Myllarguten Erling vil ha oss på mølla igjen….Denne gongen skal det heile føregå i Svidalen Grendahus. Erling vil kalle oss inn i tur og orden, og som sist er testen kor langt vi kjem på 10 min. Resultata vert presenterte på årsmøtet i april-mai. Held vi standen, eller vert her tilbakegang? Kven har størst framgang i høve til i 2007?
OBS! Som ei handsrekning til Vårvon Ungdomslag betalar vi kr. 40,- pr. løpar for lån av mølla.
Her er det berre å glede seg…
Då ser eg at vi snart skal til pers igjen… Som ein repetisjon – her er tala frå 2007.
Kjell N. 2690m
Åsmund 2560m
Magne 2540m
Johnny 2530m
Asbjørn 2140m
Anders 2060m
Rune 2040m
Roald 2040m
Dag 1880m
Svein Arne 1820m
Erling 1770m
Turid 1660m
Så får vi sjå kva tala vert i år.
Då er vi omsider i gang, og dei 2 første kandidatane var inne til test i Svidalen Grendahus i kveld. Først ut var Reidar. Han hevda at han aldri hadde sprunge på mølle før, men det skulle ein ikkje tru. Han åpna i god fart og etter 5min auka han farten meir og meir. Eit veldig sterkt resultat, som mange skal få slite alvorleg med å slå…
Deretter var det Dag sin tur. Han kom 1880m avgarde i fjor, og hadde heilt klart ambisjonar om å slå dette. Han starta i same fart som Reidar og også han auka farten etterkvart. I mål var han kun 30m etter Reidar. Også dette eit sterkt resultat, og den som skal ha like stor framgang i høve til 2007, skal få slite….
Snart blir nye kandidatar kalla inn, og vi gledar oss (kanskje):…??
Ny gjeng var på plass til test i Svidalen Grendahus i kveld. Først ut var Rune. Med lett smygande steg og fin balanse la han i veg. Etter 5min låg han likt med Reidar og Dag, og som dei fann han ut at dette gjekk for smått. Han auka farten til 14km/t og kom i mål 30m bak Dag og 60m bak Reidar.
Så var det Roald…. Med lange sugande steg la han i veg. Etter 5min var han i knapp leiing. Sjølv om også han auka farten etterkvart kom han inn 10m bak Dag. Her var det meir krefter igjen..
Til slutt Johnny: Med 2540m som resultat i fjor, var det berre forbetring som var godt nok. Utan å røpe resultatet kan ein rapportere om ny årsrekord – 370m lengre enn Reidar.
I kveld var det Asbjørn sin tur på mølla. At guten er i god form hadde vi mistanke om, og det viste han til gangs. Eit sterkt løp, der han starta godt og auka etterkvart. Etter 10min kunne vi notere 130m lenger enn Reidar og førebels mester i Langhaugane.
Eldste gubbetrimmar, Oddvin, var på mølla i kveld. Han hadde aldri prøvd slikt aparatur før, og etter litt balanseproblemer kom det seg. Oddvin åpna ganske roleg, men auka farten etter kvart. Siste 1/2 minuttet var han oppe i 16km/t. I mål kom han inn 80m etter Rune. Ein grei debut!