Gubbe-blogg

07.01.2012:

Hei alle..  Då er vi i gang igjen og etter det eg kan sjå har alle overlevd jula utan å svelte eller på anna vis ha det ilt…  I dag var det eit frammøte som gleda sjefstrenaren då 14 stk. møtte.  Her er namna:  Anders, Asbjørn, Erling B, Erling D, Gry,  Johnny, Kjell N, Magne, Oddvin, Ola V, Roald, Rune, Svein Arne og SveinÅ.

Treninga:  Det var vanskeleg føre i dag med nysnø og nullføre.  Vi fann difor ut at bakken ved Heimeyrkeskulen kunne passe, og det gjorde den for så vidt.  5 drag til topps var menyen og dersom ein ikkje sparka for mykje i frå gjekk dette sånn høveleg.  Kjell N og Johnny var likt på den første, deretter var Johnny først til siste draget, då det etter litt forvirring i starten var Svein Å som kom først opp.  Gry hadde 3.plassen og Magne og Asbjørn kom deretter.  Dvs. på siste draget synte Roald (uante) krefter og guffa voldsomt på – spørs om du hadde slura tidlegare i draga???

Ver og føre:  Som sagt nysnø – ca. 0 grader og litt dårleg føre.  Men vi kom igjennom og dei fleste hang med geipen etter siste draget. Heldigvis varte det ikkje lenge.

——————–

14.01.2012:

«Ser man det…..»  Frammøtet er på topp igjen!  Kjempekjekt og heilt på sin plass.  Heile 19 stk. møtte i dag.  Stor heider til familien Hestad-Navelsaker som tømmer huset i dag og stille 100%.  Silje Kristin debuterer som gubbetrimmar – flott!  Også fam. Vågane bidreg sterkt med 3 representantar.  Elles er det kjetkt at Dag endeleg er å sjå i joggesko i lag med oss.  Her er er namna:  Anders, Asbjørn, Dag, Erling B, Erling D, Gry, Johnny, Jon Kristoffer, Kjell N, Magne, Leif, Oddvin, Ola V, Rune, Silje Kristin, Siv, Svein V, Svein Å og Aase-Britt.

Treninga:  Etter ein roleg joggetur ned på Einehogjen vart følgande økt framlagt frå sjeftrenaren:  3 x 500m + 2 x 300m motbakke.  Første 3 draga var Johnny først med Kjell like bak.  Men, så kom motbakkane og då skjedde det mykje.  Kjell var først no, men like i hælane var både Ola V (!) Gry, Asbjørn og Johnny.  På siste draget fekk «dei dar bak» æra av å starte 15 sek. føre resten.  Ola V gjorde kort prosess med alle og vann heile draget med 10m på Johnny.  Nemner også Jon Kristoffer som ligg utruleg langt framme i feltet.  Han fyller altså 9 år i 2012.  Her har vi 2 store talent!

Ver og føre:  Det var fint å vere ute i dag.  Ca. 0 grader vindstille og opphaldsver.

————————–

21.01.2012:

Ein merkedag i vår historie:  All-time-high når det gjeld frammøtet!  Heile 23 stk. på trening i dag!!!  Det er berre fantastisk!  Vi hadde også ein debutant her:  Erik-Kristian Steinset.  Han er son til far sin, så dermed er også den familien meir enn ein her.   Det er meg ein glede å skrive opp følgande namn:  Anders, Asbjørn, Dag, Erling B, Erik-Kristian, Erling D, Gry, Johnny, Jon Kristoffer, Kjell N, Kjell S, Magne, Leif, Oddvin, OlaH, OlaV, Roald, Rune, Silje Kristin, Siv, Svein V, Svein Å og Aase-Britt.

Det var småglatt og småsurt ute i dag.  Som så ofte før vart Gjesdalsvegen Øst redninga.  Her sprang vi 5 motbakkedrag – som vanleg det siste til topps.  Ola V imponerte og tok kommandoen omtrent med ein gong.  Kjell N. og Johnny var i hælane på han.  Etter 2 drag slepte Ola seg bakover i feltet, men kom sterkt igjen på siste draget.  Her såg vi nok ein gong at gruppas yngste – Jon Kristoffer – tok «skalpen» på mange gubbar oppover mot toppen!

Ver og føre:  ca. 2 kaldegrader, men fint vinterver.

———————————-

28.01.2012:

Ein del av gubbane er råka av «sykja»…. Forkjøling og influensa-tendensar.  Likevel møtte 14 stk. til dagens økt.  Her er namna:  Anders, Dag, Erling B, Gry, Jan, Kjell S, Magne, Oddvin, Ola V, Rune, Svein V, Svein Å, Turid og Aase-Britt.

Treninga:  Det var Rune som var sjef i dag.  Han hadde funne på ein «ny» økt.  Start ved Jølvassbu.  Så 500m vestover, vending og tilbake.  Alle snudde på likt.  Dermed hadde alle det like moro – like lenge!  Etter det Rune fekk med seg var det Ola V og Jan som låg lengst framme.  Gry og Magne var også godt framme i feltet.

Ver og føre:  Ca. 3 minus og forholdsvis greitt føre til å vere vinter og januar.

—————————–

04.02.2012:

Vi leverer gode tal…. 17 stk. på treninga i dag.  Velkommen til ein ny gubbe:  Tor Arild Sektnan.  Han er opprinneleg frå «dalom» austaføre, men har budd i Jølster i mange år.  Det skulle syne seg at han ikkje hemmar farten i feltet!  Så var det kjekt å sjå Ivar Andrè igjen.  Det er lenge sidan sist, og etter det ein kunne sjå, har han helde formen godt vedlike.  Her er namna:  Anders, Asbjørn, Dag, Ivar-A, Jan, Johnny, Jon Kristoffer, Kjell N, Kjell S, Magne, Oddvin, Reidar, Roald, Rune, Silje Kristin, Siv og Tor Arild.

