Etter suksessen i fjor måtte det berre bli eit nytt meisterskap i år. SIv H, Erling og Roald har hatt komitèmøte og kome opp med følgande øvingar i år:
1. 600m løp med innlagd «golf» halvvegs.
2. 40m sprint.
3. Null-løp: Springe 2 runder à 500m med 5 min pause mellom. Den som klarar same tida på begge rundene vinn.
4. Frisbee (!!)
Dei tre første øvingane føregår i området Bjøkelia. Den siste ved oppmøtestaden.
Dato: Laurdag 23. juni. Frammøte på vanleg stad (Garasje Grønfur) kl. 15:00 (Merk tida!). Kl. 17.00 er det sesongavslutning på Juklestad Brygge med grill og meir….
Vel møtt!
————————–
Vel overstått stemne. Det vart ein suksess med gode øvingar og godt arrangement. Her er resultata:
Samanlagt:
1. Kjell Ø 100 p, 2 Sverre G 88 p, 3. Johnny S 78 p, 4. Kjell N 65 p, 5 Erling B 63 p, 6 Jan S 62 p 6. Asbjørn 62 p 8. Roald 55 p 9. Erling D 54 p 9. Siw H 54 p 11. Magne s 52 p 12. Arne H 47 p 13. Rune G 44 p 14. Anders H 42 p 15. Oddvin H 41 p, 16 Silje N. 35 p, 17. Frida Ø 32 p, 18. Jon Kristoffer 26 p
Vinnarane på kvar øving:
1. Kjell Ø, 2. Johnny, 3. Sverre, 4. Sverre.
Spennande øvingar – og noko for ein kvar smak. Er mest skeptisk til sprinten… Det må vere Erling sitt påfunn, som om ikkje han har nok kundar 🙂
Uansett: Eg stiller med ambisjonar om å vinne heile greia!
Sprinten var nok mitt påfunn ! Det var for at dei som kallar seg for sprintarar skulle få ein «tjangs». Eg har ikkje store ambisjonar på den øvinga
Eg vil vere med! Skal leite fram frisbien og legge meg i hardtrening
med den. Det blir nok den viktigaste øvelsen i år!!!
Ka svarten går øvelsen ut på forresten??????????!!!!!!!!
Oppfinnsom komité. Ditta verte moro. Eg òg melder meg på. Satsar på nullløpet.
Her er vel mange tidsprogrammerte 500 meterløpara forresten, så kva gjer ein viss det blir mange vinnarar? Er det greitt, eller skal det vere «cup» og omløp til det står ein vinnar igjen som «årets null»?
Eit øvingstips til Rune:
Viss frisbee er det same som sunnmøringane kallar skivjebrett, så går vel øvinga ut på å skivje ? Litt eller mykje?
Lyt prøve å stille på dette. Og som Asbjørn satsar eg mest på å bli eit null 🙂 Det er der moglegheitene finns…
Elles prøver eg å få med gubben òg, men spekulerer no litt på kor fornuftig det er å sende han bort i den 40-meteren…. Må eg bu meg på å ha ein stk invalid i huset etter jonsok?
Ei stor takk til Roald og Erling med god hjelp frå nabo kommunen, for eit godt gjennomført meisterskap. Går ut frå at det vart ei god grillstund med Oddvinds bad?. Stakk litt tidleg. God sommar til alle.