Onsdagstreningar 2010
06.01.2010:
Årets første onsdagstrening vart gjennomført i kveld. Desse møtte: Dag, Johnny, Kjell N og Magne.
Treninga: I gnistrande vinterføre vart det bakkeintervall opp Bjørkelia i kveld. 4 x 2min drag. Pausar i overkant av 1min. Når Ivar var vekk var feltet forholdsvis samla. Dag var eit stykke bak i starten, men kom som vanleg opp i rygget på resten etterkvart. Det er og blir tungt opp her.
Ver og føre: Som sagt gnistrande vinter. Ca. 13-14 kaldegrader langs elva. Litt midare oppover bakkane. Flott å vere ute!
—————————-
13.01.2010:
Nok ein flott vinterkveld og nok ein gong møter den harde kjerne: Dag, Ivar, Johnny, Kjell N og Magne.
Treninga: Langintervall i kveld. 2000-1500-1000-500. (Pausar frå 3-1,5min). Vi skulle ta det roleg, men det vart hardt nok likevel. Ivar var som venta først med Kjell som ein god nr.2. Feltet strekte seg godt ut, men det gjer ingen ting når vi har sånn kraftig stemme!!! ?? Ca-tider på Ivar: 7.45-5.50-3.38-1.45. Vi andre brukte like lang tid på våre meter….
Ver og føre: I kveld var det høveleg kaldt. «Kun» 10 grader. Vindstille og fint. Dette er greitt det….
———————-
20.01.2010:
Av ein eller anna grunn er vi sjelden fleire enn 5 stk. på onsdagane…I dag var vi – ja akkurat fem stk: Asbjørn, Ivar, Johnny, KjellN og Magne.
Treninga: Motbakkane i Bjørkelia venta. Igjen 4x2min drag med ca. 1min pause. Det gjekk tungt med dei fleste, men det må til. Ivar var først, men Kjell nærmar seg sakte men sikkert.
Ver og føre: Vinteren held stand. I kveld var det verkeleg flott, med -10 grader nede og nokre grader mindre lengst oppe.
————————
27.01.2010:
4 stk. på plass i dag: Asbjørn, Ivar, Kjell N og Magne. Med andre ord – omtrenst om vanleg.
Treninga: Ein «klassikar» i dag: Motbakkedrag i Indre Gjesdal. 4 dar nere – 1 til topps. Ivar var først alle gongene, men Kjell nærmar seg sakte men sikkert.
Ver og føre: Sjefstrenaren er i Barcelona, så det er ikkje godt å vite kor veret i Jølster, men eg vil tru ca. 4 grader minus og snøføre.
———————–
03.02.2010:
Dette var dagen då sjølv dei tøffaste gubbetrimmarane måtte gje tapt, med eitt unntak: Ivar-Andrè. Det var i kveld 22 kuldegrader!!!. Men, Ivar var på plass og køyrde faktisk igjennom ei intervalløkt.
Treninga: Roleg jogg inntil Helmen. Derfrå 3x500m innover og 2x500m heimatt.
Ver og føre: Gnistrande vinterføre med 22 kaldegrader.
———————
10.02.2010:
Vi kan registrere rekordframmøte på onsdagstreningane i vinter. 6 stk. på plass i kveld: Asbjørn, Dag, Ivar-A, Johnny, Kjell N og Magne.
Treninga: Lett snøfall gjorde det litt glatt, så redninga var nok ein gong motbakkane i Bjørkelia. 4x2min (1 min pause). Ivar var som venta først, men Kjell kjem nærmare og nærmare. Asbjørn la etterkvart beslag på 3.plassen.
Ver og føre: Vinteren held taket. I dag var det 8 – grader lett snøver og vindstille. Ok å vere ute..
——————-
17.02.2010:
I desse OL-tider er frammøtet venta å dale. I kveld var kun Asbjørn og Ivar på plass.
Treninga: Indre Gjesdal var arena nok ein gong. 5 x motbakkedrag – det siste til topps. Ivar var som venta først.
Ver og føre: Ca. 7 grader minus og fint ver. Litt småglat på den «mjølete» snøen.
————————
24.02.2010:
Det er tynt i rekkene, med eit hederleg unnatak: Ivar. Magne og Johnny, kanskje fleire trena tidlegare på dag for å delta på ulike ting seinare på kvelden.
Treninga: Ivar fann bakken «vår» i inste Gjesdalsvegen. Her sprang han opp fleire gonger – kun i eige selskap. Men, heretter vert vi nok fleire…, så dette skal nok bli bra.
