Treningar 2025
04.01.2025:
Då er Gubbetrimmen i gang med nok eit år, og litt etter kor ein reknar det, er dette vårt 46.år (!!) Ein fin gjeng møtte i dag, der vi kunne ynskje ein ny gubbe velkommen: Det er Jan Erik Øygard. Ein kar med Jølster-anar og som har «innvandra» til Berg, der han har kjøpt seg gard og held på å ruste opp hus og tun. Elles var det kjekt å sjå Henning Hellebust tilbake etter eitt års fråvær. Då var manntalet slik: Asbjørn, Henning, Jan, Jan Erik, Johnny, Jostein, Kjell Otto, KjellN, Leif, Roald, Rune, SveinÅ og Turid (gangar).
Treninga: Det er snøføre og vanskeleg å finn stadar med godt feste. Etter ein tur utover gangvegen til Einehojen snudde vi innatt for intervallar i Årset-bakkane. 6 stk. der den som kom lengst var Jan med sine ca. 340m. Vidare bakover fann vi Jostein, Kjell Otto og Johnny. Jan Erik og Henning var ikkje langt bak der igjen.
Ver og føre: Litt vanskeleg føre med mjølsnø, så farten vart ikkje all verden. Men hjarte/lunge fekk no køyrt seg.
———————————————————
11.01.2025:
———————————————————
18.01.2025:
Stort oppmøte i dag då 17. stk. møtte: Her er namna: Asbjørn, Henning, Jan, Johnny, Jostein, Kjellaug, Kjell Olav, Kjell Otto, KjellN, Leif, Roald, Rune, Siv, SveinÅ og 3 til (!).
Vi gjennomførte ei klassisk økt: 6x500m frå Bøafeltet til Hotellet. Joggepause tilbake. Kjell Olav tok kommandoen med Jan i hælane. Vidare bakover var Trond, Johnny, Kjell Otto og Jostein. Først Kjell Olav, så KjellN stod av etter nokre drag, då det lugga i musklaturen her og der. Tidene i tet låg på ca. 1.55, men på siste draget smelte Jan til med 1.47 og då var Trond heilt i hælane på han.
Ver og føre: Flotte forhold med snøfri gangveg og vindstille.
——————————————–
LITE INFO PÅ EI STUND – DETTE SKAL VI FÅ PÅ PLASS…
———————————————
22.02.2025:
Nok ein fin laurdag med «vårver». I dag møtte desse Asbjørn, Finn, Gry, Jan, Johnny, KjellN, Leif, Magne, Osmund, Roald, Rune, Siv, Svein og Aase-Britt.
I dag var det sørsida og området rundt «Stampesletta» som vart valgt. Her sprang vi dette: 2×1000 + 4x500m (Pausar 1,5min). I dag var det litt «styr» i teten. Finn, sjølvaste sjefen for idretten i Jølster, synte at han verkeleg har fått ei formheving og la seg heilt i tet. Og her fann i i starten Jan, Finn, Osmund, Svein og Johnny. 4.04 og 3.59 var tidene på 1000-meterane. Resten gjekk unna slik: 1.55-1.54.1.51.1.48. Jan og Osmund kjempa der framme.
Ver og føre: Ganske uvanleg at vi har slikt flott ver for løp i februar.
***************************************************************************
30.08.2025:
Ja, som ein vil sjå vart det blogga lite i vår. Referenten må å ha vore slapp, fråværande eller begge deler… !!!. Uansett lat oss prøve på igjen.
Det var ein sterk gjeng som møtte trass i godver og andre unnskyldningar for å finne på andre ting. 13 stk. var talet og her er namna: Dag, Jan, Johnny, Jostein, Kjellaug, Kjell Otto, Kjetil, Leif, Magne, Roald, Rune, Svein og Turid (gangar).
Det var nesten 20 +grader, vindstille og lettskya. Ein nydeleg dag å besøke «Stampesletta». Det knirka og knaka i gamal «rust» når gjengen seig innover sørsida. Men, då oppvarming og stigningsløpa var gjort var vi som vanleg klar. Økta i dag var slik: 200-300-400-500-400-300-200m (Pausar 1-1,5 min). Førsteplassen var opptatt i dag. Der låg Jan. Men, bak han var det meir variert. Jostein var som regel nr.2, men etterkvart kom også Johnny framover og trua i lag med Kjetil og Svein. Farten i tet låg rundt 4min/km, noko som må vere greit for ein så vaksen gjeng. Kjekt var det iallefall å komme i gang igjen.
Ver og føre: Rett og slett strålande 🙂
———————————-
06.09.2025:
Rapport kjem.
————————————
13.09.2025:
På ein strålande laurdag med «shortsføre» møtte 12 gubbar til økta ved Grønfur Garasje. Det var desse: Dag, Johnny, Jostein, Kjellaug, Kjetil, Leif, Magne, Roald, Rune, Svein og Torje. Det var 11… Kven var den 12. ?
Vi tok oss innover til området ved Kjelsneset og Hamar. Her hadde sjefstrenaren denne menyen til folket: 1000-800-600-400-200m intervall. Pausane var frå 2-1,5min. I dag var det ingen tvil: Torje var «sjef». Han var først på alle, og spesielt i starten var det veldig langt bak til dei neste. Men, på slutten yppa nokre seg. Tidene i tet var omtrent som dette: 3.45-3.04-2.12-1.23-37. Det var som venta bra strekk i feltet, men alle gav sitt og alle kom velberga heimatt.
Ver og føre: Sol, ca. 19 grader og nesten vindstille. Sommar endå altså.
————————————-
20.09.2025:
I dag møtte 10 stk. til økta. Det var desse: Asbjørn, Dag, Erling, Finn, Johnny, Kjell Otto, Leif, Osmund, Roald og Rune.
For første gong i haust vart Bakkeslåttene besøkt. Her vart det sprunge 7x500m intervall med 1,5min pause. Osmund, som seier han ikkje omtrent har sprunge på 2 mnd, held likevel såpass godt nivå at han var første på alle strekka. I dag var det den såkalla «red group» synleg. Der låg Kjell Otto, Johnny og Finn. Bak desse var vel Leif den som låg lengst framme. Tidene i tet var slik: 2.09-2.05-2.04-2.05-2.05-2.02-1.58.
Ver og føre: Opphaldsver, vind frå vest og ca. 14 grader. Ganske ok.