Treninga:  Vi starta med 3 x 500m flat intervall på gangvegen frå Fluge og opp til Hotellet.  Her var det Jan som var først med Kjell N, Johnny og Ivar deretter.   Men før nemnde Tor Arild var like  i hælane.  Dei to siste draga gjekk opp Årsetbakkane, noko som vart tungt då føret her var vanskeleg.  Jan var igjen først, men Ivar pressa han godt på desse to draga.  Skryt også til eldstemann Kjell S som på siste draget var heilt opp på 5.plass.  Det er sterkt for ein kar som fyller 76år i år.

Ver og føre:  ca. 1 minusgrad, vindstille og greitt vinterver.  Litt mjølsnø, gjorde at farten ikkje var den beste.

——————-

11.02.2012:

Vi held koken når det gjeld frammøtet.  Flotte tal også i dag:  16 stk. og det sjølv om mange faste mangla, f.eks. var det ingen frå Nilsvegen her i dag!!!  Her er namna:  Anders, Asbjørn, Dag, Erling B, Gry, Jan, Johnny, Jon Kristoffer, Kjell N, Magne, Oddvin, Ola V, Reidar, Siv, Svein Arne og Tor Arild.

Treninga:  Null-føre er noko heller ikkje løparar likar.  Dermed vart det motbakke-intervall i dag og.  Vi starta nede ved Gjesdalsbrua og hadde først 4 drag på ca. 300m deretter eitt langt, tungt drag heilt opp til øvre brua.  Jan var best på alle.  Johnny, Ola, Tor-Arild og til Kjell N var dei som hadde andre, tredje osv, med ulik rekkefølge.   På siste draget var Jon Kristoffer imponerande sterk, der det kun var 3 gubbar som slo han!

Ver og føre:  Ca. 0 grader, lett snøfall og vindstille.  Småglatt, men forsåvidt greitt nok.  Eit kjekt merke er at dette er siste økta i vinter vi treng å stille i refleksvest.

——————-

18.02.2012:

Vi nærmar oss våren, sjølv om det ikkje ser sånn ut.  I dag føregjekk heile økta i dagslys!  Og så kan vi ynskje velkommen ein ny gubbetrimmar:   Jon Vågane.  Yngstemann i familien – kun 11 år.  Det er noko vi likar!  I dag var vi «kun» 10 stk.  Det var:  Anders, Gry, Jan, Johnny,  Jon,  Magne, Oddvin, Ola V, Reidar og Svein-Arne.

Det var skikkeleg trøbbel-føre.  Rundt 0 grader, nysnø og glatt.  Vi fann ut at bakken opp til Øvrebø Hytter var staden å vere, sjølv om det var glatt her og.   Vi gjennomførte 5 drag frå Jølvassbu, dvs. ca. 350m.  Jan er suverèn med leiing på 10-15m. Nr. 2 var stor sett Johnny, men Ola og Magne kapra den plassen på første og siste draget.  Reidar imponerer med tøff innstilling og hadde stort sett 3/4 plassen undervegs.

Ver og føre:  Som sagt:  Det var glatt og vi ser fram til å få fast dekke under skoa.  Opphaldsver og ca. 0 grader.

———————–

25.02.2011:

Ai-ai… !!!!  Er det våren som prøvar seg allereie?  I dag var det lekkert å vere løpar serru…  Først om dei frammøtte.  Dei var heile 17 i talet og heiter:  Anders, Asbjørn, Erling B (Kor er forresten Erling D???) Gry, Johnny, Jon Kristoffer, Kjell N, Kjell S, Ivar-A, Magne, Oddvin, Reidar, Roald, Rune, Siv, Svein-Arne og Tor-Arild.

Treninga:  Det var isfritt, snøfritt og tendensar til tørr asfalt!  Dermed måtte Stampesletta avleggast eit besøk.  Her vart det kommandert ei økt som vanlegvis føregår lenger fram mot sommaren:  200-300-400-500-400-300-200m  Pausane var på 1-2,5 min.  På første draget sette nokre avgarde som yre kalvar og verkeleg sette standarden for økta.  Etterkvart stabiliserte ting seg der Kjell og Johnny hadde 1. og 2.plassen, men her var ikkje langt bak til Ivar og Tor-Arild.  På siste draga kom først Ivar opp, så var Johnny framme med Kjell og på siste økta var Magne den sterkaste.  Ei susande økt som sat skikkeleg i kroppen.

Ver og føre:  SOm sagt ein flott dag.  Ca. 5 +grader vindstille og flotte forhold.

—————————-

04.03.2012:

Strålande frammøte og det til trass for at 5-6 av dei «faste» ikkje er her i dag.   Her er namna:  Asbjørn, Dag, Erling B, Erling D (sykkel), Jan, Jon Kristoffer, Kjell N, Kjell S, Kjell-Olav, Magne, Oddvin, Ola H, Roald, Rune, Silje Kristin, Siv, Sverre (sykkel) og Turid.  Som ein ser er sykkelsesongen starta for nokre.  Eit anna vårteikn er at Kjell-Olav Førde kjem på trening.   Det betyr at stafettsesongen nærmar seg.  Talet i dag er 18 stk.

Treninga:  Rune var sjef i dag og hadde ein fin meny klar:  5 x 500m omkring Kjelsnes-Hammar.  Pausane vart sånn ca. 2min.  Det var som venta Kjell N og Jan som slost dar framme, men Kjell-Olav som kom litt seint, nærma seg på slutten.

Ver og føre:  Fine forhold for løparar i dag.  Ca. 4 +grader, tørr asfalt og svak vind frå aust.  Flott!