Ver o g føre: Litt skya vindstille. Ca. 8 minusgrader. Ein fin vinterkveld.
——————
03.03.2010:
Sjefstrenaren hadde funne ut at gruppa skulle til pers på mølla hos Erling i kveld. Så Magne, Ivar og Johnny reiste dit. Kjell N, som ikkje hadde sett meldinga om dette, fann ingen andre, og reiste heimatt på si eiga mølle.
Nok om det. Det var sterke resultat for 2 av karane. På 10min sprang Magne 2560m og Ivar 2660m. Johnny fekk problemer etter ca. 8min og stoppa. Han hadde då sprunge ca. 2000m. Her må det prøvast igjen!
——————
10.03.2010:
Frammøtet i dag var omtrent som vanleg: 5 stk: Dag, Ivar, Johnny, Kjell N og Magne.
Treninga: Til vår store glede var det snøfritt og flotte forhold på sørsida. Skikkeleg kjekt å kjenne asfast under skoa etter så mange veker og månader med snø og vinter. Det var ein pyramide-intervall i dag: 200-400-600-800-600-400-200m med pausar frå 1-2,5 min. Ivar og Kjell pressa kvarandre i teten, men Ivar var først på alle drag. Ei hard økt som sat i kroppen!
Ver og føre: Ca. 2+ grader, vindstille og gode løpsforhold.
——————————
17.03.2010:
Nok ein gong 5 stk. på treninga: Asbjørn, Ivar, Johnny, Kjell N og Magne.
Treninga: Sjølv om det såg skummelt ut på morgonkvisten var det snøfritt og fint på sørsida. I dag sette vi opp farten og ned med antal intervallar. Det nærmar seg nemleg sesong og om 6 veker skal vi ha god form. Menyen i dag 2 x 1000m. Pause 5min. Dette vart fælt, då både pust og mjølkesyre melde seg i stort monn. Ivar viser god form og var først begge gonger. Første draget var Kjell ganske nær, men på siste draget var han klart føre. Tidene hans var 3.18 og 3.22. Det er godkjent.
Ver og føre: Ca. 1 grad, vindstille og lett regn. Flott å springe.
——————————-
24.03.2010:
Siste kvelden i mørket for i vinter! Ein litt småsur kveld var det, men som vanleg er det ikkje noko problem når ein først er komne på plass. I kveld var «kun» 4 gode mann på plass: Dag, Ivar, Kjell N, og Magne.
Treninga: Etter å ha småglippa oppover her fleire gonger i vinter, skulle indre Gjesdalsveg prøvast på godt føre. 5 drag vart det der siste draget som vanleg gjekk til topps. Det blir rapportert om god fart og at Ivar var først heile vegen.
Ver og føre: Litt vind og regn, men heilt ok å springe.
————————
07.04.2010:
Etter ei vel overstått påske var det igjen klart for onsdagstreninga. I dag var her ein ny onsdagstrimmar denne seseongen: Erlend Lien. Her er alle: Asbjørn, Dag, Erlend, Ivar, Kjell N og Magne. Det vart faktisk heile 6 stk. det.
Treninga: Ein søker meir og meir konkurransefart. I dag var det 2 x 1000m der pausen var ca. 3,5 min. Dette føregjekk på Bakkeslåttene. Ivar var sikker i tet med 3.14 og 3.08. Det var gode tider! Bakover følgde Kjell og Magne.
Ver og føre: Lett regn og ca. 5 grader var det i dag. Ok å springe.
—————————————-
14.04.2010:
Godt frammøte til onsdag å vere. 6 stk. på plass i kveld: Asbjørn, Dag, Erlend, Johnny, Kjell N og Magne.
Treninga: Vi innvia Golfvegen i kveld. 3 x 2min med 2 min pause var økta. Ein starta ved inngangen til golfvegen og hadde som mål å prøve å komme rundt på 6 min. Det mangla Kjell berre 50m på å klare. Johnny klarte å sånn nokolunde å halde følgje på dei 2 første, men på siste draget vart det langt fram. Magne nærma seg utover økta, men hadde 3.plassen heile vegen.
Ver og føre: Ein fin kveld med 12 grader overskya og vindstille.
————————–
21.04.2010:
Nok ein gong var 6 stk. på plass. Desse var: Asbjørn, Dag, Erlend, Johnny, Ivar og Magne. Med andre ord – nesten same gjengen som sist onsdag.
