Banetrening 2012
11.06.2012:
Vi er i gang igjen med sugande økter på Førde Stadion. Måndagar kl. 16:15. I dag var det Jan, Johnny og Oddvin som møtte. Her skal ting gjerast forsiktig så økta var forholdsvis kort: 300-200-200m. Pausar ca. 3 min. Jan åpna friskt med ei tid like under 50. Deretter gjekk 200m på 30,5 og 32. Alle kom seg heilskinna igjennom sjølv om vi alltid har «knirk» i skrotten å snakke om.
Flott sommardag. 19 grader og svak vind frå nordvest.
¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨
18.06.2012:
Kun to møtte i dag: Johnny og Ivar Andrè. Sistnemnde slit fortsatt med kneskaden han pådrog seg i fjor haust og må vente med å sette full fart.
Fortsatt tilvenning til dekke og meir fart. I dag var økta 3 x 600m med 1 runde gangpause. Johnny sprang på følgande tider utan å gå heilt i kjellaren: 1.57-1.57-1.55. Kjekt var det likevel å vere i gang igjen på stadion.
Ver og føre: Gråver ca. 13 grader og svak vind frå vest.
——————————
02.07.2012:
I dag møtte Jan og Johnny til trening. Her er god plass til fleire, så det er berre å møte.
Ei klassisk baneøkt i dag: 4 x 400m med 1 runde gangpause. Johnny og Jan var like på dei 2 første draga, men så vart det tungt for Jan og han måtte roe ned. Tidene i tet var 70.6-68.9-68.1-69.4. Ok økt det som gjorde godt.
Ver og føre: Litt vind, men 16 grader og lettskya. Flott på bana!
—————————-
09.07.2012:
Ein steikande flott sommardag og 3 møtte i dag: Jan, Johnny og Ivar-A.
Økta var slik: 6 x 300m. Pause 3 min. Det betyr tempointervall. Farten låg mellom 49.6-50.6 og det var Johnny som var «sjef» i dag. Jan hang med på dei to første draga, medan Ivar fortsatt kjenner kneskaden og må ta det med ro.
Ver og føre: 25 grader, sol og vindstille. Veldig flott sommardag!
—————
16.07.2012:
Feriestilla har senka seg over landet. På bana i Førde var det også stille og kun Johnny var der kl. 16:15.
Han sprang ein 1500m delt i 3 x 500m med 200m gang i mellom. Det gjekk helst tungt og desse tidene var resultatet: 1.35-1.38-1.37. Hadde ein klart dette i eitt javs, hadde det vore bra, men der er ikkje formen no. Etter 5 min pause var det dessert med 300m på 50 sek.
Ver og føre: Det var helst kjølig til sommar å vere. Kun 11 grader og lett yr.
————————-
23.07.2012:
Nok ein «stille» dag på stadion. Kun Johnny her i dag og. (Han kjem til å bli god….!)
Økta i dag var 8x200m med 200m gang i mellom. Alle gjekk under 32, og den beste var på 30.8. Ei god økt som kjennes heile kvelden.
Ver og føre: Lett regn, litt vind og ca. 15 grader. Forsåvidt ok å trene, men kunne tenkt seg litt meir sommarver.
——————
13.08.12:
Etter ein kort «sommarferie» var vi tilbake på stadion i dag. Og vi var Jan, Johnny og Kjell N. Sistnemnde har slite med sår akilles sidan i vår, og etter oppvarminga i dag var det like gale og han har difor valt å «kaste inn handkledet». Han kuttar heilt ut og for bli kvitt dette og dermed ryk NM for hans vedkommande.
Jan og Johnny køyrde i gang ei klassisk baneøkt: 4x400m med 400m gangpause. Johnny var først på alle med tidene 69.0-68,5 -67.8 før han fekk ein strekk/Krampe i høgre lår 40m før målgang på siste draget. Får håpe dette er av det lettare slaget. Jan, som har vore plaga med sykje og småskader i sommar fekk stadfresta frykta om at formen ikkje er all verden. Han heldt omtrent følge på første draget, men fall så lenger tilbake og låg på tider rundt 73-75.
Ver og føre: Berre lekkert…. 25 grader sol og svak vind. Skikkeleg sommar.