———————————————————-

10.03.2012:

Er våren komen no??  Det kan sjå ut til at vi har stått han av i vinter også.  15 våryre gubbar fann fram til stemneplassen denne laurdagskvelden.  Finn gleda oss med sitt frammøte og Leif, som har vore mykje vekke i vinter, var endeleg på plass.  Så har vi fått heimatt Sør-Amerika-fararane Aase-Britt og Svein .  Fulle i «raudt blod», men akk så tunge bein!  Her er namna:  Anders, Asbjørn, Dag, Erling B, Erling D (sykkel), Finn, Jan, Kjell S, Magne, Leif, Ola H, Roald, Rune, Svein Å og Aase-Britt.

Treninga:  På Bakkeslåttene – mellom bruene vart det sprunge tempointervall.  5 x 400m var økta.  Pausane vart såpass lange at farten nærma seg syregrensa.  Etter det ass. sjefstrenar Rune fekk registrert der framme var Jan først heile vegen, med Finn og Magne som dei nærmaste.

Ver og føre:  Det var opphaldsver og lettskya.  Ca. 3 + grader og fint å vere løpar.

————————-

17.03.2012:

Det er NM-helg og vi har sendt avgarde 5 gubbar til Bergen for å hente heiim edelt metall.  Meir om det finn du ein annan stad her på bloggen.    Det er godt å sjå at treninga går sin gang sjølv om fleire er andre stader.  I dag var det 13 stk. på plass:  Anders,  Asbjørn, Dag, Erling B, Erling D, Gry, Kjell Ø, Leif B, Magne, Ola V, Roald, Rune og Svein V.    Legg merke til eit vårteikn her:  Kjell Ø kjem på springetreninga.

Treninga:  I dag var det Erling D. som sjefa.  Dei som trudde det skulle bli lettare enn Rune sitt regime tok feil  På grusvegen på Bakkeslåttene vart det sprunge 8x300m intervall med forholdsvis korte pausar.  Kjell Ø plasserte seg trygt i tet.  Bak han fann vi Ola, Magne og Gry.

Ver og føre:  Gråver  og ca. 3-4 grader.  Ola V hadde satsa på vår og stillte i shorts.  Det var for kaldt, så våren er nok ikkje heilt der endå.

————————

24.03.2012:

Ein flott dag å trene ute i dag og våren ser no definitivt ut til å vere komen.  I dag var det 12 stk. på plass.   Dette var:  Asbjørn, Erling B, Erling D, Gry, Jan, Leif, Oddvin, Rune, Svein V, Tor-Arild, Turid og Aase-Britt.

Treninga:  Nok ein gong vart grusvegen på Bakkestlåttene arena.  Rune hadde pønska ut følgande plan:  Alle starta likt og sprang ca. 550m vestover.  Når første mann var komen på brua ved H. Flatabø snudde alle der dei måtte vere og sprang tilbake.  Dette vart gjort 3 gonger.  Tor-Arild åpna friskt, men etterkvart tok Jan over.  På siste draget var det ingen som tok igjen Gry!

Ver og føre:  Sol, ca. 8 grader og flott!

————————

31.03.2012:

Eit lite tilbakefall kva veret angår, men likevel møtte 12 stk. til økta i dag.  Det var Anders, Asbjørn, Erling B, Erling D, Kjell S, Johnny, Magne, Oddvin, Reidar, Roald, Rune og Tor-Arild.  I tillegg har vi fleire som sprang Sørstrande Rundt i dag.  Eg veit om Gry og Kjell N… Kanskje var det fleire gubbar der..

Treninga:  Det er tid for skadar og der er både Oddvin og Johnny no…  Vi satsar på at ting rettar seg i løpet av nokre dagar..  Økta i dag 2×200-2×300-2×400-300-200.  Pausar 1-2 min.  Kanskje litt overraskande var det Reidar som tok ansvar og teten her.  Tor-Arild og Magne lurte like bak.  På siste draget var Magne først, men gamlefar Kjell S, synte gode takter og tok 3.plassen.  Snakkar om 76-åring!  Farten i tet var sånn ca. 37-59-80.

Ver og føre:  Ca. 0 grader og snøbyger i fjella.  Litt sur vind frå vest, men ok å vere ute likevel.

—————————

07.04.2012:

Det er påskeafta og som vanleg er ikkje frammøtet allverden.  Men nokre må ha sin dose trening på laurdagen, og i dag var det desse:  Asbjørn, Jan, Johnny, Kjell S,  Leif, Magne og Rune.  Dvs. 7 stk.

Treninga:  … vart lagt til området Bakkeslåttene.  Først 5 x300m motbakkedrag ved Halvard Flatabø, deretter 2x400m innover flatene mot Jølvassbu Camping.  Jan var først på motbakkedraga, men gjengen nærma seg for kvart drag.  Der var Magne og Asbjørn nr. 2 og 3.  Johnny, som har vore ute av drift grunna leggstrekk, tok det roleg i starten, men kom sterkt etterkvart, og på siste draget var han først.

Ver og føre:  Som det har vore siste dagane hadde vi ein sur austavind, men det var likevel fint å vere ute med skyfri himmel og greier.  Temp. ca. 2 + grader.

14.04.2012:

Det er framleis kaldt ver, men sola skin så vi klagar ikkje.  I dag var 15 stk. på plass til økta.  Her er dei:  Anders, Asbjørn, Dag, Erlend, Finn, Gry, Johnny, Jon Kristoffer, Kjell N, Kjell S, Leif, Magne,  Ola V, Siv og Svein Arne.  Ein merkar seg at Erlend no luktar «sagmugg» dvs stafettar, og har starta vår-offensiven.

Treninga:  Vi tok kurset vestover og innvia Golfvegen med sesongens første økt.  Det var kjekt det!  Ei golfrunde vart delt i 3 delar og med 2 min pause mellom draga.  Tida rundt vart 6.20 og det var Kjell N som var sjef heile vegen.  Johnny yppa seg på dei 2 første, men så vart det verre.    På siste draget kom Erlend heilt fram og gav Kjell god konkurranse.

