Ola H – stødig medlem i vår organisasjon – fylte 60år i november. Den gongen hadde vi ikkje tid til å feire han, men no skal dette skje. Dagen vert laurdag 13.mars. Opplegget er omtrent som følgjer: Vi møtest utanfor Skei Hotell kl. 17:00 til treninga. På hotellet leiger vi oss eit rom (base-camp) der vi kan skifte og dusje. Vi tenker å nytte oss av fasilitetane som boblebad og basseng før vi går til middag sånn ca. kl. 20:00.
Det hadde vore greitt å vite kven som tenker å bli med under middagen, slik at vi kan varsle hotellet om det. Det blogges!!!
Eg stiller både til trening, bading og middag. Eg skal sørge for at Skei Hotell får beskjed når vi har antalet.
Her må da gode grunnar for å ikkje delta, så eg stiller på alle øvingane denne kvelden
Hei! Eg stiller på trening og alle andre humørfylte arrangement denne kvelden. Var i bassenget og på julemiddag siste søndag før jul men fann då ikkje boblebadet..?!Hm..
Bra! dato er notert, og eg stiller på «full pakke».
Full pakke på meg og. Til Ivar så er boblebadet første dør til høgre.
Ditta høyrest veldig kjekt ut, og vi går vel i forhandlingar i heimen om å laue oss på Skei den 13, sidan det er så lite vatn på Eikås, eller kva seier de, Dag og Erling?
Som Roald seie her må det gode grunnar til for ikkje å stille. Vatn har vi i Bøafeltet. Kan stille med dusj ikl. vatn til Eikåsingane. De må no få dusja før den 13.
Dette må også eg få med meg, med full pakke og det heile.
Ja, dette er no starta å likne på noko. Oppsummert er desse med på «alt»: Oddvin, Sverre, Asbjørn, Magne, Anders, Ivar, Roald og Johnny. Men vi manglar endå fleire av dei store tenorane, f.eks. Dag.. Elles kva med f.eks. Rune, Kjell N, Reidar, Svein-A +++ Her er endå tid.
Eg har sjekka prisar med Skei Hotell. Ein 3 -retters middag kostar kr. 375,-(dei har kanskje buffet denne kvelden til same prisen) Badinga kostar kr. 75,- pr. pers. Eg har også bestillt 1 rom som vi disponerer til vi reiser. Dette kostar oss 500,-.
Eg tok til å verte nervøs for ikkje å få delta på denne store feiringa dersom eg ikkje melde meg på her på bloggen.So hermed melder eg meg på!!!!!!!!!!!!!
Eg vil delta på «alt» innafor sømelege grenser(mine grenser kjenner eg ikkje!!!?????????)Vi kjøyrer vel isen heimatt reknar eg med!!!!!!!!????
Godt at du Rune er med… og du skulle nok fått lov sjølv utan blogging.. I den samanheng: Dette er vel første innlegget her på bloggen frå Rune sitt tastatur?? Eg gratulerer…. Dette bør skålast for på Skei Hotell.
Etter nøye vurdering, der andre gode alternativ har vore framme, har eg kome til at eg deltek på SPA-opplegget til Olaen. Reknar ikkje med å ta med meg eigen spa?
Rune sitt forslag om å køyre isen nedatt ber eg han vurdere på nytt, den lyt springa fort som er på tynn is! Men han er no ein av sprinterane, så det går vel bra????
Har vi forresten berre ei skålesak utanom om den sjølvsagde, jubilanten?
Eg trur Oddvin må på bana med, ja nettopp båtsleden. Det er vel
på tynn is den er best… Det blir sikkert vanskeleg å få den klar til
den store kvelden, men skålast for den kan vi.
eg ser ut til å bli med etter det eg har funne ut, skal etterpå på treningsleir på Gran Canaria men litt trening og mat og slikt på førehand er sikkert bra
Organisasjonskommitèen har hatt eit kort møte og funne ut at vi skal «bypasse» båtsleden denne kvelden. Det har seg nemleg sånn at Jan, vår kjære motbakkespesialist, har taxi-vakt denne kvelden. Han skal til Førde denne kvelden og hente folk heim for ein 50-lapp. For kr. 100,- pr. snute kan han køyre oss heilt heimatt til «mor» før han reiser til Førde…!!! Avgang frå Skei Hotell kl. 01:30 Sharp!
