Banetrening 2016.
07.04.2016:
Då var vi igjen i gang med baneøktene på Førde Stadion. Sola skein og det «stod til liv». Vi var ein god gjeng i dag då 5 stk. kom. Vi kan ynskje velkommen ein ny kar på bana: Bjørn Olav Espe. Det hjalp litt på snittalderen i gruppa! Dei andre var Geir, Johnny, Kjell og Vidar.
Treninga: Det var ein del «rust» ute og gjekk i gruppa, og ein sidan det er er første gongen, må vi ta det litt «pent» på dei første øktene. Menyen var 6x500m (start kvart 3.min). No kan det diskuterast kor pent det vart, for tempo var omtrent som det har brukt å vere. Geir var første heile vegen med Johnny og Kjell på dei neste plassane. Tidene i tet: 1.44-1.46-1.44-1.43-1.42-1.38. Johnny og Kjell var bra med og var under 1.50 på alle draga. Vidar og Bjørn Olav held følgje, og låg truleg rundt i 2.min fart. Slitne og fornøgde var alle.
Ver og føre: Ein flott vårdag. +10grader lett vind frå søraust og sol. Du verden!!!
——————————
14.04.2016:
I dag var det 3 stk. på bana: Bjørn Olav, Geir og Vidar. Etter det referenten har forstått kom Geir litt etter dei andre og tok det pent då han ligg i «aktiv kvile» for maratonløp på Rett Vest til helga.
Økta var 4 x 1000m (Start kvart 5.min). Dei to BjørnO og Vidar heldt som vanleg følgje. Tidene låg mellom 4.17 og 4.21. Ein ok start og framover våren skal det nok gå både fortare og sprunge fleire.
———————————–
21.04.2016:
Denne dagen var her berre 2 mann på plass: Geir og Vidar. Dei køyrde ei solid økt:
1000-800-600-400-200-200-400-600-800-1000m intervall. Geir hadde god fart heile vegen, og greidde sågar å presse 1000m-farten ned frå 3.45 til 3.39. Vidar var i følgje seg sjøv, 100m bak uansett distanse!!!
Ver og føre: Kjølig, litt nedbør, men eller ok.
——————————–
28.04.2016:
I dag var det ein kjekk dag på bana. Torbjørn var tilbake etter rygg- og knetrøbbel, Johnny etter forkjøling. I tillegg hadde vi ein ny mann med: Magne Solheimsnes – Gubbetrimmar frå Jølster! I tillegg var både Bjørn Olav, Vidar og Geir her. Altså 6 stk.
Treninga: Litt fart i beina trengs, så det i dag var det korte intervallar: 8 x 300m med 2 min gangpause. Johnny fekk lov å lede dei fem første, så kom Geir fram i tet. På siste draget kom forsyne meg Torbjørn glidande, omtrent som han ikkje skulle ha gjort noko anna siste vekene! Tidene i teten var: 57-57-56-56-55-54-55-53. Litt uvant for fleire dette, så «såre-leggar-varsel» er herved sendt ut!
Ver og føre: Sol ca. 10 grader og vind frå søraust. Som sagt kjekt å vere her i dag!
—————————-
12.05.2016:
Etter ein raud dag førre torsdag var det igjen «kvardagstorsdag»i dag. Men i dag var det god plass her: Kun Johnny møtte! No skal det seiast at både Vidar, Torbjørn og Geir er på sykkelmoro, der dei skal sykle Skandinavia på tvers på 3 dagar!!!
Uansett dette vart gjort av Johnny: 8 x 500m (start kvart 3. min). Kontrollert tempo på 1.53-1.54 på dei 7 første – 1.49 på den siste.
Ver og føre: ca. 10 grader lite vind og flott å vere på bana!
—————————–
19.05.2016:
Nok ein gong var Johnny åleine på bana. Sykkelistane er «såre» både her og der etter langturen i pinsa, men er venta tilbake neste veke.
