøtet dei siste 5 haustane:
2012: 12
2013: 13,1
2014: 11
2015: 9,1
2016: 11,4
Takk for i år og velkomen tilbake laurdag 7.januar!