Treninga: Etter gårsdagens testløp var det litt støle bein her og der. Motbakkar kan då vere høveleg og det vart det. 5 x 300m ved Halvar Flatabø. Pausar ca. 3min. Det vart gitt gass frå første drag av og Ivar var først alt på den første. Dei 3 første var Johnny i hælane på han, men så kom først Magne og så Erlend opp og gav han pes. Det er bra!
Ver og føre: Klarver, vindstille og ca. 3 grader. Hadde vore kjekt med nokre plussgrader meir no.
——————————-
19.05.2010:
Litt slapp oppfølging av blogg-admin her på ei stund. Det har vore trena jamnt og trutt berre så det er sagt. I kveld var desse på plass klokka 19:30: Asbjørn, Dag, Ivar, Johnny (Sykkel), Kjell N. og Magne (Sykkel).
Treninga for løparane: Det vart jogga ut i grustaket i Kvammen for nok ein gong sjå kven som var best innatt til brua ved Jølstraholmen. I kveld gjekk det fortare enn nokon gong… Berre sjå her: Ivar 7.12, Kjell N 7.25, Asbjørn 8.20 og Dag, som er skada, jogga inn til 9.48.
Ver og føre: Flott ver.. 15 grader og sol.
—————————-
26.05.2010:
Lågt frammøte i dag, men heider til dei som var her: Ivar og Asbjørn. Sykkelisten Magne var også innom.
Treninga: 6 x 300m bakkeløp ved H. Flatabø i dag. Ivar var først, men rapporterer det gjekk litt tungt.
Ver og føre: Ca. 10 grader og lett vestavind. Ok det, men litt meir varme hadde gjort seg.
—————————
02.06.2010:
Dagens trening vart eit reint familieanliggande. I regnveret var det kun Johnny og Magne som møtte.
Treninga: Etter ein forholdsvis roleg tur ut til grustaket i Kvammen, vart klokka starta for å måle tida tilbake til Kyrkjebakken. Magne var sterkast og brukte 18:45 på dette. Johnny, som er litt delvis med knetrøbbel, brukte 19:15.
Ver og føre: Det regna i periodar kraftig. Temperaturmålaren synte ca. 10 grader, og då det var vinstille var det egentleg heilt greitt.
——————————-
09.06.2010:
Solheimsnes`ane er ivrige å trene. I dag var det «kun» 2 av desse på plass.
Trening: Ein tok vegen innover sørsida (lenge sidan ein har vore her). 4x 1000m med start kvart 5.min var økta. Det var litt tung motvind innover, men det fekk ein igjen tilbake. Det gjekk ikkje så veldig fort – rundt 4 min på dei 3 første medan ein på den siste var ned på 3.44. Greitt nok – her skal antal reps aukast utover.
Ver og føre: Dette er ein av desse fantastiske sommarkveldane i Jølster. Ca. 18 grader sol og greier. Supert!
—————————————
16.06.2010:
I dag var frammøtet betre ja…. 2 x Lien (Dag og Erlend) 2 x Solheimsnes (Magne og Johnny) + Ivar-A.
Treninga: Tema for tida er grunntrening – med andre ord. Mange meter og lågare fart. I dag var det 2000m – 1500m – 1000m – 500m (2,5 – 2 – 1min pause). Ivar langt føre Magne og Johnny og hadde desse tidene: 7.15-5.19-3.24-1.35. Ei god økt!
Ver og føre: Perfekt springever. Vindstille, overskya og 13 grader.
——————————
30.06.2010:
Etter å ha stått over treninga på jonsokafta, var vi ei gang igjen i kveld. Vi var denne gong kun Ivar og Magne.
Treninga: Det var langintervall: 3x1000m og 1x500m. Pause 2,5 min. Ivar var som venta først og hadde desse tidene: 3.30-3.25-3.25 og 1.34. Magne som no er nesten 100% sykkelist har opparbeidd seg god styrke no, og var nok nærmare enn før.
Ver og føre: Det var både bra ver og bra føre.
—————————-
07.07.2010:
Frammøtet på onsdagane er heller labert for tida, men det vert trena både her og der elles. I kveld var det igjen Ivar og Magne som møtte.
Treninga: Lenge sidan ein har sprunge rundt Golfvegen. I kveld vart det sprunge 4x2min her. Som vanleg triveleg å vere her. Eg reknar med at Ivar var først, sjølv om rapporten ikkje seier noko om det .
Ver og føre: Flott ver i dag. Ca. 16 grader og vindstille.