Eg har lova Erling å transportere han trygt til Skei på laurdag. Anders, son min, køyrer oss til Skei, men vi tek taxi heimatt. Oddvin har hengt seg på, og eg reknar med at den andre haugianaren også vil sitje på. Då er det plass til ein til i Caravellen.
Avgang Erling kl 16.15
Ivar-A ville også ringe deg Asbjørn for å sitte på. Greier du han også? Nei, kanskje ikkje…. Kva har Nilsvegen tenkt? Eg og Magne møter på Skei for eigen maskin. Totalt er vi no 12 stk. om jubilanten Ola også møter. Det skulle bli eit godt lag. Vi må nok sitt i baljen i 2 puljer, men, men….
Eg kan bekrefte her og no at den andre haugianaren (meg sjølv) gjerne vil ha skyss oppover i Caramellen, eller kva det no heiter. Eg er 16:16 ved oppslagstavla i vegkrysset, med soknerådspåse og trim/finkle, 2 tette og ei badehette, høveleg anstendig badedrakt osv.
Då har eg fått eit avbud: Ivar-A. Men, vi stiller likevel svært sterkt. Heile 11 stk. Sjølv vil eg innta Skei Hotell kl. 10:00 for å delta på Friidrettstinget. Takka mi, etterkvart store erfaring frå Gubbetrimmen, skal eg vere møteleiar også her. Eg skal vere klar til å ta i mot gutane når de kjem. Eg/Vi har rom, så det er berre å bere ting i hus før vi set ut på trening. Eg har sagt at vi går til bords kl. 20:30, så vi skulle ha god tid å bade og prate før det. Vel møtt alle!!!
«Ja, ditta vart ein øye kjekke kvelde»…. Eg hadde så nær sagt som vanleg, vart det akkurat så kjekt ein kunne håpe på. Godt prat, god sang, god mat og godt drikke. Og så var det desse kordamene vi møtte..Mange av oss fortsette treninga på dansegolvet, akkurat med desse. Eg var i allefall våt av svette fleire gonger. Elles både ser og høyrer eg at reportoaret til juleplata vår no verkeleg tek form.
Takk for ein kjekk kveld!
Enig med Johnny at det var ein øye kjekke kveld, sjølv om eg ikkje vart svett anna eller på treninga. Juleplata ja den skal vel innhalde julesongar, men Dag og Anders fekk vel i oppdrag å lage gubbesang, det vart vel sagt at den skulle urframførast på garasjegløggen, men eg kunne tenkt meg at den var klar til «to pils og to pølse «. Klara de da ? Eller må da opp i styret ?
Ein slik organisasjon treng vel i grunnen 2 songar, alt etter årstid og aktivitet, eller kva meiner de? Hugs at det er snakk om eit dubbelt-album!
Kanskje ei kantate jubilate? Inga sørgevise, i alle høve! Ikkje rettare eg hugsar er det Anders som har utspelet?
Liddeli’ gal og liddeli’ go’. Kom te meg ska du få drikke av min sko!
Elles er eg sjølvsagt einig i at kvelden var heilt topp, eg heldt ut også heile bussturen, det pla vere stritt nok
Då har eg endeleg kome meg inn på bloggen, eg og (etter diverse plunder med brukarnamn og passord)!
EG VIL TAKKE FOR EI UTMERKA FEIRING!
Vart spesielt overraska av damekor i bassenget og allsongen i spisesalen.
Det var stort! Ellers var det so kjekt som ein kan ynskje «i gode venners lag» Var også godt nøgd med quiz’en til Roald ( han hadde treft godt, det var stort sett det eg kunne om dette temaet)
Ellers gjekk det fint på alle måtar, og ingen fraus på beina, (iallefall ikkje Anders)