Gubbe-blogg

Måndagar kl. 16:15 er det trening på Førde Stadion.

07.06.2010:
Ei historisk hending for vår organisasjon. Første fellestrening på bane. Flott frammøte var det også då heile 6 stk. var på plass: Anders, Ivar-A, Johnny, Oddvin, Svein-Arne og Sverre.
Treninga: Klok av skade kommanderte sjefstrenar ei forholdsvis roleg økt idag. Har må ein bli vand med dekket. Men, litt etter litt skal vi skru opp fart og mengde.
Ver og føre: Flott sommarver. 18 grader og sol.

————————–
14.06.2010:
Andre baneøkta denne sommaren. I dag var vi 4 stk. på plass: Anders, Johnny, Kjell N. og Oddvin.

Treninga: Framleis er det snakk om tilvenning, så det vart ikkje så mange meterane på tartandekket. Økta i dag var 3 x400m med 400m gang i mellom. Johnny var først på alle og hadde desse tidene: 69.1-67.3-66.8. Kjell var like bak medan 60åringane fekk lov å stoppe på 300m mot å love at dei skulle springe fort!!!

Ver og føre: Flott sommardag. Ca. 15 grader lett vind og sol.

—————————-
21.06.2010:
Jau, det svingar av Gubbetrimmens Baneavdeling. I dag var 6 stk. som møtte på FØrde Stadion: Dag, Ivar-A, Johnny, Kjell N, Oddvin og Sverre.

Treninga: I dag vart det temmeleg hard økt: 600m – 300m – 300m – 200m. Pausane var 400m roleg gang. Tidene i tet var: 1.45 (Kjell), 47.6 (Johnny) 48.5 (Johnny) 30.4 (Johnny). Etter dette hadde dei fleste fått nok. Ei god økt som kjennes godt utover kvelden. Eg trur dette skal bli bra til NM i Florø.

Ver og føre: Flot sommarver. Sol, litt vind og ca. 19 grader. Jau, dette går an…
—————————–
28.06.2010:
Ja, dette vert betre og betre. Både frammøte og farten på bana er stigande. I dag kom det heile 7 stk. på treninga: Anders, Dag, Erlend, Ivar-A, Johnny, Kjell N og Oddvin.

Treninga: Ei av dei verkeleg tøffe øktene vart gjennomført i dag: 6 x 300m (Pause 2.5-3min). Farten i tet låg på 50 og der framme var først Ivar og Johnny, inntil den siste då Erlend gav full gass på siste 100m og vann. Bakover i feltet måtte Anders og Oddvin stå av eit par av draga, men heldt god fart når dei var i sving. Dag åpna litt seint, men sprang fortare og fortare utover i økta. Det var mange slitne gubbar å sjå etterpå, men etter nokre minutt var alle sånn nokolunde i orden igjen.

Ver og føre: Overskya, vindstille og ca. 17 grader. Flott å vere på Førde Stadion i dag.

————————

05.07.2010:

Vi er no runda inn i den store feriemånaden, men trenast skal det fordi.  I dag var det ein del forventa forfall men Anders og Ivar var på plass i dag.  Dvs. Sverre var der også, men han hadde ikkje sett nokon andre, så no er underteikna litt i tvil her??

Treninga (Anders og Ivar):  Ivar sprang 4x400m på desse tidene:  72-71-71-70.  Anders stoppa etter 300m.

Ver og føre:  Ca. 14 grader og regn.  Med det hadde ein si første baneøkt på våt bane.  Det kan vere ei utfordring i sko utan piggar.

—————————

12.07.2010:

Ein grei gjeng på plass på Førde Stadon i dag:  Anders, Ivar, Johnny og Svein Arne.

Treninga:  Ivar hadde varma kraftig opp, då han kom på bana etter å ha sprunge 11 km langtur.   Ein skulle dermed tru at det meste av kreftene var vekk, men den gong ei.   Johnny klaga også over litt «grus» i maskineriet, men det kom seg etterkvart.  Økta varf 500-400-300-200m med 1 runde gang i mellom.  Tidene i tet:  1.28, 67, 48, 30.  Det var Johnny som var først på alle med unntak av nr.2 – der Ivar var først.  Bakover i feltet ser Anders betre og betre ut,  og på siste draget var både Svein Arne og han nede på 33.

Ver og føre:  Ca. 16 grader, sol og flott på stadion.

————————

19.07.2010:

Mange av oss held koken.  I dag var desse på plass:  Anders, Ivar, Johnny, Oddvin, Svein-Arne og Sverre.

Treninga:  Ei ganske hard økt vart det – sjølv om det kan sjå greitt ut.  8x200m (Pause 200m gang).  Farten i tet var god heile tida.  Mellom 30 og 31 sek.  Johnny var først på dei fleste, men på siste draget var det slutt, og då var Ivar der med ein gong og vann.  Lenger bak var det også bra fart, der Oddvin synte gode takter med fleire løp på 33 sek.  Anders var også i støtet, men fekk dessverre ein lårstrekk på siste draget.  Får håpe dette er fort over.

Ver og føre:  18 grader lite vind og lettskya ver.  Flott å vere på stadion i dag.

——————————

26.07.2010:

Frammøte var igjen godt:  Desse kom i dag:  Kjell, Jan, Johnny, Oddvin og Sverre.  I tillegg så kom Ivar litt etter oss andre, men han såg vi ikkje….

Det synte seg at det var seriekamp i fotball på Førde Stadion akkurat i dag.  Litt nedtur for oss som hadde sett fram til tartan under skoa.  Men, vi let oss ikkje knekke av det.  Vi reiste inn i Angedalen og fann oss ein 500m vi kunne teste oss på.  Slik gjekk det:  Johnny (1.22), Jan (1.23) Kjell (1.24).   Oddvin sprang første halvdel og Sverre køyrde eige opplegg.  Det som ikkje var så bra var at Kjell greidde å springe på seg ein lårstrekk då vi skulle ta ein 200m i lag med Oddvin.  Veldig synd, og ein kan ikkje anna enn å håpe at dette ikkje er så ille som for Anders sitt vedkommande.  Det tynnes ut i rekkene….

Ver og føre:  Igjen ein flott sommardag.  Ca. 20 grader og lett vestavind.

———————————-

02.08.2010:

Veteran-NM nærmar seg med stormskritt.  I dag var 5 mann på plass for å finpusse formen.  Det var Ivar, Kjell N, Oddvin, Jan og Sverre.

Sverre og Oddvin hadde spesialtrening på starting og andre ting som har med sprint å gjere.  Dei 3 ander ville teste formen med ein 600m.  Her er resultata:  Jan (|1.43), Ivar (1.44) og Kjell (1.47).  Imponerande av Jan å slå desse to «sluggerane».

Ver og føre:  Ca. 15 grader og lettskya.  Ok å ver å trene i….

—————————

09.08.2010:

Siste måndagsøkta før sommarens store mål.  I dag var desse her:  Kjell N, Jan, Ivar, Oddvin og Johnny.

Gjengen delte seg i 2 der Jan og Oddvin drilla start og sprint, medan dei andre køyrde testløp på 600m.  Her er resultata frå det:  Johnny (1.40.7),  Kjell (1.41), Ivar (1.42).  Dette var oppløftande og viser at formen nærmar seg.

Ver og føre:  Sommar og sol.  ca. 20 grader og nærmast vindstille.