04.08.2010:
Etter litt sommarpause var gubbane igjen i sving med aktivitet på onsdagane. I dag var det treninsstemne i Førde og her gjorde fleire sine saker bra. Her er resultata:
100m: Sverre 15.27
Oddvin 16.08
200m: Oddvin 32.31
800m: Ivar 2.22.67
Kjell N 2.23.11
Johnny 2.25.20
Desseverre fekk Sverre ein lyskestrekk og det blinkar no eit «blått lys» for hans NM-start. Korleis går dette med omsyn til stafettlaget skal tru??
—————————-
18.08.2010:
Ingen grunn til å kvile på laurbæren. I dag var vi i gong igjen. Og vi var denne gongen: Ivar, Johnny og Kjell N.
Treninga: «Sommarslitet 2010 har vore lansert tidlegare i sommar. Nokre av gubbane har alt prøvd. I kveld var det det som var økta. Ivar og Kjell åpna hardt og heldt omtrent heilt opp. Ivar var først (20.41), Kjell deretter (22.14) og til slutt Johnny (25.10)
Ver og føre: Fantastisk ver og føre for tida. I kveld var det ca. 20 grader og vindstille. M.a.o max!!!
——————————
25.08.2010;
3 stk. på plass i dag og: Asbjørn, Ivar og Johnny.
Treninga: For at beina ikkje skal gløyme asfalten fann vi ut at intervallar på Stampesletta måtte til i dag. 6 x 500m (start kvart 3.min). Ivar var godt føre. Jamne tider mellom 1.36 og 1.39. Johnny låg 30-40m bak og Asbjørn like bak der. Sjølv om vi var litt «slappe» når vi starta, vart vi kjekkare etter kvart.
Ver og føre: Ca. 10 grader og lett regn i dag. Med andre ord god gammal sommar….
———————-
07.09.2010:
Også i dag var 3 tøffingar på plass ved Gjesthalla kl. 19:30. Det var Asbjørn, Kjell N. og Ivar.
Treninga: Det vart motbakke i dag. 5 drag opp til svingen ved Skihytta i Bjørkelia. Ivar var først på alle med Kjell like bak.
Ver og føre: Flott… Sol, vindstille og ca. 18 grader.
——————————-
15.09.2010:
Dårleg frammøte for tida. Folk er «over alle haugar»…. Såleis var Ivar åleine i kveld.
Treninga: Ivar køyrde 5 x 500m i kveld. Snittid 1.38 der den siste var best på 1.35.
Ver og føre: Litt småkjøleg er det blitt. 9 grader og vindstille.
————————–
22.09.2010:
I dag var det Johnny som var åleine på trening. Men ein veit at det vert trena i det dulde av mange, så vi møtest nok igjen.
Treninga: Stiv i beina etter ei hard økt dagen før, vart det ei sånn halvhard økt i dag: 4 x 1000m (Pause 1 min). Tidene skulle ligge på 4.20 med det vart litt fortare. Greitt nok…
Ver og føre: Lett regn – vindstille og ca. 8 grader.
29.09.2010:
Endå er det spinkelt på denne økta. To mann idag: Ivar og Johnny.
Treninga: Langintervall 4 x 1000m der vi skulle prøve å halde igjen, og ikkje køyre max. Eg er ikkje sikker på om vi fekk det heilt til. Ivar hadde desse tidene: 3.38-3.38-3.35-3.29. Pause var ca. 1min. Johnny var 80-90m bak = 20 sek.
Ver og føre: Ein klar litt kald haustkveld. Fint å vere ute.
————————–
13.10.2010:
Ein småsur kveld. Mørkt er det vorte og det småregna. Huff…no går vi inn i ei tyngre tid. Frammøtet er heller ikkje mykje å skryte av. Kun Johnny møtte i kveld. Men, han gjennomførte ei solid økt.
Treninga: 10 x 500m intervall (1 min.pause) var økta. Planen var å ikkje køyre for fullt og sånn vart det. Tidene låg mellom 1.56 og 2.00. Det gjorde godt!
Ver og føre: Yr, ca. 5 grader og vindstille. Greitt når ein først er i gang.
—————————-
20.10.2010:
God plass på treningane for tida. Johnny var i dag einaste frammøtte igjen. Lurer på om de andre trenar for tida.
Treninga: Det var glatt i kveld – vinteren er komen. Økta vart 5 x 2 min bakkeløp i Bjørklia. Det gjekk seint og tungt var det, men som vanleg var godfølesen der etter treninga.
Ver og føre: 3 minusgrader, glatt og månelys. Vinteren kom brått og brutalt.
——————-
27.10.2010:
I eit sørgjeleg grisever var det kun Ivar som kom på treninga i kveld. Han gjennomførte ei god økt med 8 x 500m med korte pausar. Start og målgang med Gjesdal Skule.
