Hausten er styremøtetid i vår organisasjon. I fjor trur eg vi hoppa over styremøtet – noko vi fekk svi for på det etterfølgande årsmøtet, då sakene var ekstra mange.
Tidleg november skulle vere høveleg, og eg dristar meg til følgande møtedato: Laurdag 7.november.
Stad for møtet vert vi nok einige om…
Tilbakemelding her på bloggen takk!!!
Det har vore god aktivitet her på bloggen opp mot møtet, og eg kjenner på meg at møtet blir godt. Saker kan endå meldast inn, men eg gjer her eit forsøk på ei sakliste: 1. Oppsummering av sesongen 2009 (v.Johnny) 2. Kva kan telje som trening? Kan alternative treningar telje med? (Roald innleiar) 3. Kva kan godkjennast som frammøte/oppmøte – evnt. endring av reglane? (Asbjørn innleiar). 4. “PÅ” (Dag innleiar). 5. Baksida av Gubbane på bloggen (Magne innleiar) 6. Planar for sesongen 2010 (Johnny innleiar). 7. Er Roald ei pingle når det gjeld testløp? (Roald innleiar) 8. Gubberop (Sverre innleiar). 9. Drøftingssak: Er det vits å trene? Lever vi lenger av det – og kvifor? (Innleiing v. Asbjørn) 10. Ymse (Denne kan bli lang). Har eg gløymt noko? Ja. Oddvin sjølvsagt. Han har kåseri klart, trass i travle dagar denne helga. Vi gledar oss!!!
Styremøteverten kan melde om antydning til teleløysing i vegen fram til hytta. Temperaturen innadørs er kommen opp i omlag stovetemp., treng ikkje nemnande oppvarming for framføring av innlegg m.m.
Er på plass noko før møtestart.
Vel møtt til alle!
Eit kjekt styremøte er over. Det vart ein triveleg kveld, og som vanleg gjekk det alt for fort. Rekordframmøte med 13 stk. syner at også denne delen av Gubbetrimmen er i framgang. Eg håpar referenten har fått med seg det som skjedde, og at vi kan få vite det i god tid før årsmøtet til våren.
Takk og til Anders som stilte lokale til disposisjon, og som nok ein gong slo til med slik ei knakande gode suppe….