Banetrening 2013.
03.06.2013:
Då er vi i gang igjen med denne type trening. I flott ver på stadion møtte desse: Jan, Johnny, Kjell S og Sadik.
Økta var slik: 3 runder i 90sek fart – 2 runder i 80 sek. fart – 1 runde i 70 sek. fart. 400m gangpause mellom. Vi klarte litt betre enn skjema heile vegen: 4.27 – 2.39 – 67. Sadik sprang alle svingar i bane 2 – utan at han vart synleg trøtt av den grunn. Han har mykje å gå på! Elles låg vi andre sånn nokolunde samla.
Ver: 17 grader – sol og lett vind frå sørvest. Flott!
————————————-
10.06.2013:
I dag var vi 4 mann på plass: Erlend, Johnny, Kjell N og Sadik. Som ein ser her er plass til fleire, så det er berre å møte opp.
Treninga: Vi prøve framleis å auke kondisjonen vha lange intervallar, så får farten komme seinare. I dag vart det denne økta: 3 x 1000m med 400m gangpause. Tider: 3.30-3.32-3.32. Og dei tidene var det Sadik og Johnny som klarte. Kjell og Erlend var med på dei 2 første, men så vart det tungt og dei måtte stoppe etter 600m på siste draget. Uansett dette var økt som kjendest.
Ver og føre: Plutseleg var det sommarver… 22 grader og solgangsbris frå nordvest. Flott!
—————————————-
18.06.2013:
Vi held på. I dag 4 stk. Jan, Johnny, Kjell og Sadik. Men som før sagt: Her er plass til fleire!
Treninga: Ein klassikar vart gjennomført i dag: 4x400m (pause 400m gang). Det vart som vanleg sure bein og hardt, men det gjer nok godt. Tidene i tet var: 68.2-67.5-70.5-69.1. I tet var Sadik med Johnny og Jan like ved.
Ver og føre: 19 grader og lettskya. Fine greie…
—————————————–
24.06.2013:
I dag var vi kun 2 stk. Johnny og Sadik.
Treninga: Økta i dag: 8 x 400m (start kvart 3.min). Vi starta på 79, så vart det 77-77-76-76, så måtte Johnny stoppe då den gamle lårstrekken kjendest. Sadik fekk så køyre sitt eige løp og dermed vart det 73-72-70 på dei siste tre. Då var også han sliten!
Ver og føre: Overskya, vindstille og ca. 16 grader. Flott!
—————————————-
15.07.2013:
Etter ein pause grunna ferie etc. var vi igjen i gang att på bana i Førde. I dag var vi 4 stk: Jan, Johnny, Kjell og Sadik.
Treninga: Ei god klassisk baneøkt «Bogstad–øklta»: 4 x 400m med 400m gangpause mellom draga. Sadik var som venta best. Bak han var det Johnny som var nærmast. Jan hang godt med dei 2 første, men måtte så sleppe. Kjell var ikkje heilt der han ynskjer å vere og var nærmare 30m etter på dei to siste. Tidene i tet: 67-68-67-65. Johnny hadde denne serien: 68.7 – 69.4 – 68.8-68.4.
Ver og føre: Opphaldsver ca. 13 grader og litt vind frå nordvest.
———————
05.08.2013:
Etter nokre veker med lite eller ingen treningar hadde Kjell N og Johnny ein siste test før NM. Det var 600m. Tidene blei: Johnny 1.42.7 Kjell 1.47.3. Tja… Det er vel som venta etter den litt trøbblete oppkøyringa og indikerer at ein nok ikkje kan forvente topptider. Tvi-Tvi!