Gubbe-blogg

04.01.2024:
Godt nyttår og velkommen til nytt treningsår! Ja, då var jula over og kvardagen er over oss. Det er sikert like greitt. I dag var vi heller få, kaldt og glatt som det var. Her er namna: Håvard, Johnny, KjellØ, Magne-Geir, Torbjørn og VegardO.

Det var kortvarianten av intervall som gjaldt i tunnelen i dag. 2x10x170m. Vegard var som venta i ein klasse for seg sjølv, yngst som han er. Han låg jamt på 31-32 sek, før han på siste brende til med 25! Bak han låg ein ganske samla gjeng beståande av resten med unntak av Håvard som fortsatt er «under opplæring» og tek nokre færre og kortare variantar enn resten. Denne gjengen låg på ca. 36 sek i snitt, noko som vel betyr ca. 18kmt.

Ver og føre: Føret utanfor tunnelen var forferdeleg. Berre juklar og is. Men, heldigvis har vi «hallen» vår. Men, det er kaldt. Ca. -11grader i dag og sur sno frå aust.

———————————-
Det har vore trena jamnt og trutt og alt har foregått i gangtunnelen, men då referenten først prioterte oppkøyring til NM, og deretter vart sjuk, har referata mangla. Vi skal sjå om vi kan få data på plass.

————————————-
08.02.2024:
6 stk. møttte på dagens økt. Det var Atle, Jens ole, Johnny, Magne-Geir, Odd og Torbjørn.

Sprintøkta i gantunnelen var dagens dose. Som vanleg ca. 170m x 10 x 2 seriar. Odd tok som venta teten, men Torbjørn var snart oppe på sida. Der vart han værande. Litt bak dese fann vi alle unntatt Johnny, som var forkjøla og småskral. Det var snakka om ca. 31 sek løpstid i tet.

Ver og føre: Ute var det ca. 5-7 minus og vindstille. Ein fin vinterdag med andre ord.

—————————————
15.02.2024:
6 stk på plass i dag også. Det var Atle, Geir, Jens Ole, KJellØ, Magne-Geir og Torbjørn.

Fram og tilbake i Klettentunnelen er ca. 820m. Dette vart sprunge 6 gonger med 1 min pause. KjellØ var i front, men både Geir og Torbjørn hang lenge på. Det blir rapportert om at ein starta på 3.30, men enda etterkvart ned på 3.15 i dragtid.

Ver og føre: Det er mildare. No ca. 0 grader og overskya. Snøen smeltar på Førde Stadion 🙂

—————————————
22.02.2024:
Endeleg tilbake på Førde Stadion 🙂 Det greit å vere i tunnelen, men å trene under åpen himmel er trass alt betre. Det var litt «spinkelt» frammøte i dag med 5 stk. Det var: Atle, Johnny, KjellØ, Odd og Torbjørn.

Det var snø og is på vekslingssida, så dermed vart det 300m-intervallar. Vi sprang fram og tilbake 16 gonger fordelt på 2×8 drag med seriepause på 2,5min. Pause mellom kvart drag var 30 sek. Som vanleg starta ein «roleg» og auka etterkvart. Odd var først, og avstanden til Kjell og Torbjørn var etterkvart 10-15m. Johnny kom halsande deretter med Atle bak der igjen. Tidene i tet var frå 69 – 61 (Odd).

Ver og føre: Ca. + 7gr (!!) og vind frå aust.

—————————————
29.02.2024:
Då er heile bana fri for snø og is og vi kan gjere som vil. Og vi er denne gongen desse: Ane, Alexander, Geir, Håvard, Jens Ole, Jørund, KjellØ og Torbjørn. Den vakne lesar vil sjå eit nytt namn her: Ane Brekke heiter ho og har bakgrunn frå både ski, motbakkeløp og friidrett. Velkommen! 🙂 Elles er Alex og Jørund tilbake etter lang tids fråvær, og det er jo kjekt.

Økta i dag var 7x800m intervall med 1min pause mellom draga. Ane hadde ingen respekt for eldre folk og la seg like godt i tet. Her fekk ho følgje av Alex med Jørund halsande like bak. Referenten er usikker på strekktider, men det blir snakka om at ein på slutten var nede på 2.40.

Ver og føre: Tendens til vår med opphald og 5-6 +grader. Flott med andre ord.

————————————–
07.03.2024:
Ja, no svingar det! Heile 15 stk. møtte på dagens trening. Det var desse: Atle, Frida, Geir, Håvard, Jens Ole, Johnny, Jørund, Kjellø, Magne-Geir, Odd, Sveinung (Lien), Torbjørn, VegardH og VegardO.

Vi er på Førde Stadion og i dag forholda perfekte til tidleg mars å vere. 2 x 7x400m var progammet. Pausane var ca. 45 sek. og seriepausa 2 min. Det skilde seg fort ut ei tetgruppe som stort sett bestod av 6 stk: Jørund, Odd, Vegardx2, KjellØ og Torbjørn. Jørund var først på dei 4-5 første draga med Odd og resten like hælane. Etterkvart tok ungdommen over, dvs Vegard H og O, men gamlekarane var like i hælane. Farten låg rett under 90 sek, men det auka som vanleg på. Tre av draga gjekk under 80 og det beste heilt ned på 75. Det var Vegard O som stod for. Ei kjekk og god økt.