Johnny hadde denne dosen: 1000-800-600-400-200m intervall. (Pause 1,5 min på alle). Tider: 3.57-3.02-2.11-1.21-35. Det gjekk tyngre enn det som godt er!
Ver og føre: Ein flott vårdag med 13 grader, sol og omtrent vindstille.
18.08.2016:
Det har vore ein sommar der gjengen har vore mykje «til og frå». Skadar har det vore og mykje har ikkje gått på skinner. Men i dag var vi endeleg tilbake. I dag var det desse Geir, Johnny, Torbjørn og Vidar.
Treninga: Litt pussig å sjå at vi i dag køyrde same økta som vi ser rett over her! Pausane var i dag 200m gang (2,5-3min). Tidene i dag var desse i tet: 3.32-2.51-2.01-1.15-33. Geir var først på alle med unntak av nr.4, der Johnny var først! Torbjørn er stabilt i god form og hadde 2.plass på dei tre første. Vidar har ein jobb å gjere, og var litt lenger bak!
Ver og føre: Sommar og sol, men vind frå vest som vi kjende i nordre sving.
————————–
25.08.2016:
Geir, Johnny og Torbjørn. Det var gjengen i dag.
Det var ei god gammal klassikar-økt som vart sprunge: 8x500m med start kvart 3.minutt. Som venta var det Geir som var sjef i dag. Han starta med 1.45 og gjekk så nedover sakte, men sikkert med ei avslutning på 1.39. Men, både Torbjørn og Johnny var ganske så nær heile vegen. Torbjørn sånn ca. 1-2 sek etter og Johnny 2-5 sek etter. Ein må seie at dette er godkjent, sett i lys av alle skadeproblema som har vore siste halvåret.
Ver og føre: Kan ikkje bli betre: 20 grader lettskya og vindstille!
————————-
01.09.2016:
Då var september her og vi har fått skikkeleg utriveleg haustver. Geir og Torbjørn var likevel på plass og dei fekk følgje av Harald Sletvold som også hadde ein tur innom oss i fjor. 1 time etter kom også Johnny, som hadde vorte hefta med andre ting.
Maraton-gutane køyrde ei maraton-økt: 10x1000m start kvart 5.min. Farten skulle vere forholdsvis roleg: 4.00 og 4.15 annankvar gong. Dette greidde Geir. Torbjørn stod av etter 8 stk.
Johnny køyrde ei økt som såg slik ut: 1600m-800m-400m. (Pause 3min). Tider 6.16-3.01-79.
Ver og føre: Det var rikeleg med regn så bana stod nesten under vatn. Heldigvis var temperaturen såpass at det gjekk greit. Dvs. 13-14 grader.
—————————
08.09.2016:
På ein strålande sommardag var det desse som var på plass i dag: Geir, Harald og Johnny.
Det vart litt meir fart enn siste gongane. Økta var slik: 6x500m (200m gangpause). Første draget gjekk på 1.39. Harald og Geir følgde kvarandre med Johnny hakk i hel. Vidare var det same stillinga og desse tidene i tet: 1.39-1.36-1.36-1.34.1.28. Geir klarte å halde følgje med Harald til og med nr.4 og var så liggande på 1.36 på dei to siste. Johnny hadde mellom 1.40-1.42. Alle var godt «ferdige», men vi kjem oss fort til hektene igjen!
Ver og føre: Ein veldig fin sommardag. 22 grader og så godt som vindstille. Dette veg opp for førre torsdag og meir til.
———————————
15.09.2016:
Årets beste sommardag og det er 15.september! Synd at kun Johnny var på plass for å nyte dette!
Etter å ha fått skikkeleg trøbbel med kneet etter førre torsdag, var det «prøve-intervallar» i dag for å sjå korleis kneet fungerte. Det vart sprunge 3 x 1000m med 100m gangpause mellom. Tider: 4.02-4.00-3.57. Og det beste av alt: Foten kjennes nokolunde ok ut!
Ver og føre: 25 grader, vindstille og sol. Det var faktisk steike heitt, men du så bra!