Ver og føre:  Ca. 3 grader lett vind frå aust og klarver.

————————–

21.04.2012:

Ein stor dag for oss med heile 20 stk. på treninga.  Det er ei glede å rapportere om at følgande var på plass i dag:  Anders, Asbjørn, Dag, Erlend, Erling B, Erling D (sykkel), Finn, Frida, Halvard, Jan, Jon Kristoffer, Kjell N, Kjell Ø, Leif, Magne, Roald, Rune, Siv,  Turid og Aase-Britt.

Treninga:  Økta i dag var 8 x 1 min drag rundt Golfvegen.  Pausane var 1,5 min og det vart det behov for, då det gjekk ganske så raskt i teten.  Der var Kjell Ø heile vegen, men Kjell N yppa seg i starten.  Ein kom heilt innatt til feristen på dei 8 draga.  Det er bra!

Ver og føre:  Lett regn ca- 5 grader og elles ok å vere ute.

———————

28.04.2012:

Det skulle vore vår, men det var litt småsurt i dag og, så vi ventar endå på den gode temperaturen.  I dag var det 11 stk. som møtte:  Anders, Dag, Erling (sykkel), Gry, Kjell N, Kjell S, Magne, Oddvin, Ola V, Rune og Svein V.

Treninga:

Rune, som har hatt ein hektisk vår som ass. sjefstrenar, hadde nok ein gong klar ei god økt.  I dag føregjekk dette på grusvegen mellom Jølvassbu og H. Flatabø.  4 x 1000m med vending midt i kvart drag.  Pausane var heile 3 min…. for å sjå om farten gjekk opp.  Kjell N var først med Gry og Magne deretter.  Ola V kom sterkt på slutten og vann siste draget.

Ver og føre:  Gråver og fortsatt kun 4-5 grader.

—————

05.05.2012:

Eit skikkeleg tilbakeslag frå «Kong Vinter» i dag.  Det var snøslette og surt ver,  Om det var det eller andre ting som gjorde det veit ein ikkje, men «kun» 10 stk. var plass i dag:  Anders, Asbjørn, Dag, Erlend, Erling B, Johnny, Kjell N, Kjell S, Oddvin og Roald.

Treninga:  Det var kaldt og surt, og i morgon er det Breimstafett for mange.  Vi gjennomførte difor ei økt av det for beina meir skånsame slaget – motbakkeløp.  3 x 400m frå krysset og opp mot skihytta i Bjørkelia.  Kjell N vann dei 2 første med Erlend like bak.  På siste hadde Erlend bestemt seg og parkerte alle.  Tider i tet:  1.26-1.27-1.20.

Ver og føre:  Det var bert, lett snødrev og sur vind frå vest.  Det gjekk greitt å trene likevel, og alle om skadefrie heimatt.

———————————-

12.05.2012:

Det er Holmenkollstafetthelg og Gubbetrimmen har sendt avgarde sine best menn:  Vi ramsar opp:  Asbjørn, Dag, Kjell Ø, Kjell N, Erling B, Finn, Johnny, Reidar  og Oddvin.  Likevel var det heile 11 stk. på plass og passa treninga på heimebane:  Anders, Erling D, Jan, Kjell S, Leif, Roald, Rune, Svein Å, Tor-Arild, Turid og Aase-Britt.  Til trass for heller surt ver stillte Svein i shorts (!)  Her er det ein som vil ha vår!

Treninga:  Det var oppvarming ut til H. Flatabø der Roald leia 2 stigningsløp.  Roald, som har hatt avbrudd grunna skral hofte, var på plass som løpar igjen.  Dessverre måtte han avbryte før han hadde lyst!   Dei andre sprang rundt Golfvegen motsett veg.  Det var 9 x 1 min drag.  Pause 1,5 min.  Jan var først og var sjef.  Tor-Arild var også der framme.  Vidare bakover seier historia ingen ting om, men referenten vil tru at Leif, Aase-Britt og Leif var der…

Ver og føre:  Ca. 6 grader småsurt med snøbyger i fjella.  Ikkje vår endå nei…

————————–

19.05.2012:

Eit flott frammøte på ein flott dag….  Sola tek stadig meir grep og truar vinteren tilbake.  Det er på tide.  I dag hadde vi desse på plass:  Asbjørn, Erling B, Erling D (sykkel), Gry,  Ivar-Andrè, Jan, Jon V, Johnny,  Roald (sykkel),  Rune,  Sigurd Vågane (!), Svein V, Svein Å,  Tor-Arild, Turid og Aase-Britt.  Ei t nytt namn her:  Sigurd Vågane.  Med det har samtlege i familien Vågane vore innom Gubbetrimmen.  Det er sterkt!

Treninga:  I dag vart Stampesletta besøkt.  Det er lenge sidan.  8x300m med ca. 1,30 pause var menyen.  Jan starta best med Johnny greitt på andreplass, men etterkvart fekk både Tor-Arild og Johnny æra av å vere først.  Like bak her var det fleire å sjå:  Ivar, Gry og Asbjørn.  Farten låg frå 55-58 med eit snitt på 57.

Ver og føre:  Ca. 10 grader, sol og vindstille.  Dette kan vi like!

——————————-

26.05.2012:

Det er pinseafta og kyrkjeklokka ringer når vi er ute og spring.  Det fekk ein ikkje høyre då økta føregjekk i området ved Stampelsletta.  Det var «kun» 10 stk. på plass i dag:  Asbjørn, Jan, Erling B, Kjell N, Kjell S, Roald, Rune, Svein Å, Tor-Arild og Turid.

Som sagt var det sørsida av Jølstravatnet som vart besøkt i dag.  Rune hadde følgande meny til allmuen:  6 x 500m.  Det var 2 mot aust og resten heimatt.  Tor-Arild og Jan var visstnok i tet.  Korleis det var lenger bak er ikkje sagt, men Kjell N var nok der sjølv om han slit med sår akilles.