————————————
03.11.2010:
Igjen var det kun Ivar som møtte, og veret var om muleg endå verre enn førre onsdag.
Etter ein oppvarmingsrunde inn i Kjelsneset vart det 5 x bakkeintervallar i Gjesdalsvegen i dag.
Ver og føre: Det regna kraftig og termperaturen var sånn ca. 2 + grader.
————————-
10.11.2010:
Ein kraftig og gledeleg oppgang på frammøtet i kveld. 3 stk. kom – dvs. 300% auke i høve til det som har vore siste vekene., Det var Ivar, Johnny og Magne som kom i dag.
Treninga: Motbakkeintervallar i Bjørkelia er «noko herk», men det trengs. Som vanleg var det 5 x 2 min drag med 1 min pause. Ivar var som venta først, medan Magne og Johnny stort sett heldt følgje lenger bak. Magne rapporterte om «råm» hals og prøvde å springe utan å puste så tung, men det er som ein vil vite ei umuleg oppgåve akkurat på denne øvinga.
Ver og føre: Det var kaldt og klårt. Ca. -8-9 grader og vindstille. Men, som vanleg går det greitt når ein først har fått opp dampen.
——————
17.11.2010:
Igjen spinkelt frammøte, då det kun var Ivar og Johnny som var på plass.
Det var småglattt og kaldt så det vart motbakkar igjen. I Bjørkelia køyrde vi denne økta: 1-2-3-2-1 min drag med pauser på 1-1,5 min. Det var tungt som vanleg og Ivar som venta først, men ikkje lenger unna enn at Johnny klarte å rope fram for kvart drag.
Ver og føre: ca- 6 -grader klårt og vindstille. Ein fin vinterkveld.
—————————
24.11.2010:
I dag var vi 3 stk. på plass… Dvs Magne og Johnny kom først, og så kom Ivar nokre minuttar for seint og fann aldri dei to første.
Magne og Johnny tok kursen innover sørsida og gjennomførte der 5 x 1000m intervallar m.1 min pause. Dei skulle gå roleg og det gjorde det. Farten låg på 4.20-4.25. Det gjekk greitt og her kunne ein ha sprunge fleire. Ivar opererte på Bakkeslåttene og sprang her 6 x 400m intervall.
Ver og føre: Det er kaldt. Langs vatnet var det ca. 8 kaldegrader, medan det langs elva var 4-5 grader kaldare.
——————————–
01.12.2010:
Vi er runda inn i julemånaden og det er kaldt som søren…. I dag var det kun Ivar som tok sjansen på å prøve skoa ute.
Han tok turen innover sørsida og gjennomførte ei grei økt med motbakkeløp i Gjesdalsvegen.
Ca. 13 minus og klart ver.
———————————
08.12.2010:
Det var Magne og Johnny som møtte denne fine vinterkvelden.
På sørsida var det i kveld langintervall på menyen: 6x1000m (Pause ca. 1min). Ein tok det roleg så farten låg mellom 4.18 og 4.25. Brødrene heldt følge heile vegen, utan at det vart så mykje prat likevel.
Ein kald vinterkveld igjen. -9 grader og vindstille. Snø og isføre var det, men det var greitt å springe.
———————–
15.12.2010:
I kveld var den harde kjerne på plass igjen – altså Ivar, Johnny og Magne.
Det går i 1000m – intervallar for tida, så også i dag. Heile 7 stk. vart det og pausane var frå 1-1,5 min. Det skulle gå roleg for seg, men det hadde Ivar problemer med, då han la i veg i 3.45 fart. Magne og Johnny låg eit godt stykke bak i ca. 4.20-fart. Etter 5 drag måtte Ivar litt ned i fart, men ikkje meir enn at snittet vart rett så bra.
Ver og føre: Det var faktisk regn i dag!! ca. 0 grader og føret var brukbart, om enn litt ujamnt.
——————————
22.12.2010:
Snart jul, og i dag var det kun Johnny som slapp fri førebuingane til den store høgtida.
Motbakkeintervallar i Bjørkelia var menyen. Det var glatt og laust så det gjekk smått oppover. Likevel 5 x 2 min drag m. 1 min pause vart gjennomført. Tungt som sagt, og då ingen andre var med, tok han vel ikkje ut alt.
Ver og føre: Ca. -9 grader lett snødrev og glatt.
OBS! NESTE ÅR ER DESSE TRENINGANE FLYTTA TIL TORSDAGANE. FRAMMØTE KL. 19:30 v.GJESTHALLA: