Det nærmar seg jul med stormskritt, også for gubbar. Tradisjonen tru vert det arrangert juleavslutning i garasjen til Roald siste laurdagen før jul. I år der dette allereie 17.des. Vi møtest til vanleg tid og vanleg stad, tek så ei kort øk,t før vi benkar oss rundt bordet til mat og prat.
Her vert det som vanleg premieutdelingar og utmerkingar for haustsesongen. Vi reknar også med at sponsoren vår – Ivar A – stiller med årets rakfisk. Roald serverer gløgg, poteter og tilbehør. Treng du anna drikke tek du det med sjølv. Ein reknar også med at det vart allsang av ymse slag og om nissen kjem, veit kun han sjølv..
Set av tid til ei kjekk stund, og gje melding heime at du kan ventast seinare enn vanleg. Eit nyttig tips er å ta med tørt tøy i sekken. Vel møtt!
Ditta har eg gledd meg til. Men familien har plassert meg i eit anna selskap den ettermiddagen, så for julefreden si skuld, må eg hoppe over garasjegløggen til Roald i år. Ikkje bra. Men eg skal komme på trening i dag. Den første på snart 3 mnd. Eg skal halde meg dar bak, både so og so.
Eg kjem på juleavslutning med dårleg i ryggen, det einaste som går fint er å sitte. Om det er nokon som vil ha julebrus så tar eg med.
Ja, no treng eg julebrus, Magne. 5 liter minst. Eg er midlertidig sett ut av spel. Blåmandag hadde eg meg ein kveldstur på garasjeloftet for å finne madrasser til ventande julebesøk. Gardintrappa var litt kort, hemshøgde 2,80 m, så eg måtte stige på bøylen for å komme både opp og ned.
Dvs. ned kom eg likevel. Huksitjande under taket steig eg med eine foten på bøylen, framovervendt for ein gongs skuld. Der glei trappa unna, og eg rulla framover Heldigvis var eg veltrimma frå gubbetrimmen, så eg greidde å sparke litt frå med eine foten, strekt meg ut, så eg trefte betongen relativt vannrett med hender, alboge og kropp (hofta sneia ein bruskasse), før pannebrasken tok betongen til slutt istadenfor først. Det vart ikkje svart, men blodrødt. Måtte på sjukehuset for å sy, men berre eitt sting, for kjøtsåret i panna var berre «kjøtdeig» og lite feste i. Elles heil, kanskje ein aning med heileskaking, og ein maroder kropp. Ein halv dag med krykker, og etter det har det gått greitt.
Moral? Langst ifrå. Ja, ja.
ODDVIN SITT BESTILLINGSVERK – URFRAMFØRT UNDER JULEAVSLUTNINGA:
Tone: Julekveldsvisa
No har vi røkta kroppen i endå ein sesong
Og jogga på oss muskelbresten atter ein gong
Men gubbetrimmar dei kan ikkje gje seg for ein strekk
Vi trimmar til dei seier – no må gubben ta ein dekk
Året det har bydd på gull og mang ein sigersong
Der gubbar oppå pallen har stege mang ein gong
Og konkurransen – den har berre sett ut som ein leik
Har gjeve andre gubbar – ein heilt nødvendig kveik
Trimmen den har også dette året vore jamn
Vi stiller opp hos Rune og skriv oss inn med namn
Så joggar vi med von om både form og kondisjon
Det er dette som er gubbane sin eigen trimleksjon
I denne song må trenaren også få eit vers
Ein hyllest til han Johnny som leiar oss til pers
Og Rune han er trenar når Johnny har ei sut
Då vert det jamne intervall og kort å puste ut
Når no vi er til endes med trimmen med ein song
Vi sessa oss til bordet hos Roald nok ein gong
Då er det tid for takksemd for rømda som han gjev
Og vone på ei jul – utan alt for mykje strev
På årets nest siste dag vil jeg takke alle sammen for gavekortet jeg fikk til bursdagen min!! Når jeg ser på den sportslige innsatsen siste år, kan jeg trenge sportsutstyr som gir god fart!! Er det noen som har gode forslag?
Kanskje det hjelper noe å møte fram hyppigere….. skal skjerpe meg i det nye året, trur eg…
Godt nyttår til alle gubbetrimmere, sees på nyåret!!