Ver og føre: Fantastisk sommarver denne veka.  I dag var det rundt 20 grader og sol.  Sånt har vi venta på i heile vinter og vår.

———————-

02.06.2012:

I dag tok frammøtet seg skikkeleg oppatt.  Heile 18 stk. møtte.  Her er namna:  Anders, Asbjørn, Dag, Erling B, Jan, Johnny, Jon Kristoffer,  Kjell N, Kjell S, Leif, Magne, Oddvin, Roald, Rune, Siv, Svein Å, Turid og Aase-Britt.

Treninga:  Sur vind frå aust i dag så vi gøymde oss vekk nede med elva.  Ved H. Flatabø sprang vi 6x300m motbakke.  Pausane var ca. 2,5 min og farten låg mellom 53 og 55.  Jan var først på alle og hadde selskap av Kjell N på dei 4 første med Johnny som nr.3.  Så vart det  endringar.  På 5 draget kom Asbjørn sterkt og var omtrent likt med Jan.  På siste draget var det Leif og Svein Å som var nærast.

Ver og føre:  Sol og flott, men litt sur vind og ca. 8 grader.

————————

09.06.2012:

På ein flott sommardag i Jølster møtte 12 gubbar til trening.  Roald, som slit med sår hofte, brukte sykkel.  Vi andre sprang.  Desse møtte:  Asbjørn, Erling B, Jan, Johnny, Kjell S, Leif, Magne, Oddvin, Roald, Rune, Tor-Arild og Aase-Britt.

Treninga:  Etter ei tilnærma demokratisk avstemming (hæ…er vi starta med sånt??!!) var det bestemt at vi sprang i retning Golfvegen.  Følgande økt var gjennomført:  1-2-3-2-1 min intervallar med pauser frå 1-2 min.  Tor-Arild åpna tøft og vann første intervall, så kom Johnny og på dei 2 siste var Jan først.   Elles la ein merke til at Leif var tøff i starten og at evigunge KjellS (76år) imponerer og ligg langt framme i feltet.

Ver og føre:  ca. 17 grader lettskya og flott ver.  Supert å vere ute!

———————

16.06.2012:

Siste skikkelege trening på denne sida av sommarferien og i dag var 2 syklistar (Roald og Sverre) og 10 løparar på plass.  Det var Erling B, Jan, Johnny, Kjell S, Magne, Leif, Oddvin, Rune, Tor-Arild og Turid.

Treninga:  Ei solid økt vart det.  Det var intervall 1000-800-600-400-200 med 200m gangpause.  Jan, Johnny og Tor-Arild var i lag heile vegen, med Jan så vidt føre på dei 3 siste.    Magne og Leif slåss om 4.plassen.  Tidene i tet var 3.40-2.49-2.03-1.13-32.

Ver og føre:  Det var ca. 16 grader og lett vind frå aust.  Flott å trene!

Til slutt minner vi om neste helgs «Gubbemeisterskap» med frammøte kl. 15:00.

——————————–

25.08.2012:

Vi er i gang igjen.  Ny sesong og nye mulegheiter.  Etter det ein har rekna ut går vi inn i vår 35. år som organisasjon.  I dag møtte 12 stk. til økta og vi vil spesielt ynskje ein ny løpar på plass:  Fredrik Sunde.  Han er kun 9 år og dermed dreg han snittalderen godt nedover.  Elles er det kjekt å sjå Erling D. tilbake.  Han har ikkje vore med sidan februar grunna ein kranglete akilles.  Så dukka sanneleg Svein Boge opp også!  Det er lenge sidan han var sist å sjå og desto kjekkare å ha han på plass.  Her er namna:  Anders,  Erling D, Fredrik, Gry,  Jan, Johnny,Oddvin, Ola, Roald, Rune, Svein B og Turid.

Treninga:  Vi starta rimeleg klassisk:  Bakkeløp ved Hallvard Flatabø.  6 x 300m med jogg tilbake.  Jan og Ola var først i starten, men Ola tok etterkvart over.  Lenger bak var det varierande.  Johnny er skada og reiv for sikkerheits skuld oppatt ein nygrodd lårmuskel og måtte gå heimatt.  Fredrik imponerte med å ligge omtrent midt i feltet!   Elles trur eg alle synes det var greitt å komme i gang igjen.

Ver og føre:  Det silregna heile økta men temperaturen var greit – ca. 13 grader.

———————————-

01.09.2012:

Litt auke i frammøtet i dag:  13 stk.  Endå er mange å vente, så det blir nok bra.   Ekstra kjekt er det å sjå Vidar Prest på plass igjen.  Måtte bein og resten av kroppen halde, slik at han kan fortsette her.  Dei som kom var desse:  Anders, Asbjørn, Erling D, Fredrik, Jan, Johnny, Magne, Leif, Oddvin, Roald, Rune, Svein B og Vidar.

Treninga:  Klok at skade tok sjefstrenar med seg heile gjengen til Bjørkelia.  Vi tok oppvarminga her og så var det test opp svingane frå innkøyring til skihytta til innkøyringa til kulverten.  Her er resultata:  Jan (12.02), Asbjørn (13.22), Magne (13.23), Johnny (13.33), Vidar (14.23), Roald (14.40), Leif (15.30), Rune (16.40), Oddvin (17.50), Anders (19:15), Svein B (19.15), Erling D (22.15).  Fredrik om også omtrent heilt opp.

Ver og føre: Overskya og greitt.  Ca. 13 grader.

———————-

08.09.2012:

I dag var vi «kun» 10 stk. og snittalderen var høg.  Men ros til desse for frammøtet:  Anders, Asbjørn, Erling B, Erling D, Johnny, Leif, Roald, Rune Svein B og Vidar.

