Så er sommarens store mål for mange av gubbetrimmarane over. Veteran-NM 2010 i Florø vart ein skikkeleg suksess for oss. Høyr berre her: Gull: 5 stk. Sølv: 2 stk. Bronse: 4 stk. Det er behaldninga våre medlemmer henta heimatt frå Florø.
Den kanskje sterkaste prestasjonen var Gry sine 2 løp – 3000m og 5000m. 11.24 på 3000m og 19:47 på 5000m. Begge er jølsterrekordar med solid margin. Så har vi Kjell N. som tok heile 2 gull. 800m (2.20) og 1500m (4.51). Veldig gode løp. Det kan nemnast at for både Kjell og Gry var dette debut som baneløparar! Jan tok også gull – her på 100m. Tida var 13.11. Siste gullmedaljen var det Ivar Andrè som ordna med sin 5000m. Tida var 18.24.
Vidare kom medaljane slik: Jan: Sølv 200m, Johnny: Bronse 400m og 800m., Sverre: Bronse 100m. Til slutt må vi nemne stafettlaget på 1000m i klasse 60-69år. Her sprang Erling, Rune, Oddvin og Roald. Etter hard duell med spesielt Veldre måtte dei ta til takke med 3.plassen. I same rennet må vi nemne at Oddvin også deltok på 200m og 400m. Her vart det 4.plass på begge løp. Til slutt: Svein Boge var også med – her på 5000m. Dessverre så måtte han bryte grunna ein kranglete akilles.
Som sjefstrenar vil eg takke for kjekke økter på Førde Stadion i sommar. Uvant trening for dei fleste dette, men framgangen for den enkelte var påtageleg. Flott at så mange vart med på NM. Håpar fleire fekk lyst å konkurrere meir på bane. Kanskje kan vi reise ein god gjeng til Drammen på neste års NM?
eg er utruleg imponert. Gubbetrimmen rular nm. artig. såg og at Roald hadde fått eit artig etternamn på den offisielle resultatlista. Eg tykte det var eit passande namn.
Johnny sitt opplegg har all ære for at det gjekk så godt som det gjorde. Utan hans godt gjennomtenkte opplegg på bana i sommar hadde vi ikkje hatt sjans.
Håpar mange blir med på trening fram mot NM i Drammen 2011. Det syner seg at dei fleste av oss i Gubbetrimmen kan delta og gjere god figur i dette selskapet.
Namnet skjemmer ingen Gaute ! No er frammøtelista for neste halvår kome på garasjeveggen. Kan diverre ikkje møte sjølv denne laurdagen, men kjem sterkt tilbake
GRATULERER HEILE GJENGEN!!! Ditta var imponerande. Gode tider også, så det var velfortente plasseringar.
Eg reknar med at de også hadde det kjekt.
Heldige vi andre er som får trene i slikt selskap. Skal bli kjekt å starte med laurdagstrening igjen.
Eg vart litt nysgjerrig på kva etternamn du har gjort deg fortent til i Florø, Roald. Så viss du ikkje tilstår, så får vi sjekke resultatlista nøgnare.
Eg stiller meg beundrande i køen av gratulantar! Dette var sterke saker.