Ver og føre: Ca. 5 grader, overskya og vindstille. All snøen er vekk på stadion. Vi er SÅÅÅÅ nøgde!!!!

—————————————–
14.03.2024:
I øs pøs regnver møtte 8 stk. til dagens økt på Førde Stadion. Det var: Atle, Geir, Jørund, KjellØ, Magne-Geir, Odd, Ola og Torbjørn. Der var Ola tilbake 🙂 Det er flott!

7x1000m, går ryktet om at vart gjennomført. Etter det referenten har høyrt så var nok Odd, Jørund og Ola lengst framme med KjellØ og Torbjørn deretter. Tider etc. er ukjent.

Ver og føre: Einaste positive var at det var vindstille. Elles regna det tett.

—————————————-
21.03.2024:
Det er endå ikkje vår, og nok ein gong var ikkje forholda på vår side. Det er ein god gjeng på Førde Stadion i dag også: Ane, Geir, Jens Ole, Johnny, Jørund, KjellØ, Magne-Geir, Ola og VegardO. Det blir 9 stk. det.

I dag var det pyramide-intervall på denne måten: 200-400-600-800-1000-800-600-400-200m. Pausar frå 30sek. til litt over minuttet. Ja. i dag fekk karane «pryl». Ane, som er i kalasform, gjorde kort prosess med heile gjengen og var heilt suverènt i tet 🙂 Der har vi noko å strekke oss etter, og det likar vi! Vertilhøva tatt i betraktning gjekk det fort også. 3.40 på 1000m t.d. Ser vi vidare nedover i rekka var Ola, Jørund og Geir å sjå langt framme. Ei solid økt.

Ver og føre: EIn voldsom vind frå nordaust gjorde at oppløpssida var skikkeleg tung. Regna gjorde det og, så ønsket om vår er så absolutt til stades.

———————————————
04.04.2024:
Då er påska over og vi er inne i april. Ikkje heilt vårver endå, men greitt nok. Det som er bra er at frammøtet er godt med 12 stk. på plass. Det var desse: Alexander, Anders (Bjøkhaug), Ane, Atle, Per Eivind, Geir, Jens Ole, Johnny, KjellØ, Magne-Geir, Ola og Torbjørn. Kjekt med gjensyn med tre av karane som ikkje har vore med i vinter.

Det vart ei solid økt som var slik: Terskelintervall med 2 seriar à 8x300m. Pause 30sek og seriepause på 2min. Ane var i tet med det same og der vart ho verande. Alexander, som debuterte på bane for året, var litt avventande, men kom fram og tok teten på nokre drag ut i økta. Elles var Ola, Eivind m.fl. langt framme. I teten starta ein med 61, men kraup etterkvart ned på 58-59. Eit par av draga var heilt nede på 55. Det siste gjekk på 56. Det er godkjent.

Ver og føre: Solid vind frå aust, men det gjekk det og.

——————————————–
11.04.2024:
Det vart trena også denne dagen og frammmøtet var visstnok 8 stk, men då referenten ikkje var ein av dei er det litt uklart kven desse er.
Økta var 8x1000m.

——————————————-
18.04.2024:
No snakkar vi! I dag var det rekordframmøte med 17 stk 🙂 Av desse finn vi ein debutant (Julie) og ein vi ikkje har sett på lenge (Arthur). Det er flott. Her er namna på alle: Alexander, Anders, Arthur, Atle, Frida, Geir, Jens Ole, Johnny, Julie, Jørund, Kjellø, Magne-Geir, Ola, Osmund, Per Eivind, Torbjørn og VegardO.

Økta var slik: 10x400m (1min pause). Ein starta pent med 87, men så gjekk det gradvis raskare slik: 84-81-79-81-79-79-78-77-71. Alexander og Per Eivind er sterke, men også Anders, Ola, Kjellø og etterkvart Vegard var med i tetgjengen. Bak desse låg Geir, Torbjørn og Johnny, og så kom resten.

Ver og føre: Ca. 6 grader og framleis har vi den sure vinden frå aust.

—————————————–
25.04.2024:
Ja, det var det «standpunktprøve, eller testløp om ein vil. Her var det møtt opp ein fin gjeng der vi finn 2 ny «gubbar». Den yngste, Kaper, er berre 25år og kollèga med Atle i banken. Den andre er Lars Kyte, som er ein av dei nye på 55+ laget. Velkommen til begge.

Ja, det var altså testløp og det over 1000m. Her er resultata:
Per Eivind 3.11
Ola 3.16
Kasper 3.16
Jørund 3.20
Geir 3.24
Johnny 3.29
Osmund 3.35
Torbjørn 3.40
Atle 3.44
Lars 4.07

Elles var Alexander med som hare og Jens Ole og Kjell Ø hadde eige opplegg.

Ver og føre: +6 grader og litt vind frå vest.