Treninga:  Det vart ein runde på Golfvegen i dag.  Den føregjekk i 2 min. intervallar.  Pausen vart omtrent like lang.  På første draget var Vidar og Johnny ganske så like, men deretter var Johnny suverèn i tet.  Den kranglete lårstrekken ser ut til å ha slept taket og han har det no travelt med å bli i slag til NM neste helg.  Vidar var nr. 2 undervegs heilt til siste draget, då Svein trykte til litt meir enn tidlegare i økta.

Ver og føre:  Det var forsyne meg sol under økta!   Det gjorde til at det vart ei rett så triveleg stund.  Temp. ca. 13 grader.

————————————–

15.09.2012:

Frammøtet er som det pleier på desse tider.  I dag var det 12 stk. på plass.  Det var:  Anders, Asbjørn, Dag, Erling B, Erling D, Gry, Jan, Magne, Leif, Oddvin, Roald og Rune.  Elles kan rapporterast at Kjell S og Johnny var på Veteran-NM i Stavanger.  Kjell henta heim heile 4 gull!   (Han har no 29 NM-gull)!  Johnny fekk 3. og 4.plass.   Vi gratulerer!

Treninga her heime:  Ass. sjefstrenar Rune overlet ansvaret for treninga til Erling D.  Då vart det kortintervall.  14 x 200m med forholdsvis korte pausar.  Det var Jan som var først med Magne som ein god nr.2.   Uvant kost var det, så det spørs om ikkje fleire kjende gangsperra etter denne økta.

Ver og føre:  Det var regn – må vite og ca. 12 grader.

—————————–

22.09.2012:

Ikkje frammøte som vi pleier, men folk har mykje å ta seg til med for tida, og det må nok bli mørkare ute før vi rundar 15 frammøtte.  I dag var vi 9 gode løparar.  Spesielt ein av dei Kjell S. vart behøring gratulert med sine flotte EM-resultat.  Tenk av vi trenar i lag med ein dobbelt europameister!  Her er rnamna:  Anders, Asbjørn, Kjell S. Johnny, Leif. Oddvin, Roald, Rune og Vidar.

Treninga:  Golfvegen var arèna.  Ei runde pluss litt til vart delt opp slik:  1-2-3-2-1 min.  Pausane var ca. 2 min.  Johnny tok kommandoen frå start og sidan vart han værande der.  Han flyt på godformen etter NM, så det var ganske så god plass bak.  Og der var først Vidar, så kom Asbjørn opp og til slutt var Leif den nest-beste.  Til slutt mangla ein berre 40m frå startpunktet.

Ver og føre:  Plutseleg fekk vi ei fantastisk helg, med sol og gode greier.  Temperaturen var ca. 12 grader.

—————————–

29.09.2012:

Ein flott haustdag i Jølster og vi fekk gleda av å nyte den i joggesko!   Så kan vi ta i mot ein ny gubbetrimmar nemleg Harald Klakegg.  Han er ein utvandra Jølstring og ein skikkeleg veteran i friidretten i fylket med medaljar i Veteran-NM i massevis, siste åra i tresteg og lengde.  Her er dagens namn:  Anders, Asbjørn, Erling B, Erling D, Harald, Jan, Johnny, Leif, Roald, Rune, Svein B og Turid.   Det var 13 stk.

Treninga: For første gong denne hausten tok vi turen innover langs vatnet og besøkte Stampelsletta.  6 x 500m med start kvart 3.min var menyen.   Jan og Johnny tok kommandoen og var suverène i tet.  Bakover inntok Asbjørn, Leif og Kjell S dei neste plassane.  Gruppa lenger bak kom også godt frå dette.  Tidene i tet var 1.39-1.43-1.44-1.46-1.43-1.45.  Det er godkjent!

Ver og føre:  Fantastisk ver.  Vindstille, lettskya og 9 grader.  Flott å vere ute.

———————–

06.10.2012:

Kjekt å sjå fleire nye fjes på treninga i dag.  Vi var 14 stk. og det er bra.  I dag var desse her:  Anders, Dag, Erling B, Erling D,  Fredrik, Jan, Johnny, Kjell S, Magne, Leif,  Ola V, Rune, Svein Arne og Vidar.

Treninga:  Vi kopierte økta frå  14 dagar sidan.  1-2-3-2-1 min rundt Golfvegen.  I dag var det Ola som var sjef.  Han var først heile vegen, men det var tett rundt han.  Vidar var med på første draget.  Så var Johnny der på dei to neste.  Så kom Jan.  Men alle tre var innan 10m avstand heile tida.  Bak desse var Vidar sprekare enn på lenge og har no staka ut kursen – og den går kun ein veg: oppover!  Kjekt å sjå at 9-åringen Fredrik kjem seg rundt heile løypa og faktisk held følge med fleire av gubbane.

Ver og føre:  Ca. 8 grader, grått og litt vind frå vest.  Småsurt, men det merkar vi ikkje når vi er komen i stimen….

—————————

13.10.2012:

Det er haustferie-tid og mange er andre stadar og trenar.  Men, det kom likevel 12 stk. i dag, og vi kan ynskje velkommen ein ny gubbetrimmar:  Gyrid Øygard.  Ho er berre 11 år men held likevel eit nivå som fleire av våre eldre gubbar har problem med å halde.  Her er dagens namn:  Anders, Dag, Erling D, Gyrid, Jan, Kjell S, Kjell Ø, Leif, Roald, Rune, Turid og Vidar.

Treninga:  Sjefstrenaren var vekke, så assistent Rune tok over.  Han deligerte ansvaret vidare til Roald og igjen deligerte til Vidar.  Dermed var økta i dei beste hender.  Det vart 3 x 3 min intervallar rundt Golfvegen som var økta.  I dag sprang ein «feil» veg.  Kjell, Jan og i starten Vidar låg først.  Gyrid greidde seg godt..

Ver og føre:  Flott haustver, sol og kjølig – ca. 4 grader.  Flott dag i Jølster.

————————-

20.10.2012:

Sakte men sikkert kjem folk på plass etter ein hektisk sommar og haust.  I dag var Aase-Britt på plass, og jammen stakk Finn også innom.  Så hadde vi besøk av Steinset Junior – Erik Kristian.  Nokre av dei gamle travarane har rømt landet på såkalla treningsleir…. Vi reknar med at treningsutbyttet vert så som så, men at det gjer godt, det er sikkert!  Til slutt er det kjekt at Reidar er på beina igjen etter meniskoperasjonen i sommar.  Vi var 14 stk. i dag og her er namna:  Anders, Asbjørn, Dag, Erik Kristian, Finn, Jan, Johnny, Kjell, S, Magne, Leif, Reidar, Rune, Vidar og Aase-Britt.

Treninga:  På Bakkeslåttene var det 200m intervallar som var menyen.  Heile 16 stk. vart det og pausane låg i underkant av 1 min.  Vidar og Johnny tok teten først.  Så kom Erik Kristian opp og låg side om side med Johnny fram til nr. 12.  Då fekk Johnny føling med strekk-skaden og roa ned.  Finn, Reidar og Jan var dei nye i teten på slutten.  Mange sprang fort, så avstandane bakover var ikkje avskrekkande.  Ei god økt var det, sjølv om det garantèrt vert litt gangsperr i morgon.

Ver og føre:  Litt regn, ca 6 grader, men vindstille.  Det gjekk godt an å vere ute i dag.

——————

27.10.2012:

Huff og huff… Det vart vinter – så alt for tidleg.  Vi har fått 30 cm snø og kuldegrader… Frammøtet i dag var rekna med å vere lågt, då mange av gjengen er opptekne andre stader.  Men 10 stk. tok ansvar og fekk sine kryss på lista.  I dag var Anja Solheimsnes på besøk… Ho har vore med før og likar seg godt hos oss! Namna er:  Anders, Anja, Asbjørn, Erling B, Johnny, Kjell S, Magne, Leif, Rune og Aase-Britt.

Det var snøføre og småglatt på sørsida, men jammen fann vi ein stad med prima tilhøve – nemleg gangvegen i sentrum.  Her kunne vi i tillegg synes fram våre kapasitetar og lette løpssteg for allmuen…Økta var 5 x 500m drag frå Bøafeltet til Hotellet.  Johnny var ganske så suverèn på dei 3 første.  Då hadde Asbjørn fått gang på motoren og hengde seg på.  Det klarte han også nesten på den siste.  Lenger bak såg vi Leif og evigunge Kjjell S.  Dar-bak var i dag Rune, Anders og Erling.  Minussida i dag var at Magne fekk strekk i leggen alt på første draget… Det er uvandt frå den kanten!

Ver og føre:  Det var ca. 2 minusgrader og klarver.  Føret var overraskande bra.  Ein håpar likevel at vergudane let oss få ha det snøfritt ei stund til.

————————-

03.11.2012:

Våre bøner vart høyrde -snøen er vekk og for ein flott haustdag det vart!  I dag var det færre på plass enn vanleg, men vi klarte likevel 10 gode løparar.  Desse var:  Erik-Kristian, Finn, Johnny, Kjell S, Leif, Magne, Oddvin, Roald, Vidar og Aase-Britt.

Treninga:  Sjølv om det no er nesten mørkt når vi møtest, vart det likevel til at vi tok kursen til Golfvegen – truleg for siste i gong i år.  Litt smårusk i maskineriet for fleire, som måtte ta det roleg.  Vidar (dårleg legg), Magne (dårleg legg), Oddvin (Overtrena etter sydentur ??).    Resten gav full gass på 3 x 3 min intervallar.  Pausane låg på 2-2,5 min.  Johnny og Erik-K var like på den første.  Så tok Johnny neste for deretter å registrere at det var motsett på siste.  Finn var ein god nr. 3 heile vegen.    Vi håpar alle er friske og klare til vidare økter i haust.

Ver og føre:  Klarver, vindstille og ca. 4 grader.  Flott haustdag.

——————-

10.11.2012:

Vi held stand med to-sifra tal deltakarar, sjølv om vi endå ikkje er oppe mot gamle høgder.  I dag kom 11 stk. og dei var:  Anders, Asbjørn, Erling B, Johnny, Kjell S, Leif, Oddvin, Roald, Rune, Svein B, og Svein Å.

.Treninga:  I dag var Stampesletta areana for økta.  Her har vi vore mange gonger før og kjenner løypa.  Vi hadde denne serien:  1000-800-600-400-200m  Pausane var ca. 2min.  Johnny var einsam i tet med til dels solid leiing.  Leif og Roald hadde ein hard duell om å vere nr.2, der Leif tok det heim 3 gonger og Roald dei 2 andre.   Tidene i tet:  3.42-2.58-2.04-80-35.  Hardt var det – iallefall for nokre.

Ver og føre:  Vindstille ca. 4 + grader og fint haustver.  Ein fin kveld.

———————–

17.11.2012:

Ein veldig kjekk kveld, m.o.t. ver og føre, men også m.o.t. oppmøtet.  Mange gamle stjerner var på plass og der var heile 15 mann som møtte.   Kjekt å sjå Harald Klakegg igjen.  Flott at også Sveinung og Erlend Lien kom.  Så var Kjell Olav Førde her også .  Sistmende annonserte at treninga til neste års NM no er starta.  Her er namna:  Anders, Dag, Erlend, Erling B, Finn, Harald, Johnny, Kjell Olav, Kjell S, Leif, Oddvin,  Roald, Rune, Svein B, og Sveinung.

Treninga:  Nok ein gong var det Stampesletta som vart plassen.  Her var følgande økt gjennomført:  2×200-2×300-2×400-2×300-2x200m.  Pausar frå 1-1,5 min.  Johnny tok teten og fekk på 3.draget selskap av Kjell Olav.  Han fall tilbake, og det var Finn som var nærmast heilt til siste draget, så Erlend kom for fullt og var først.  Det var mørkt, så det er ikkje godt å seie kva som skjedde lenger bak, men ein la merke til at Oddvin plutseleg var oppe på 2.plass på nest siste draget.

Ver og føre:  Vindstille, opphald og ca. 5 + grader.  Flott springever!

————————

24.11.2012:

Det nærmar seg vinter, men vi er velsigna med flott haustver.  I dag kom 11 stk. til økta:  Anders, Asbjørn, Dag, Erling B, Finn, Johnny, Kjell Olav, Oddvin, Reidar,  Roald og Rune.

Treninga:  Nok ein gong var Stampesletta med omegn arèna.  I dag var det langintervall 5 x 1000m.  Start kvart 5.min.  Det betyr forholdsvis roleg tempo.  Johnny og Finn hadde teten heile vegen.  Kjell Olav var med på dei 2 første, så måtte han roe litt ned.  Asbjørn og Roald var då dei nærmast.  Tidene i tet låg mellom 3.56 og 4.09 med snitt på 4.04.

Ver og føre:  Vindstille, ca. 5 pluss grader og opphald.  Verkeleg flott kveld!

——————

01.12.2012:

Vi er i desember og vinteren er komen.  Er det for godt?  I kulden i dag møtte 13 tøffingar:  Dei var:  Anders, Dag, Erlend, Erik Kristian, Erling B, Johnny, Magne, Leif, Oddvin, Roald, Rune og Turid.

Treninga:  Det ikkje mykje snø, men småglatt likevel.  Etter ein oppvarmingsrunde ned på Einehojen tok vi oppatt til Jølvassbu Camping.  Der venta motbakke opp til Øvrebø Hytter.  Ca. 350m er det og det sprang vi 5 gonger.  Steinset Junior var først heile vegen.  Erlend og Johnny held godt følge på dei første, men på siste draget var det nærmare 20m bak til Johnny.  Kjell S imponerer med å ligge langt framme i gruppe 2 i starten.  Etterkvart fekk han selskap og både Magne, Dag og Leif der sistnemnde verkeleg gav gass på siste draget.

Ver og føre:  Ca. 7-8 kuldegrader og småsurt.  Heldigvis hadde Fluge`en grusa til oss, så vi hadde greitt feste i kveld.

————————–

08.12.2012:

Det stundar til joletid og folk har ymse å ordne.  Likevel stiller 11 pers til økta i dag.  Desse er:  Asbjørn, Anders,  Jan, Johnny, Kjell N, Kjell S, Leif, Oddvin, Rune, Turid og Aase-Britt.  Det er kjekt å sjå Jan og Kjell N er tilbake etter skadefråvær.  Spesielt Kjell N har vore ute i nesten eit halvt år.

Treninga:  Det er mørkt så vi fann det tryggast å halde oss på asfaltert veg.  Nok ein gong vart det sørsida og Stampesletta som var arena.  Det vart ei økt med (roleg) langintervall i dag:  2000-1500-1000-500m.  Pausane var frå 1-2 min.  Johnny og Kjell N låg i tet på dei 2 første.  Deretter fekk Johnny ei luke, men Kjell var ikkje langt unna.  Elles nådde både, Asbjørn, Kjell S og Aase-Britt fram til dei første i pausen.  Tidene i tet:  8.45-6.21-4.01-1.52.

Ver og føre:  Godt føre, vinstille og ca. 5 grader.  Fint å trene

———————

15.12.2012:

Ein vindfull laurdag møtte 10 stk. til treninga.   Dei heldige var:  Asbjørn, Anders, Dag, Johnny, Kjell N, Kjell S, Magne, Leif, Rune og Aase-Britt.

Treninga:  Ein skikkeleg hard og sur austavind var ein del av kulissane i dag.  Vi forsøkte først å gøyme oss vekk nede ved Bøafeltet, men der var føret umuleg så vi returnèrte til området ved Gjesthalla der vi fann fast dekke.  Det var den klassiske juleøkta som stod for tur der 20x200m skulle gjennomførast.  Pausane var i underkant av 1 min.  Til trass for at fleire i gjengen er litt delvis med leggstrekkar og andre vontar, kom alle velberga igjennom.  Johnny var åleine i tet stort sett heile vegen, med unntak av siste draget.  Kjell N og Magne hadde hand om dei neste plassane til ein nærma seg 15 stk.  Då kom både Dag, Asbjørn og Leif framover i feltet.  På siste draget sette Leif standarden med ein skikkeleg spurt og vann denne.   Ei god økt i vinden vart det men vi tok kjapt heimover for å finne ly bak garasjen til Rune.

Ver og føre:  Stort sett tørr asfalt på køyreveg – pulversnø på gangvegane.  Ca. 1 + grad og kraftig austavind.

————————-

22.12.2012:

Årets siste fellestrening var gjennomført med 10 frammøte.  Det var: Anders, Asbjørn, Finn, Johnny, Magne, Leif, Roald, Svein-Arne, Svein Å og Aase-Britt.  Endå fleire kom til julebordet, men det er ei heilt anna historie.

Treninga:  Vi tok det pent i dag.  Ein roleg tur til Jølstraholmen og oppatt gangvegen for nokre.  Andre tok ein kortare variant.

Ver og føre:  Skikkeleg sur austavind og ca. 2 kuldegrader (som virka som minst 10).

Oppsummering hausten 2012:  Vi har hatt 18 treningar og snitt-frammøtet er 12,0.  På det meste har vi vore 15 stk.  Nye gubbetrimmar dette semesteret:  Fredrik Sunde, Gyrid Øygard og Harald Klakegg.

Vel møtt til ny sesong laurdag 5. januar.